Letas Teke Riso Tei Mae Pol Ka Khiloau Rom 8:15 - Buka Blahi Ka Cheke Holo

¹⁵ Tharunga te Blahi teke tusu ari God ka ghotilo igne theome mala haru famaku ghami ka namhaghu jateula teke au ghotilo ka namhaghu tifa ia eghu. Theo. Nu mana togho ghami mala thugna God. Eghuteuna ka nogna nolaghi Tharunga te Blahi na tahati tangomana te cheke eghu ka God, “Mama, Mama.”

Letas Teke Riso Tei Mae Pol Ka Khiloau Rom 8:15 ပူးပေါင်းရင်းမြစ်များ

Fapea Timoti 1:7

Eigna Tharunga te Blahi teke tusu mei God ka tahati igne theome mala mhaghudi tahati keha naiknore, nu mala heta tahati nei mala namhadi eghu tahati, nei mala tangomana tahati te sagheleghu ghita theda.

Ululahu Korin 2:12

Tharunga te Blahi tela hatahi tahati naikno khiloau gre mei funu ka God mala laseni tahati u khokofakasai teke tusu mei mana ka tahati na. Tahati leghuni mana, theome leghuni gaoghathogna nauthoglu igne.

Letas Teke Riso Tei Mae Pol Ka Khiloau Rom 8:16

Tharunga te Blahi na kaisei baludi gaoghathodare mala cheke thakle ghita te goro thugna God na.

Hibru 2:15

Eghuteuna, mae Jisas neke vuhai naikno mala tangomana te snagla iheire te mhaghuni glehe fabrahu funu tifa.

Efesus 1:5

God neke namha ghita nei vahi ghita vuha tifa mala thugna mana ka nogna gloku mae Jisas Kraes. Igne unha te magnahagheni nei gleꞌani teu God na.

Ululahu Jone 4:18

Theo kaisei namhaghu ka thofno namha na. Nu thofno namha na brue fadeleini namhaghu. Eghuteuna ihei te ofoni fate na au balu mhaghu. Eghume ihei te mhaghu na, thofno namha na theome horoghoto ka mana.

Nonomho Te Keli Teke Risoi Mae Mak 14:36

Mana ne tarai eghu, “Mama! Mama! Glepo te kmanare theome ninhigrana ka iagho te edire. Thosei snakre ghau iara mala au papara ka nafnata puhi igne. Nu eni unha te magnahagheni iagho themu na, thosei leghui unha te magnahaghei iara na.”

Profet Jeremaea 3:19

Lord ne cheke eghu, “Iara thofno magnahaghei ghami ghotilo teke figri mei jateula thofno thugu eghu iara. Eghuteuna iara ginauna snakre ari ka ghotilo vido glose te thofno keli fara te salaꞌudi vido glose te gnafa ka nauthoglu igne. Iara magnahaghei ghami ghotilo te kilo ghau iara mae kmami ghotilo mala theome tangomana ghotilo te tei koko ghau iara na.

Profet Isaia 56:5

Iara ginauna tusu ari nafnakno ka mare ke lamnagna nogu Sugablahi na, uluni jame te au thudi mare na. Eghuteuna nogu naikno iara re ginauna theome ghatho ihodi mare.

Letas Teke Riso Tei Mae Pol Ka Khiloau Rom 8:23

Nu theome glepo tuare kolho te tanhi eghu na. Tahati theda, eigna God neke tusu mei Tharunga te Blahi na ka tahati jateula kaisei nhaꞌa cheke glepo keli na mei ke leghu. Tutuani, tahati jaola eha ke lamnada balu kabru. Naugna tahati ofoni God fabrahu mala fasnagladi thinidare nei tusu ranghi ghita u thini majaghani, mala tangomana tahati te thofno thugna mana na.

Luku 11:2

Mae Jisas ne cheke eghu, “Kate tarai na, ghotilo cheke eghu, “ ‘Mama, ghehati magnahaghei te ghatho tahuni nanghamu te blahi. Ghehati magnahaghe nigho te mei funei fruni ghami.

Jone 20:17

Mae Jisas ne cheke eghu ka naꞌa, “Meri, thosei habo mei ka iara. Naugna iara theome haghe ngau ka mae Mama. Nu tei filodi mae thabusignara cheke eghu ka mare, ‘Iara na haghe ka mae Mama nei Kmami ghotilo. Ka nogu God nei nomi God ghotilo.’ ”

Luku 22:42

Mana ne cheke eghu, “Mama, jame te magnahaghei iagho na, iara tore nigho te mala hata fadelei kakhabruana biꞌo jateula hinao te fodu ka waen te raha teu ka iara igne. Nu eni unha te magnahagheni iagho themu na, thosei leghui unha te magnahaghei iara na.”

