Letas Teke Riso Tei Mae Pol Ka Khiloau Rom 8:28 - Buka Blahi Ka Cheke Holo

²⁸ Eghuteuna te laseni tahati na, ka gobigna lepo te posa ka tahati naikno te namhani God, God ginauna na edi fakeli gobigna lepo ka nakarhadare. Mana eni igne maladi naikno teke vahidi mana re, leghuni nogna gaoghatho thegna na.

Letas Teke Riso Tei Mae Pol Ka Khiloau Rom 8:28 ပူးပေါင်းရင်းမြစ်များ

Ululahu Pita 5:10

Uve, leghu fata na God togho ghami ghotilo ka nogna khokofakasai te biꞌo. Eghuteuna naugna ghotilo te nogna mae Kraes na, mana kilo ghami ghotilo mala hata balugna nafnakno biꞌo te au fabrahu tifa te tifa. Gognaro na ghotilo au papara katha vido kmoꞌei kolho, nu God ginauna togho ghami mala ke majaghani fapulo nakarhamire nei fadodoglo nomi fatutuani ghotilo na. Eghuteuna mana ginauna jaola tusu ranghi ghami nolaghi mala tangomana ghotilo te au heta fabrahu na.

Jemes 1:12

Mae ihei te kegra heta nei theome snakreni thegna teu ka fariuriu te mala eni puhi te diꞌa na, mana keli tagna fara. Mana ginauna na hata nogna taba na, karha fei tifa teke kulu nhaꞌa cheke God ranghidi iheire te namhani mana re.

Jenesis 50:20

Tutuani, ghotilo neke au nomi gaoghatho nheta teke mala goigoni ghau iara na. Nu God neke snakreni ka ghotilo puhi igne, naugna mana neke eni gaoghatho igne mala toghodi naikno te kmana re mala theome lehe ka rofo.

Ululahu Korin 2:9

Nu grioriso te blahi na cheke eghu, “Unha God teke kulu tarabana maladi naikno te namhani mana re, theo kaisei naikno te filoni ba nomhini na. Theo kaisei naikno teke ghathoni unha nate thoke mei ginauna.”

Letas Teke Riso Tei Mae Pol Ka Khiloau Rom 8:30

Eghuteuna naikno teke magnahaghedi God mala jateula thugna teure, mana jaola neke vahidi mare, eghuteuna mana toghodi mala doglo ka tathagna thegna na, eghuteuna tusu ranghidi nakarhagna mae Jisas te theo ka huigna.

Fapea Timoti 1:9

God neke fakarhi ghita, eghuteuna kilo ghita mala nogna naikno mana thegna. Mana neke theome eni igne unha tahati tangomana te eni theda na, nu mana thegna neke magnahaghei eni igne naugna mana namha ghita fara. Eghuteuna nogna namha God tuana neke tusu mei ka tahati ka mae Jisas Kraes kani theome fufunu nga neku nauthoglu igne.

Ululahu Korin 1:9

God na tathaji fabrahu nogna nhaꞌa cheke na ranghidi nogna naiknore. Mana kilo ghami ghotilo mala au fakeli balugna Thugna Jisas Kraes noda Lord.

Thakle 3:19

Naikno te namhadi fara iara gre, iara tangomana te cheke faheta ranghidi mala lilisei nodi puhi te diꞌare, nei jaola tangomana te farirhiudi mala leghuni nabrou te doglo na. Eghume, ghotilo mala hati nhetami na mala koko puhi te diꞌare.

Eksodas 20:6

Nu jame te namha ghau iara nei leghudi nogu vetula iara gre teu ghotilo na, iara ginau na thofno namha ghami ghotilo nei kaisei thogha vikemi ghotilo nate karha mei teu thogheiro re.

