Letas Teke Riso Tei Mae Pol Ka Khiloau Rom 8:20 - Buka Blahi Ka Cheke Holo

^20-21 Ke leghugna te vuavuha God glepo igre mana neke tughu glepo igre mala theo nafudi. Glepo igre theome magnahaghei mala eghu neku thedi, nu leghuni gaoghathogna God na. Eghuteuna God laseni igne eigna thogheiro na mana ginauna fasnagladi gobigna lepo ka nauthoglu gne ka nolaghi te goigonidi gobigna lepo igre. Eghuteuna gobigna lepo igre ginauna majaghani kligna, jateula tahati goro thugna God gre ginauna jaola majaghani ka nakarha te ulu tulao.

Letas Teke Riso Tei Mae Pol Ka Khiloau Rom 8:20 ပူးပေါင်းရင်းမြစ်များ

Jenesis 5:29

Mae Lamek ne kiloni nanghagna thugna na Noa, ne cheke eghu, “Mae Noa gne ginauna togho ghita tahati mala gnafa noda katha vido ka noda gloku nei nakmusa teu ka glose teke tithibrini Lord igne.” Gaoghathogna mae Noa teu igne “gnafa” eghu ka cheke Hibru.

Letas Teke Riso Tei Mae Pol Ka Khiloau Rom 8:22

Naugna tahati laseni, funu tifa te ghilei mei posa gognaro gne, gobigna lepo teke vuavuha God re ne eha fabiꞌo naugna ne paradi fara, jateula gaꞌase te namo fakarha sua ia neu.

Profet Jeremaea 12:4

Ba, niha fata moja fabrahu si glose, nei buburu teu te mala ghamudi buluka igrea? Gognaro na buluka nei nanghaji teu igre la theo ghedi gano la lehe. Naugna naikno te au ka namono igne mare leghuni kolho puhi te diꞌa na. Eghuteuna keha na igne, mare cheke eghu koba, “Lord theome tangomana te lasedi unha te thoke ghita tahati igre.”

Profet Hosia 4:3

Naugna igne, glose igne ginauna moja. Eghuteuna gobigna lepo te tautagu ke lamna glose, nei nanghaji, nei sasa, nei naikno teu igre ginauna na jaola kafe lehe.”

Eklesiasti 1:2

Mae glalase igne neke cheke eghu, “Gobigna lepo fateote'o te ghathodi tahati ka nauthoglu igne firi ka gaoghathoda tahati gre! Uve, tutuani fara te fariuriu mala lasedi glepo igre teu tahati na jateula mae te ngolho leghu ka nuri ra eghu kolho.”

Jenesis 6:13

Aonu God ne cheke eghu ka mae Noa, “Iara ginauna na kafe roꞌe fahuidi naikno te khuru magra nei faꞌau aknu teu fari thedi igre nei iara ginauna na jaola roꞌeni nauthoglu igne.

Profet Joel 1:18

Buluka ra la rofo la theome au snoto la tanhi tafri, naugna theo kaisei buburu te mala ghamu na. Uve, sipu gre la jaola la paradi fara kate rofo na la ghilei nhubradi kolho.

Profet Jeremaea 12:11

Mare ginauna eni nogu glose iara igne mala theo kaisei glepo nate tangomana nate kotu tagna na. Glose igne ginauna krogha kolho, eghuteuna naꞌa na jateula glose te tanhi ka iara ra eghu. Uve, hatimare mae naoka igre goigoni nogu glose iara na, eghuteuna theo kaisei nate kokhonini na.

Nodi Khoje Hatimare Mae Jiu 39:5

Iagho lilisei fakmoꞌei kolho nakarhagu iara na. Nakarhagu iara na theo nafugna kolho ka tathamu iagho na.

Letas Teke Riso Tei Mae Pol Ka Khiloau Rom 8:24

God neke fakarha ghitahi eghuteuna tahati ofodi glepo te keli teke nhaꞌa cheke malada tahati. Nu jame neke filodihi tahati unha te ofodi teu tahati gre meuna, tahati ginauna theome tangomana te ofo na. Naugna naiknore theome rouronu eigna unha te auhi tadi na.