Letas Teke Riso Tei Mae Pol Ka Khiloau Rom 8:9 - Buka Blahi Ka Cheke Holo

⁹ Nu gognaro na ghotilo theome mala leghudi puhimi themi te diꞌare. Theo. Ghotilo mala leghuni Tharunga te Blahi, naugna Tharunga gna God na auhi ke lamnami ghotilo. Nu jame kaisei mae te theo Tharunga gna God tagna na, mana theome nogna Kraes.

Letas Teke Riso Tei Mae Pol Ka Khiloau Rom 8:9 ပူးပေါင်းရင်းမြစ်များ

Galesia 4:6

Eghuteuna te mala laseni tahati te goro thugna God na, mana neke kuru mei Tharunga gna Thugna na mala au ke lamnada. Eghuteuna Tharunga na ne eha eghu, “Mama, Mama.”

Ululahu Korin 3:16

Ghotilo lasenihi igne, eigna ghotilo jateula nogna Sugablahi God eghu, eghuteuna Tharunga gna God na auhi ka ghotilo.

Fapea Timoti 1:14

Taji fakelini famane farirhiu teke tusu ari God ka khamemu iagho ana. Mae Tharunga te Blahi te au ka tahati na mana ginauna togho nigho iagho mala eni igne.

Ululahu Korin 6:19

Ba, ghotilo theome laseni thinimi ghotilo gre jateula Sugablahi nogna Tharunga te Blahi teuna!? Tharunga te Blahi na au ke lamnami ghotilo, eigna God neke tusu mei ka ghotilo. Ghotilo theome nomi themi,

Letas Teke Riso Tei Mae Pol Ka Khiloau Rom 8:11

God neke fakarha fapuloni mae Jisas Kraes kau glehe. Eghuteuna naugna te au Tharunga gna God na ke lamnami ghotilo, God ginauna jaola tusu ari karha na ka thinimi te lehere. Eghuteuna mae ihei teke fakarhini mae Kraes igne, mana ginauna tusu ari karha igne ka Tharunga te Blahi te au ke lamnami ghotilo re.

Efesus 1:13

Ghotilo jaola mala nogna naikno God kate nomhini thofno farirhiu te tutuani igne, u Nonomho te Keli eigna u thofno nakarha te malami ghotilo. Kate fatutuani ni ghotilo Kraes na, God neke tusu ranghi ghami mae Tharunga te Blahi teke nhaꞌa chekeni mana na, mala laseni ghotilo te nogna naikno mana re.

Galesia 5:24

Naikno te leghuni mae Jisas Kraes re mare neke tupijuruni hi puhi te diꞌa fateo te magnahagheni naiknogna nauthoglu gne baludi gaoghatho te diꞌa fateo te magnahaghei eni unha te diꞌa.

Efesus 2:22

Eigna ghotilo kaisei balugna Kraes, ghotilo jaola mala kaisei baludi naikno khiloau aheva te au God mae Tharunga te Blahi.

Letas Teke Riso Tei Mae Pol Ka Khiloau Rom 8:2

Jaola naugna tahati kaisei balugna mae Jisas Kraes, nogna puhi te keli Tharunga te Blahi na tusu ranghi ghita karha te tutuani na. Eghuteuna mana ne hata fasnagla ghita ka puhi nakhibo te tangomana te falehe ghita.

Jone 3:6

Naugna u thinigna naikno na neke karha kolho ka gaꞌase. Nu u tharungagna naikno na neke karha ka nogna nolaghi Tharunga te Blahi.

Filipae 1:19

Iara jaola gleale'a naugna te laseni iara na ka nomi tharai ghotilo na God ginauna togho ghau iara ka nogna nolaghi mae Tharunga te Blahi te mala atha fajifla ghau iara ka u suga sosolo na.

Ululahu Jone 4:13

Tahati laseni tahati au balugna God nei mana au baluda tahati, naugna mana neke kuru mei tada nogna Tharunga te Blahi na.

Profet Esikiel 11:19

Iara ginauna nake tuthughu nakarhadi mare re mala ke naikno keli, eghuteuna tusu lao gaoghatho majaghani ka mare, mala tarai ka iara kolho. Eghuteuna iara ginauna hata koko gaoghatho te diꞌa fateote'o te patugama fara mare gre, eghuteuna tusu lao famane gaoghatho te keli ka mare, mala tangomana mare teke leghu ghau iara na.

Luku 11:13

Neubane diꞌa jateula unha neu ghotilo, ghotilo tangomana te tusu lao glepo te keli ka thumire. Eghume te eghu na, mae Kmami ghotilo te au kligna na mana ginauna na tusu lao Tharunga te Blahi na ka iheire te tore ka mana.”