Galesia 1:15

Nu God au nogna gaoghatho malagu iara kani au nga teku iara ka thi'agna idogu na. Aonu mana neke kilo ghau iara ka nogna khokofakasai mala

Profet Sekaraea 13:9

Eghuteuna iheire te karha teure, iara ginauna kafe paradi hui, mala tangomana mare te klino ka tathagu iara na. Ginauna na jateula mae te gahu silva nei gol ka khaꞌaghi te mala koko thona ra eghu. Aonu mare ginauna tarai mei ka iara, iara ginauna tangomana te nomhidi mare na. Eghuteuna iara ginauna cheke eghu, ‘Naikno igre nogu iara.’ Eghuteuna mare ginauna cheke eghu, ‘Lord na nomi God ghehati.’ ”

Nehemaea 1:5

ne cheke eghu, “Lord God gna kligna. Iagho haghe fara, eghuteuna ghehati mhaghu nomi fara te mei namo ka iagho na. Leuleghu fata na iagho tajini nou nhaꞌa cheke na, baludi iheire te namha nigho nei leghudi teu nou chekere.

Ululahu Tesalonika 5:9

God theome vahi ghita mala para ghita kate diꞌatagna, nu mala hatini tahati u thofno nakarha na ka noda Lord Jisas Kraes.

Nonomho Te Keli Teke Risoi Mae Mak 12:30

Namhani Lord nou God. Namhani mana ka nagnafamu fateo, nei ka gaoghathomu fateo, nei ka nanhetamu fateo, nei ka nou glalase fateo.’

Efesus 3:11

Unha te eni God igne ne thofno horoghoto ka puhi teke ghathoni mana ka vuvuhagna na. Tutuani fara, mana ne eni igne ka nogna gloku mae Jisas Kraes noda Lord.

Diutronomi 6:5

Eghuteuna ghotilo mala namhani Lord nomi God ka nagnafami fateote'o, nei ka gaoghathomi fateote'o, nei ka nanhetami fateote'o.

Jemes 2:5

Kheraguro, fanomho fakeli ghotilo ia. God neke vahidi naikno te kuma igre mala biꞌo nodi fatutuani na ka mana. Eghuteuna mana jaola neke vahidi naikno igre mala tusu ranghidi u thofno nakarha na. Eghuteuna, mana neke eni igne naugna mana neke kulu nhaꞌa chekehi te mala namhadi naikno te kuma igre.

Ululahu Jone 4:19

Tahati namha, naugna God neke kulu namha ghita.

Diutronomi 8:16

Eghuteuna mana neke tusu mei ka ghotilo ‘manna’ igne mala ghamu boho ghotilo. Nu gano igne, ghotilo baludi kuꞌemi ghotilo tifara neke theome laseni gano igne. Lord neke eni igne mala thoke ghami ghotilo narane te ninhigrana mala fariuriu ghami ghotilo, nei mala gaoghathomi ghotilo na, eghuteuna ke leghu na Lord neke fablahi ghami ghotilo ka kmana nafnata glepo te keli.

Fapea Timoti 2:19

Nu neuba ngau, God na la liliseihi thina biꞌo na ke pari gringni ka khiloau gne, eghuteuna thina igre ginauna kegra maku fabrahu. Cheke teke risoni mare ka thina igre cheke eghu, “Lord God lasedi iheire te thofno nogna mana re”, nei keha cheke na jaola cheke eghu, “Ihei te chekeni, ‘Iara nogna Lord God’ teuna, thosei eni kaisei puhi te diꞌa.”

Ululahu Jone 4:10

Ka gloku igne tahati filoni thofno namha na, theome eigna tahati ne namhani God, nu God namha ghita nei kuru mei Thugna jateula kaisei fafara mala hata fadelei nakhiboda.

Letas Teke Riso Tei Mae Pol Ka Khiloau Rom 9:11

Nu God magnahaghei te leghuni nogna gaoghatho thegna na neke vahini kaisei mae ka phiamare. Ka narane theome karha teku phiamare na, phiamare neke theome eni kaisei glepo te keli ba te diꞌa,

Nodi Khoje Hatimare Mae Jiu 69:36

Naikno nate karha mei ka nogna naikno mana re ginauna na ke atha kasa glose igne, eghuteuna iheire te namhani God igre mare ginauna nate au ka vido tuana.

Fapea Korin 5:1

Tahati laseni kate lehe kau nauthoglu gne tahati tangomana te tei au ka thini majaghani te tusu ranghi ghita God kligna na. God ginauna nake vuavuha thini tahati gne mala au fabrahu. Naikno na theome tangomana te vuavuha thini tuana.

