Letas Teke Riso Tei Mae Pol Ka Khiloau Rom 8:36 - Buka Blahi Ka Cheke Holo

³⁶ Te chekeni kau grioriso te blahi na glepo igre tangomana te thoke ghita tahati, ne cheke eghu, “Naugna ghehati nou iagho, naiknore magnahaghei te falehe ghami ngala leuleghu narane, te ghathoni mare na ghehati gne jateula sipu te mala falelehe ra eghu kolho.”

Letas Teke Riso Tei Mae Pol Ka Khiloau Rom 8:36 ပူးပေါင်းရင်းမြစ်များ

Nodi Khoje Hatimare Mae Jiu 44:22

Nu naikno gre magnahaghei fara te falehe ghami ghehati leuleghu narane. Naugna ghehati gne nou iagho, mare gaoghatho mala falehe ghami ghehati jateula sipu eghu.

Profet Isaia 53:7

“Neuba mare ne parani mana, mana neke theome eni kaisei cheke. Mana nhaꞌa faparini kolho thegna. Mare athani mana jateula sipu majaghani te mala aknu falehe ra neku. Mana jateula sipu te au kmu ra neku kolho kate kuchi mare khaklagna re, mana neke theome eni kaisei cheke.

Ululahu Korin 15:30

Jaola, jame te theo u karha fapulo na, naugna unha si ghehati mae khuru gre te eni nomi gloku na kate thoke ghami hoholo leuleghu narane gnea?

Ululahu Korin 4:9

Nu gaoghathogu iara na, God lilisei ghami ghehati mae khuru gre leghu lahu. Ghehati jateula mae sosolo tela fate ghamihi mare te mala lehe ra eghu. Ghehati kegra ke uludi engel nei naiknogna nauthoglu gne eghu ka puhimi ghehati re.

Mae Khuru 8:32

Igne u phugra cheke blahi teke iu'ijuni mae biꞌo na, “Mana jateula kaisei sipu te hata te tei mare te mala falelehe ia eghu. Mana au kmu jateula kaisei sipu te theome tanhi kate kuchi mare khaklagna na. Mana theome chekeni kaisei cheke.

Profet Jeremaea 11:19

Iara theome laseni gaoghatho te diꞌa te eni mare ranghi ghau iara igne! Iara jateula sipu ikoi te atha te tei mare te mala falelehe ia eghu kolho. Mare roghe ne cheke eghu, “Mei ghotilo mala falehe tahati mae igne, mala jateula gaju te kato soru te goigoni fuꞌagna ra eghu. Tahati na faleheni mae igne mala theo kaisei naikno teke ghathoni mana na.” Aonu mana ne cheke eghu,

Mae Khuru 20:24

Nu iara theome nanga noguni nakarhagu na. Naugna glepo te ulu na te mala eni fagnafa iara u gloku mala eni iara teku teke tusu mei ka iara noda Lord Jisas. Gloku igne mala toutonuni iara ka naiknore eigna nogna namha biꞌo God.

Jone 16:2

Naiknore ginauna faꞌau kosi ghami ghotilo ka nodi suga tharai are. Uve, narane na mei, mare ginauna falehe ghami ghotilo. Eghuteuna mare gaoghathodire ne enihi unha te magnahagheni God na eghu.

Profet Jeremaea 51:40

Iara ginauna athadi mare tei mala aknu falehe, jateula mae te falelehe sipu, ba nanigot te mala ghamu ra eghu.” Igne chekegna Lord.

Profet Jeremaea 12:3

Nu iagho Lord, iagho lase fakeli ghau iara. Eghuteuna iagho filodihi nogu gloku iara re, nei puhigu iara te ghatho tahu nigho iagho gre eghu. Atha fadelei naikno te diꞌa igre mala falelehe, jateula mae te atha fadelei sipu te mala falelehe te ghamu ra eghu. Iagho tajidiu ghilei thoke mei nodi narane te mala lehe na.

Nodi Khoje Hatimare Mae Jiu 141:7

Kate lehe mae biꞌo igre na, nhubradi mare te ginauna naga tafri ka bekudire jateula ngau naplamha gaju teke alha soru te chara teura eghu.

Nodi Khoje Hatimare Mae Jiu 44:11

Iagho snakredi mare mala falehe ghami jateula sipu eghu, mala tei au tafri ghehati ka keha kantri delei.

Ululahu Korin 15:31

Tutuani fara kheraguro, iara au papara malagna Kraes leuleghu narane. Nu iara jaola gleale'a ka ghotilo kate ghathoni te kaisei tahati balugna Kraes na.

Fapea Korin 6:9

Mare chekeni ne theome mae khuru tutuani ghehati teuna, nu naikno te gnafare lase ghami ghehati te thofno mae khuru tutuani na. Ghehati namo lehe, nu ghehati karha meu ngala. Mare tangomana te para ghami, nu mare theome tangomana te falehe ghami.

Fapea Korin 11:23

Mare chekeni koba ne nogna mae gloku Kraes teuna, nu iara jaola nogna mae gloku keli Kraes uludi mare eghu. Iara cheke fara jateu kaisei mae te fameomekro eghu tutuani! Iara loku heta ke tulaodi marei. Iara au ka suga sosolo kmana fata ke tulaodi marei. Naiknore puri ghau ke tulaodi marei. Iara namo lehe kmana fata ke tulaodi marei.

Filipae 3:10

Eghume unha te magnahagheni iara gognaro na, iara magnahaghei te lase fakelini mae Kraes nei u nolaghi teke karha fapulo mana kau glehe ia. Iara magnahaghei jateula mana eghu narane teke au papara nei lehe teku mana.