Ululahu Jone 4:4

Uve thuguro, ghotilo nogna God, eghuteuna ghotilo tapla sorudihi mae profet chaichaghi gre, naugna mae Tharunga te Blahi te au balumi ghotilo na au nolaghi fara uluni mae Satan, mae ihei te au ka naikno te leghuni puhigna nauthoglu gne.

Ululahu Korin 15:23

Nu naikno te gnafare ginauna karha fapulo kate thoke mei nogna narane na. Kraes na neke kulu karha fapulo ka naikno te gnafare. Eghuteuna kate pulo mei Kraes na, nogna naikno mana re ginauna jaola karha fapulo.

Ululahu Jone 3:24

Ihei te leghuni chekegna God na mana au balugna God, eghuteuna God au balugna mana. Faꞌunha laseni tahati God te au baluda na? Tahati laseni igne naugna God neke kuru meini mae Tharunga te Blahi na ka tahati.

Fapea Korin 6:16

Nogna Sugablahi God na theome mala fodu ka mumuju. Jaola ghotilo laseni eigna tahati na nogna Sugablahi God mae ihei te karha te tifa! Naugna God neke cheke eghu, “Iara ginauna mala au baludi nogu naiknore, eghuteuna iara ginauna mala tei baludi. Iara ginauna mala nodi God mare, eghuteuna mare ginauna mala nogu naikno iara.”

Jone 3:34

Mae ihei teke kuru mei God funu kligna na mana chekedi unha teke chekedi God re, naugna God neke tusu lao ka mana Tharunga te Blahi na ne fodu ka mana mala toghoni mana.

Ululahu Pita 1:11

Tharunga gna mae Kraes na neke au baludi mare. Eghuteuna mae Tharunga na neke chekeni eigna mae Kraes nate kulu au papara, eghuteuna ke leghugna igne God ginauna tusu ranghini mana siasigla balu nolaghi biꞌo. Hatimare mae profet neke fariuriu hironi faneha ba niha nau nate thokei mei glepo igne ginauna.

Thakle 20:15

Eghuteuna ihei te theome rioriso soru nanghagna na ke lamnagna nogna buka God na, mala koko lao ke lamnagna kholo te deudeplu ka khaꞌaghi na.

Thakle 13:8

Aonu naikno te gnafa ka nauthoglu gne, mare ginauna pogho soru ranghini bosu te diꞌa tuana. Nu iheire teke rioriso soru nanghadire ka nogna buka God na, mare ngala nate theome pogho soruni bosu na. Igne nogna buka Lam, mae ihei God teke ghaoghaho eigna mana kani theome vuvuha nga teku nauthoglu gne te mala ginauna lehe ranghidi nogna naiknore.

Fapea Korin 10:7

Ghotilo mala filoni unha te ulu! Ihei te chekeni ne nogna Kraes teuna, mana mala ke ghaoghathoni, eigna ghehati jateula mana eghu nogna Kraes.

Jone 14:23

Mae Jisas ne cheke eghu ka mana, “Tutuani fara, mae ihei te namha ghau iara na, mana ginauna leghudi nogu farirhiu iara re. Mae Mama ginauna jaola namhani mana, eghuteuna ghepa mae Mama ginauna mei ka mana mala au fabrahu balugna mana.

Mae Khuru 16:7

Kate tei thoke mare ka Provins Misia, mare neke fariuriu mala ke tei ka Provins Bitinia. Nu Tharunga gna mae Jisas na ne theome snakredi mare te tei jare na.

Letas Teke Riso Tei Mae Pol Ka Khiloau Rom 7:5

Nu kani leghudi teku kolho tahati puhida theda te diꞌa fara tifa ra, tahati neke thofno magnahaghei te leghuni koba unha te blahi fara ka u vetula na. Eghume, tahati neke snakre lao ghita theda kolho ka puhi te diꞌa nabagna te mala lehe na.

Letas Teke Riso Tei Mae Pol Ka Khiloau Rom 8:1

Gognaro na tahati kaisei balugna Jisas Kraes mala theome tangomana God te fate falehe ghita na.

Ululahu Korin 6:17

Nu ihei te loku fodu balugna Lord na, phiamare na kaisei ngala ka thofno nakarha na.

Efesus 3:17

Uve, iara toreni Kraes mala au mana ka nagnafamire, eigna ghotilo fatutuani ni mana. Iara jaola toreni mana eigna gobigna lepo te edi ghotilo re thofno jifla mei ka nomi namha te biꞌo ranghini God nei naikno te gnafa, mala ghotilo nei nogna naikno te gnafa God re au glalase te mala lase fakelini nogna namha Kraes te biꞌo fara nei brahu fara nei haghe fara nei mamhara fara.