Letas Teke Riso Tei Mae Pol Ka Khiloau Rom 9:14 - Buka Blahi Ka Cheke Holo

¹⁴ Unha nate chekeni tahati na? Ba, God na edi glepo te theome doglo ka naiknore sia? Theo!

Letas Teke Riso Tei Mae Pol Ka Khiloau Rom 9:14 ပူးပေါင်းရင်းမြစ်များ

Fapea Kronikols 19:7

Ghotilo ghatho tahuni Lord noda God. Fiofilo ghami mala fate ka puhi te doglo, naugna mana tirognani puhi te theome doglo na. Eghuteuna mana jaola tirognani mae fate te phile ka ihei na, ba tirognani puhi te fate famaemahe te mala hata sileni na.”

Nodi Khoje Hatimare Mae Jiu 145:17

Gobigna lepo te edi Lord gre thofno doglo fara, eghuteuna gobigna lepo te edi mana re falalase ranghi ghita te mae keli fara mana ka tahati na.

Diutronomi 32:4

Lord na vido keli mala poru. Puhigna mana na keli fara, eghuteuna mana doglo fabrahu kolho. God na ghatho tahu ghami ghotilo nogna naiknore. Mana doglo kolho theome eni kaisei glepo te diꞌa.

Thakle 16:7

Aonu, iara ne nomhini kaisei cheke ne jifla mei funu ka olta na, ne cheke eghu, “Uve, tuana tutuani fara! Nomi Lord God te nolaghi fara, puhimu iagho te mala fatedi naiknore tutuani nei doglo eghu!”

Nodi Khoje Hatimare Mae Jiu 92:15

Igne falalase ranghi ghita eigna puhigna Lord te thofno doglo fara na, eghuteuna jaola falalase ranghi ghita eigna God te batu ghau iara na thofno doglo fabrahu.

Thoutonu Eigna Mae Job 8:3

God na theome tangomana faphireini puhi te doglo na mala ke peko tafri. God mae ihei te au nolaghi fateote'o igne theome tangomana te faphireini unha te doglo na.

Jenesis 18:25

Tutuani, iagho ginauna na theome falehedi naikno te doglo tuare baludi naikno te diꞌa re! Eghuteuna iagho na theome eni kaisei nafnata puhi ngala ranghidi naikno te doglo nei naikno te diꞌa teu gre. Iagho ginauna fatedi naiknogna nauthoglu igne mala eni ngala mare unha te doglo na!”

Letas Teke Riso Tei Mae Pol Ka Khiloau Rom 3:1

Keha naiknore nomhinihi kate cheke eghu iara igne, “U tohi fagaglana gne theome mala fadoglo ghita ke ulugna God.” Eghume, jame mare na cheke eghu, “Ba, glepo keli fara site hata tahati nangha Jiu gnea? Ba theo kaisei gaoghathogna kolho? Jaola, u puhi tohi fagaglana igne glepo tutuani mala togho ghita ba theo?”

Letas Teke Riso Tei Mae Pol Ka Khiloau Rom 2:5

Nu ghotilo patugama fara nei theome magnahaghei tughu nagnafa. Eghume u fate ginauna biꞌo fara ke klignami ghotilo. Eghuteuna fate igne ginauna thoke mei ka ghotilo ka narane God nate falalase diꞌatagna na, nei puhigna te doglo na eghu mala fatedi naikno te gnafare.

Profet Jeremaea 12:1

Lord, iagho eni fabrahu puhi te doglo na, eghume, iara theome tangomana te fapholai balumu iagho na. Nu iara magnahaghei te ghusna ka iagho eidi keha puhi te theome raꞌe glola ka gaoghathogu na. Ba, ne faꞌunha si mae te diꞌa puhidire igre te au fakeli nodi koba grea? Ba, ne faꞌunha si mae te theome namo ka iagho igre te au ka nakarha te keli igrea?

Thoutonu Eigna Mae Job 35:2

“Job, jau na puhimu iagho gne theome doglo. Te chekeni iagho na nakarhamu iagho na doglo kolho ka tathagna God na eghu.

Luku 20:16

Mana ginauna tei ka nagare na mala falehedi mae greireghi nagare igre. Aonu mana ginauna snakre lao nagare na ka keha mae greireghi nagare delei mala reireghi mare.” Kate nomhini naiknore cheke naba igne, mare ne cheke eghu, “Theo, theome jateula tuana eghu!”

Letas Teke Riso Tei Mae Pol Ka Khiloau Rom 2:11

God tangomana te eni igne ka naiknore, naugna naikno te gnafare kaisei nanaba ngala ka God.

Letas Teke Riso Tei Mae Pol Ka Khiloau Rom 9:30

Igne unha te chekeni ghehati na. Neuba iheire te theome Jiu neke theome fariuriu hironi kaisei nabrou te doglo ka tathagna God na, mare la doglohi ka tathagna God na naugna mare neke fatutuani ni mae Jisas kolho.