Jone 16:8

Eghuteuna, kate mei mae mala totogho na, mana ginauna falalase fakeli ka naiknogna nauthoglu igne eigna nakhibo, eigna ihei te doglo ke ulugna God na, nei eigna ihei God nate fateni na.

Eksodas 20:19

ne cheke eghu ka mae Moses, “Jame te cheke iagho ka ghehati na, ghehati ginau na nomhi nigho iagho. Thosei snakreni God mala cheke ka ghehati na, na eghunu lehe ghehati eghu.”

Mae Khuru 16:29

Mae greireghi suga sosolo na ne ehadi keha naiknore mala hata mei juta. Aonu mana chari ne tei lamna suga sosolo ne tuturupuku soru balu fififri ke uludi mae Pol ghe mae Silas naugna mana ne thono mhaghu nogna fara.

Mae Khuru 2:37

Kate nomhini naiknore unha te chekedi mae Pita igre, mare ne diꞌanagnafadi fara ne cheke eghu ka mae Pita nei ka keha mae khurure, “Kheraguro, na fanefou si ghehati ia?”

Luku 8:37

Naiknodi Gerasa re kafe mhaghu nodi fara, naugna unha teke eni mae Jisas na ne toreni mana mala jifla tei delei. Aonu mae Jisas saghe ka mola na neke pulo Galili.

Luku 8:28

Eghuteuna kmana fata naitu na mei faheta fara ka mana. Neuba naiknore ne haru ghahegna nei khamegna teure ka phukri, ba lilisei mae mala reireghini, mana tangomana ngala te kukusu phukrire. Eghuteuna naitu na ne kuru teini mana mala au ka namono nagou na. Kate filoni mae Jisas na, mana eha eghu fabiꞌo ne tuturupuku ke ulugna mae Jisas. Jisas ne cheke faheta ka naitu na mala jifla mei ka mana. Aonu mae igne ne eha eghu fabiꞌo, “Sei, Jisas, Thugna God te nolaghi! Ba, na faꞌunha ghau iara sagho ia? Iara tore nigho mala thosei goigoni ghau iara!”

Naba 17:12

Aonu naiknore ne eha eghu ka mae Moses, “Tore! Ghehati ginauna thofno kafe lehe gnafa!

Jemes 2:19

Nu te laseni iara na, keha naikno ka ghotilo cheke eghu koba, “Ghehati fatutuani ni kaisei God ngala.” Nu te chekeni iara na, naiture jaola fatutuani ni kaisei God. Nu fatutuani igne theome mala fakarhidi mare. Eghuteuna kate nomhini mare nanghagna God na, mare thono mhaghu nodi fara.

Letas Teke Riso Tei Mae Pol Ka Khiloau Rom 8:26

Jaola, Tharunga te Blahi na neke togho ghita naugna tahati theome heta kolho. Tahati theome laseni eigna tharai na, nu Tharunga te Blahi thegna te tarai heta ka God eida tahati ka natanhi te theome tangomana tahati te rurutha gaoghathogna na.

Letas Teke Riso Tei Mae Pol Ka Khiloau Rom 9:4

God neke vahidi naiknodi Israel mala jateula goro thugna eghu neku, eghuteuna mare jaola neke filoni nogna nolaghi biꞌo mana na. God neke edihi nogna nhaꞌa chekere baludi mare, eghuteuna tusu ranghidi u nogna vetula mae Moses na. Mana jaola farirhiudi thofno puhi te mala pogho soruni God na, eghuteuna mana neke nhaꞌa cheke ranghidi kmana glepo.

Fapea Korin 11:4

Naugna ghotilo snakredi naiknore te ari toutonu eigna kaisei Jisas te jafra kate toutonuni ghehati gne. Eghuteuna ghotilo gleale'a te mala nomhini eigna kaisei nafnata tharunga nei kaisei nafnata Nonomho te Keli eghu te jafra ka Tharunga te Blahi nei Nonomho te Keli eghu te hata teke ari ghehati ka ghotilo ia.

Galesia 2:4

Ghehati neke cheke eigna puhi igne naugna keha mae thabusignare chaichaghi neke poru neke ruma mei ka noda tothoghei tahati gne. Eghuteuna mare magnahaghei te ruma mei mala filoni eigna noda naꞌau nasnagla tahati balugna mae Jisas Kraes. Mare magnahaghe ghita tahati te mala au jateula naikno sneka eghu ka nogna vetula mae Moses kolho.

Galesia 5:1

Mae Kraes neke fasnagla ghita mala au snagla fabrahu tahati. Eghume ghotilo kegra heta. Thosei snakreni kaisei naikno me mala hata fapulo ghami jateula naikno sneka eghu.

Matiu 25:25

Eghume iara mhaghu nogu nigho ne tei titifuni nou sileni iagho re ke lamna glose. Igne duku sileni iagho te tusu mei ka iara tifa ia.’