Letas Teke Riso Tei Mae Pol Ka Khiloau Rom 8:1 - Buka Blahi Ka Cheke Holo

¹ Gognaro na tahati kaisei balugna Jisas Kraes mala theome tangomana God te fate falehe ghita na.

Letas Teke Riso Tei Mae Pol Ka Khiloau Rom 8:1 ပူးပေါင်းရင်းမြစ်များ

Fapea Korin 5:17

Tutuani fara, ihei te nogna Kraes na, mana kaisei naikno majaghani. Glepo te thonare la theohi ka mana, eghuteuna glepo te majaghanire teke mei au ka mana re.

Galesia 3:13

Mae Kraes neke hata fadelei ghitahi ka puhigna vetula te mala para ghita na, naugna mana neke tughu ghita ka naꞌau papara igne. Naugna u grioriso te blahi na jaola neke cheke eghu, “Mae ihei teke fafroroni mare ke kligna gaju na, God ginauna thofno fateni mana.”

Letas Teke Riso Tei Mae Pol Ka Khiloau Rom 5:1

Naugna tahati neke fatutuani ni God, mana la fadoglo ghitahi ke ulugna thegna. Tutuani, noda Lord Jisas Kraes neke togho ghita mala au tahati kau pharikeli balugna God.

Ululahu Korin 1:30

Nu God neke togho ghami ghotilo mala kaisei ghotilo balugna mae Jisas Kraes. Eghuteuna ka Kraes na, tahati lalase fara, eghuteuna doglo fara ka tathagna God na, nei mala nogna naikno blahi mana. Kraes na jaola neke foli fajifla ghita ka nakhibo.

Letas Teke Riso Tei Mae Pol Ka Khiloau Rom 8:34

Te eghu na theo kaisei naikno te tangomana te fate ghita tahati na, eghuteuna chekeni ne jafra tahati teuna. Naugna Jisas Kraes mae ihei teke lehe na mana neke karha fapulo, mana gognaro na auhi fei nhetagna God, eghuteuna mana tarai heta mala togho ghita tahati.

Jone 5:24

Mae Jisas ne cheke eghu ka mare, “Tutuani fara te chekeni iara ka ghotilo na. Mae ihei te nomhidi nei leghudi teu u nogu cheke iara re, nei fatutuani ni Mama mae ihei teke kuru mei ghau iara na teuna, mana na athini u karha te theo ka huigna na. Mae tuana iara na theome fate faleheni mana, naugna mana jateula mae ihei teke lehehi nu ke karha fapulo teu ia eghu.

Jone 15:4

Eghume ghotilo au fabrahu balugu iara, eghuteuna iara ginauna au fabrahu balumi ghotilo. Grege te au thegna sopa na theome tangomana te ure na, naugna ne theome au fodu kau gaju gna na. Ghotilo na jateula tuana eghu te theome au ghotilo balugu iara na. Eghuteuna ghotilo theome tangomana te ure themi na.

Filipae 3:9

nei mala kaisei balugna mana. Eghume iara gognaro na theome tangomana te cheke eghu, “Iara au doglo ke ulugna God naugna iara ne leghuni nodi vetula mae Jiu gre.” Theo. Nu iara doglo ke ulugna God naugna iara ne fatutuani ni mae Jisas Kraes.

Profet Isaia 54:17

Nu theo kaisei glepo mala magra ka igre nate ghoreho ghotilo na. Eghuteuna ghotilo ginauna tangomana te cheke tughu ka iheire te cheke fapari ghami ghotilo na. Uve, iara ginauna edi glepo te keli ka ghotilo nogu mae gloku iara ra, eghuteuna togho ghami ghotilo mala ulu.” Igne chekegna Lord.

Letas Teke Riso Tei Mae Pol Ka Khiloau Rom 8:14

Tutuani, iheire te snakreni Tharunga gna God te batudire, mare goro thugna God.

Ululahu Korin 15:22

Tahati te gnafa na mala lehe naugna tahati kaisei balugna mae Adam. God ginauna jaola mala fakarha fapulo ghita gnafa, naugna tahati kaisei balugna Kraes.

Galesia 5:16

Eghume te chekeni iara ka ghotilo na, snakreni mae Tharunga te Blahi mala batuni nakarhami na. Eghuteuna ghotilo ginauna na theome tangomana te eni unha te magnahagheni thinimi na.

Letas Teke Riso Tei Mae Pol Ka Khiloau Rom 8:4

God neke eni igne, mala horoghoto ka tahati unha te doglo ka vetula na. Eigna tahati tangomana te leghuni puhigna Tharunga te Blahi na, mala theome leghuni puhi te diꞌa te au ka thinidare.

Letas Teke Riso Tei Mae Pol Ka Khiloau Rom 8:39

neuba kaisei vido ka maloa kligna ba kaisei vido mamhara ke pari glose, uve, neuba kaisei glepo biꞌo ka gobigna lepo teke vuavuha God gre, theome tangomana te fota ghita ka nogna namha God teke fatakle ranghi ghita Jisas Kraes noda Lord.

