Letas Teke Riso Tei Mae Pol Ka Khiloau Rom 9:19 - Buka Blahi Ka Cheke Holo

¹⁹ Glahula ghusna eghu ghotilo ka iara, “Jame te eghu na, ne faꞌunha si God te fate falehedi naikno eidi nakhibodi grea? Naugna kate tapla jafra ka nakhibodi gre, mare neke eni kolho unha God te magnahagheni na.”

Letas Teke Riso Tei Mae Pol Ka Khiloau Rom 9:19 ပူးပေါင်းရင်းမြစ်များ

Profet Daniel 4:35

Naikno te gnafa ka nauthoglu igne theome glepo ulu ka tathagna mana na. Tothoghei engel te gnafa te au kligna nei naikno te gnafa te au ka nauthoglu pari igne au kolho ke parigna nogna nolaghi mana. Theo kaisei naikno ka nauthoglu igne te kegra fothini mana na, jaola theo kaisei naikno tangomana te ghusna eghu ka mana na, ‘Unha gne te eni iagho na?’

Fapea Kronikols 20:6

Mana ne tarai eghu: “Lord, nodi God kuꞌemi ghehati ra, iagho au kligna eghuteuna iagho funei frunidi kantri te gnafa ka nauthoglu igne. Iagho nheta fara, nei iagho au nolaghi fateote'o. Theo kaisei naikno tangomana te ulu nigho iagho na.

Ululahu Korin 15:35

Nu keha naikno jame ghusna eghu, “Faꞌunha eghu ke karha fapulo si naikno tela lehehi grea? Unha nafnata thini si nate hata mare na ia?”

Ululahu Korin 15:12

Leuleghu fata na ghehati toutonuni eigna God te fakarha fapuloni Kraes kau glehe. Eghume, naugna unha si keha naikno ka ghotilo te cheke eghu, “Naikno tela lelehira theome tangomana te karha fapulo na” teu gnea?

Nonomho Te Keli Teke Risoi Mae Mak 14:21

Iara mae teke mei funu ka God na ginauna tei lehe jateula te chekeni kau grioriso te blahi naia eghu. Nu kokhonini fara mae ihei nate snakre lao ghau iara ka khamedi nogu mae naoka iara re. Nabagna na mae tuana jame neke theome karha kolho!”

Nodi Khoje Hatimare Mae Jiu 76:10

Kate fagnafa aridi sagho nodi diꞌatadi nou mae naoka are, mare ginauna kafe ghatho tahu nigho iagho. Tutuani, neubane au neu katha vido fadiadiꞌa ka mare, tuana ginauna ari huiu ngala ka mare.

Thoutonu Eigna Mae Job 9:19

Ka fei nanheta na, iara theome tangomana te huhuruni mana te mala eni kaisei glepo na. Eghuteuna ka fei fate na, theo kaisei naikno tangomana te fadoglini puhigu iara ranghini mana ka fate na.

Jenesis 50:20

Tutuani, ghotilo neke au nomi gaoghatho nheta teke mala goigoni ghau iara na. Nu God neke snakreni ka ghotilo puhi igne, naugna mana neke eni gaoghatho igne mala toghodi naikno te kmana re mala theome lehe ka rofo.

Jemes 1:13

Eghuteuna kate thoke mei fariuriu igre ka ghotilo na, thosei ghathoni God neke edi fariuriu igre teuna. Naugna God theome tangomana te fariuriuni kaisei naikno te mala eni puhi te diꞌa na, nei theo kaisei glepo te diꞌa tangomana te fariuriu God te mala eni God puhi te diꞌa na.

Letas Teke Riso Tei Mae Pol Ka Khiloau Rom 11:19

Ghotilo ginauna cheke eghu, “Uve, God neke kato koko grege tuare mala au choghomi ghehati ka thofno gaju oliv na.”

Mae Khuru 2:23

God neke leghuni nogna gaoghatho teke kulu nanhaꞌa tifa na ne snakreni mana mala lokini ghotilo. Eghuteuna ghotilo ne faleheni mana kate snakre lao ghotilo ka khamedi mae te diꞌa ra mala tupijuruni mare kau gaju fafatha.

Profet Isaia 29:16

Nu nomi gaoghatho ghotilo igne figri fadiꞌa gobigna lepo igre. Unha gne te ulu ka phei glepo igre? Suspen gne ba naikno teke hohorogna suspen tuana? Ba? Glepo teke hohoro mana igne tangomana te cheke eghu ka naikno na, “Thosei hohoro ghau iara?” Suspen na theome tangomana te cheke eghu ka mae teke hohorogna na, “Iagho theome laseni kaisei glepo!”

Jemes 2:18

Nu jame kaisei mae ka ghotilo cheke eghu, “Tahati naikno khiloau gre, kehare mala fatutuani ni God kolho, eghuteuna kehare mala toghodi keha naiknore eghu.” Te chekeni iara na, jame kaisei mae cheke eghu mana kaisei mae fatutuani nu mana theome edi gloku te mala toghodi keha naiknore teuna, mae tuana theome fatutuani ni God kolho. Mae ihei te thofno fatutuani ni God na, mana theome khogla cheke eghu kolho, nu mana edila unha te kelire mala toghodi keha naiknore.