Letas Teke Riso Tei Mae Pol Ka Khiloau Rom 8:22 - Buka Blahi Ka Cheke Holo

²² Naugna tahati laseni, funu tifa te ghilei mei posa gognaro gne, gobigna lepo teke vuavuha God re ne eha fabiꞌo naugna ne paradi fara, jateula gaꞌase te namo fakarha sua ia neu.

Letas Teke Riso Tei Mae Pol Ka Khiloau Rom 8:22 ပူးပေါင်းရင်းမြစ်များ

Profet Jeremaea 12:4

Ba, niha fata moja fabrahu si glose, nei buburu teu te mala ghamudi buluka igrea? Gognaro na buluka nei nanghaji teu igre la theo ghedi gano la lehe. Naugna naikno te au ka namono igne mare leghuni kolho puhi te diꞌa na. Eghuteuna keha na igne, mare cheke eghu koba, “Lord theome tangomana te lasedi unha te thoke ghita tahati igre.”

Profet Jeremaea 12:11

Mare ginauna eni nogu glose iara igne mala theo kaisei glepo nate tangomana nate kotu tagna na. Glose igne ginauna krogha kolho, eghuteuna naꞌa na jateula glose te tanhi ka iara ra eghu. Uve, hatimare mae naoka igre goigoni nogu glose iara na, eghuteuna theo kaisei nate kokhonini na.

Jone 16:21

Ghathoni igne. Kate namo karha sua na, gaꞌase na ginauna diꞌanagnafa naugna la thokenihi u narane te mala kabru naꞌa na. Nu kate karha thugna na, naꞌa ginauna nake ghatho ihoni narane teke khabru na, naugna naꞌa ne gleꞌani thugna te karha majaghani.

Letas Teke Riso Tei Mae Pol Ka Khiloau Rom 8:20

Ke leghugna te vuavuha God glepo igre mana neke tughu glepo igre mala theo nafudi. Glepo igre theome magnahaghei mala eghu neku thedi, nu leghuni gaoghathogna God na. Eghuteuna God laseni igne eigna thogheiro na mana ginauna fasnagladi gobigna lepo ka nauthoglu gne ka nolaghi te goigonidi gobigna lepo igre. Eghuteuna gobigna lepo igre ginauna majaghani kligna, jateula tahati goro thugna God gre ginauna jaola majaghani ka nakarha te ulu tulao.

Kolose 1:23

Mae Kraes tangomana te eni igne mala te kegra heta fabrahu ghotilo ka nomi fatutuani na. Thosei snakreni kaisei glepo ka nauthoglu igne mala hata fadelei ghami ka puhi fatutuani teke nomhinihi ghotilo ka Nonomho te Keli gne. Hatimare mae fatutuani ra neke toutonunihi u Nonomho te Keli gne ka naikno te gnafa ka nauthoglu gne. Eghuteuna iara mae Pol, kaisei mae gloku mala toutonu nila u Nonomho te Keli gne.

Thakle 12:2

Gaꞌase igne la buklahi eghuteuna naꞌa ne eha fabiꞌo kate namo karhagna thugna na, naugna ne kabru ghegna fara.

Nonomho Te Keli Teke Risoi Mae Mak 16:15

Mae Jisas ne cheke eghu ka mare, “Ghotilo jifla tei heva heva kau nauthoglu gne, mala toutonuni Nonomho te Keli na ranghidi naikno fateote'o.

Nodi Khoje Hatimare Mae Jiu 48:6

Mare ne bobolo nodi fara balu khabru biꞌo jateula gaꞌase te namo karha sua ra neu.