Galesia 5:8

Unha puhi te edi mana te mala batu ghami ghotilo re theome mei funu ka God, mae ihei teke vahi ghami ghotilo na.

Mae Khuru 13:48

Kate nomhini te cheke eghu mae Pol na, naikno te theome Jiure ne thofno gleale'a fara. Mare ne cheke fakelini Lord eigna nogna famane nonomho te keli igne. Eghuteuna iheire God teke vahidi te mala hatini u karha fei tifa igne ne fatutuani ni mae Jisas.

Profet Jeremaea 51:29

Glose igre na jaola nghali, naugna igne ginauna thoke meigna nogna gaoghatho Lord ranghini Babilonia. Babilonia igne ginauna vuhai namono nagou, theo kaisei naikno nate au tagna na.

Fapea Samuel 16:12

Jau Lord na lasedihi puhi te diꞌa te au ka iara igre, eghuteuna mana ginauna edi glepo te keli ka iara mala ke tughu fapulo puhi te cheke fadiꞌa ghau iara mana igre.”

Letas Teke Riso Tei Mae Pol Ka Khiloau Rom 11:29

Naugna God na theome tangomana nate tughu nagnafagna ka mae Jiu, iheire mana teke vahidi nei fablahidi.

Ululahu Korin 1:2

te riso ari letas igne ka ghotilo naikno khiloau te au ka namono biꞌo Korin. God kilo ghami ghotilo mala nogna naikno blahi mana baludi naikno heva heva te tore ka nanghagna noda Lord Jisas Kraes. Jisas noda Lord tahati gnafa!

Ululahu Korin 1:24

Nu tahati naikno teke kilo ghita God ra, neubane mae Jiu ba theome Jiu, tahati laseni u thoutonu eigna Kraes igne, falalase ranghi ghita God te nolaghi nei lalase fara.

Galesia 1:6

Iara jaglo nogu ka ghotilo te ghosei te figri tagruni God, mae ihei teke kilo ghami ka nogna khokofakasai mae Jisas Kraes. Gognaro na ghotilo figri mala fanomho ka keha nafnata Nonomho te Keli te nhogri.

Efesus 4:1

Iara au ka suga sosolo naugna iara ne loku ranghini Lord. Eghume iara cheke heta ka ghotilo, eigna nakarhami ghotilo na mala au doglo mala nanaba ka puhigna God mae ihei te kilo mei ghami na mala leghuni mana.

Filipae 3:14

Iara faheaheta fara mala hata u taba igne. Naugna mae Jisas Kraes, God kilo ghau iara mala tei ka mana kligna nei au fabrahu balugna mana jare. Eghume tuana ngala nogu taba iara na.

Hibru 9:15

Eghume mae Kraes hata ne mei kaisei nhaꞌa cheke majaghani funu ka God ka nogna naiknore, mala tangomana naikno teke kilodi God re mala hata u thofno nakarha te au kligna te theo ka huigna teke nhaꞌa cheke mana ranghidi. Naugna mae Kraes neke lehe mala foli fajifladi naiknore ka glehe eidi nakhibo teke edi mare kate tathaji nga tekeu mare u nhaꞌa cheke ulu lahu na.

Ululahu Pita 2:9

Nu ghotilo naikno vavahi. Tutuani fara, God neke vahi ghami ghotilo mala nogna vike mana. Ghotilo nogna pris mae King, eghuteuna ghotilo nogna naikno blahi mana. Ghotilo thofno nogna naikno God thegna, neke vahi ghami mala toutonu ranghidi glepo te keli teke edi mana re. Mana neke kilo ghami ghotilo mala jifla mei ka vido te romno na mala ruma lamna nogna famane naphae na.

Ululahu Pita 3:9

Jame kaisei mae ei puhi diꞌa ka ghotilo, thosei foli fapulo puhi te diꞌa tuana ka mana. Eghuteuna jame kaisei mae cheke diꞌa ka ghotilo, thosei cheke diꞌa fapulo ka mana. Blahi fara. Nu te keli na, ghotilo tarai ka God mala fablahini mana. Naugna tifa na God neke kilo ghami ghotilo, mana neke nhaꞌa cheke mala fablahi ghami ghotilo.