Galesia 5:25

Tharunga te Blahi na tusu mei karha ka tahati. Eghume tahati mala jaola leghuni nogna puhi mae Tharunga te Blahi na.

Galesia 3:28

Eghume theo kaisei glepo te nhogri ka iheire te kaisei balugna mae Jisas Kraes, neubane mae Jiu ba theome mae Jiu, neubane mae sneka ba mae snagla, neubane nalhaꞌu ba gaꞌase. Ghotilo te hui na kaisei ngala.

Jone 14:20

Kau narane tuana, ghotilo ginauna lase ghau iara te au balugna mae Mama, eghuteuna ghotilo au balugu iara, eghuteuna iara au balumi ghotilo.

Letas Teke Riso Tei Mae Pol Ka Khiloau Rom 7:20

Eghuteuna naugna te eni kolho iara unha te theome magnahagheni iara na, iara laseni igne, theome thegu iara te eni puhi tuana, nu nogna nolaghi nakhibo te au ka nagnafagu iara.

Letas Teke Riso Tei Mae Pol Ka Khiloau Rom 7:17

Eghume theome iara thegu te eni glepo te diꞌa igne, nu nogna nolaghi nakhibo te au ka nagnafagu iara na.

Fapea Korin 12:2

Iara laseni God hata ghau iara neke haghe kligna ka nabotho fati finogha te liu ra. Iara theome raꞌe laseni jame teke eni tutuani ka thinigu iara na ba neke khogla ka mifi kolho, nu God ngala te laseni na.

Letas Teke Riso Tei Mae Pol Ka Khiloau Rom 16:7

Eghuteuna ghotilo kubaedi mae Adronika ghe mae Junia, eigna phiamare mae Jiu, jateula iara eghu, eghuteuna phiamare neke au balugu iara ka suga sosolo. Hatimare mae khuru filo faꞌuludi phiamare ke lamnadi mae khuru, eghuteuna phiamare neke kulu fatutuani ni Kraes ke ulugu iara.

Letas Teke Riso Tei Mae Pol Ka Khiloau Rom 16:3

Ghotilo kubaedi Prisila ghe mae Akuila, eigna repa neke loku balugu iara malagna mae Jisas Kraes.

Profet Esikiel 18:9

Mae igne leghudi nogu cheke iara re, eghuteuna mana theome huhughudi nogu vetula iara re. Mae ihei te doglo igne, mana ginauna hatini nakarha te keli na. Igne nogu cheke iara Lord God na.

Letas Teke Riso Tei Mae Pol Ka Khiloau Rom 5:16

Eghuteuna jaola keha glepo unha te jifla mei ka nakhibogna mae Adam na theome nanaba ka unha te jifla mei ka nogna khokofakasai God na. Ka narane teke tapla jafra kaisei mae Adam ngala ka nakhibo na, God neke fateni mana ne cheke eghu, “Iagho jafra tutuani.” Nu ke leghu kate edi kmana nakhibo naiknore, God ne snakreni nogna namha biꞌo na, nei tusu ranghidi u khokofakasai, ne cheke eghu, “Ghotilo doglou kolho.”

Letas Teke Riso Tei Mae Pol Ka Khiloau Rom 8:2

Jaola naugna tahati kaisei balugna mae Jisas Kraes, nogna puhi te keli Tharunga te Blahi na tusu ranghi ghita karha te tutuani na. Eghuteuna mana ne hata fasnagla ghita ka puhi nakhibo te tangomana te falehe ghita.

Letas Teke Riso Tei Mae Pol Ka Khiloau Rom 8:9

Nu gognaro na ghotilo theome mala leghudi puhimi themi te diꞌare. Theo. Ghotilo mala leghuni Tharunga te Blahi, naugna Tharunga gna God na auhi ke lamnami ghotilo. Nu jame kaisei mae te theo Tharunga gna God tagna na, mana theome nogna Kraes.

Letas Teke Riso Tei Mae Pol Ka Khiloau Rom 8:11

God neke fakarha fapuloni mae Jisas Kraes kau glehe. Eghuteuna naugna te au Tharunga gna God na ke lamnami ghotilo, God ginauna jaola tusu ari karha na ka thinimi te lehere. Eghuteuna mae ihei teke fakarhini mae Kraes igne, mana ginauna tusu ari karha igne ka Tharunga te Blahi te au ke lamnami ghotilo re.

Galesia 3:26

Ghotilo te hui na la thugna hi God naugna ghotilo ne fatutuani ni mae Jisas Kraes.

Efesus 1:1

God neke vahi ghau iara mae Pol mala nogna khuru mae Jisas Kraes. Iara riso ari ka ghotilo naikno khiloau te au ka namono Efesus iheire te leghuni fabrahu mae Jisas Kraes. Naugna ghotilo nognahi mana.