Letas Teke Riso Tei Mae Pol Ka Khiloau Rom 7:24 - Buka Blahi Ka Cheke Holo

²⁴ Tutuani fara, iara gne theome gleale'a ka nagnafagu na, naugna iara gognaro na thono diꞌa fara! Ihei nate togho ghau iara te mala snagla iara ka puhi te diꞌa te au ka thinigu iara te batu ghau ka glehe gne?

Letas Teke Riso Tei Mae Pol Ka Khiloau Rom 7:24 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 6:6

Tahati laseni fara igne. Nakarhada tifa na tahati jateula te tupijuru eghu balugna Kraes ke kligna gaju fafatha, mala tangomana God te roꞌeni nogna nolaghi nakhibo teke au ka nakarhada tifa na. Ka puhi igne nakhibo na theo kaisei nogna nolaghi te mala funei fruni ghita na.

Fapea Timoti 4:18

Lord Jisas Kraes ginauna hata fajifla ghau iara ka glepo te diꞌa fateote'o, eghuteuna hata tei ghau ka namono kligna aheva mana te King. Tahati kilo fnaknoni mana tifa tifa! Amen.

Taetus 2:14

Mae Jisas Kraes neke snakreni thegna mala lehe tughu ghita tahati nei neke hata fajifla ghita kau nakhibo. Nu mana neke hata fadeleidi nakhiboda tahati re, mala tangomana tahati nogna naikno mana re te magnahaghe edi fara unha glepo te magnahaghedi mana re.

Letas Teke Riso Tei Mae Pol Ka Khiloau Rom 8:2

Jaola naugna tahati kaisei balugna mae Jisas Kraes, nogna puhi te keli Tharunga te Blahi na tusu ranghi ghita karha te tutuani na. Eghuteuna mana ne hata fasnagla ghita ka puhi nakhibo te tangomana te falehe ghita.

Nodi Khoje Hatimare Mae Jiu 102:20

Mana neke nomhidi noda tharai re kate au tahati kau sosolo na, nei atha fajifla ghita kate chekeni mare ka fate na, tahati mala au ka glehe.”

Thakle 21:4

Mana ginauna ghiha koko kholo te gnafa ka tathadire. Jare ginauna theo kaisei naikno tangomana teke lehe na, ba teke diꞌanagnafa na ba teke tanhi na ba teke papara na. Naugna glepo te gnafa tifa re la theohi.”

Hibru 2:15

Eghuteuna, mae Jisas neke vuhai naikno mala tangomana te snagla iheire te mhaghuni glehe fabrahu funu tifa.

Letas Teke Riso Tei Mae Pol Ka Khiloau Rom 8:26

Jaola, Tharunga te Blahi na neke togho ghita naugna tahati theome heta kolho. Tahati theome laseni eigna tharai na, nu Tharunga te Blahi thegna te tarai heta ka God eida tahati ka natanhi te theome tangomana tahati te rurutha gaoghathogna na.

Letas Teke Riso Tei Mae Pol Ka Khiloau Rom 8:13

Jame te leghuni ghotilo puhi te diꞌa na, ghotilo ginauna lehe. Nu jame te leghuni ghotilo nogna puhi Tharunga te Blahi na nei thosei ke edi ghotilo glepo te diꞌa te edi ghotilo ka thinimi are teuna, ghotilo ginauna hati thofno nakarha na.

Luku 4:18

“Tharunga gna God na au balugu iara. Naugna mana neke vahi ghau iara mala toutonuni Nonomho te Keli gne ka naikno te kumare. God neke kuru ghau iara mala toutonu ka naikno te au sosolo ka nakhibodire mala snagla mare, nei naikno teke dofure mala ke fifilo fapulo. Eghuteuna iheire te au papara ke paridi nodi nolaghi keha mae re ginauna mala ke au ka pharikeli.

Nodi Khoje Hatimare Mae Jiu 72:12

Mae king igne mala fakarhidi iheire te theo kaisei nodi glepo, nei iheire te kilo lao ka mana. Mana ginauna toghodi iheire te kuma nei iheire te theo kaisei naikno te toghodi.

Kolose 2:11

Kate mei ghotilo te kaisei balugna mae Kraes na, mana ne hata fasnagla ghami ka gaoghatho te diꞌa. Kraes neke tohi fagaglana ghami ghotilo, theome tohi fagaglana fei thini nu fei tharunga.

Matiu 5:6

Keli tadi iheire te magnahagheni fara te eni unha te keli te magnahagheni God. Naugna God ginauna toghodi mare te mala eni igne.

Profet Maeka 7:19

Lord, ghehati lase nigho iagho te kokhoni ghami ghehati, eghuteuna iagho ginauna atha fadelei nakhibomi ghehati gre mala koko tei fari hotei nhorora.

Nodi Khoje Hatimare Mae Jiu 119:20

Leuleghu fata na iara magnahaghei fara te lasedi nou vetula iagho re.

Nodi Khoje Hatimare Mae Jiu 71:11

Mare ne cheke eghu, “Tore, God na la tei kokonihi mana! Ngolhi si tahati mala lolhoku! Theo kaisei mae te mala fakarhini mana na.”

Nodi Khoje Hatimare Mae Jiu 6:6

Iara eha la eha la ghilei glaꞌe soru nogu. Leuleghu bongi na iara tanhi nogu fabrahu kolho. Nogu sape na la ghilei bothu ka kholodi tathagure. Nogu kokhogu na la jaola la bothu ka kholodi tathagure.

Ululahu Kings 8:38

Jame te eghu na, iagho fanomho mei ka nodi tharai nou naikno iagho te au Israel igre. Lord iagho ngala te laseni unha te au ka thiꞌagna naikno na. Kehare theome gleale'a ka nagnafadire, eghuteuna mare tarai ari ka Sugablahi igne. Mare ngafa haghe khamedire na tarai ari ka iagho, neuba iagho ne au neu kligna, fanomho mei ka nodi tharai gre. Naugna iagho laseni unha te au ka thiꞌagna naikno na, iagho tangomana te fadoglini unha teke edi mare na.

Matiu 5:4

Keli tadi iheire te au diꞌanagnafa, mare ginauna nake gleꞌau. Naugna God ginauna fameomegodi.

Profet Esikiel 9:4

Lord ne cheke eghu ka mana, “Iagho tei tongana ka namono igne, eghuteuna lilisei fagaglana ka greredi iheire te au diꞌanagnafa nei tanhi teu eidi glepo te diꞌa teke edi keha naiknoi ke lamnagna namono igne.”

Nodi Khoje Hatimare Mae Jiu 119:176

Iara jateula sipu te tei snivi ra eghu la tei jafra kau nabrou te keli na. Eghume, mei sagho hiro ghau iara nou mae gloku gne, naugna iara gne theome ghatho ihoni nou vetula iagho na.

Nodi Khoje Hatimare Mae Jiu 119:143

Iara thoke ghau puhi biꞌo nei naꞌau papara eghu, nu nou cheke iagho na ngala te faglealeꞌa ghau iara na.

Nodi Khoje Hatimare Mae Jiu 119:131

Iara thono magnahaghedi fara nou cheke iagho re, jateula naikno te roi koꞌu te salaꞌui ia eghu.

Nodi Khoje Hatimare Mae Jiu 88:5

Naiknore te filo mei ghau iara na, iara gne jateula mae tela lehehi ra eghu. Uve, iara gne jateula mae teke lehehi ka magra te giugiluhi ke lamna khora ra eghu hi. Iagho la ghatho ihodihi mare, iagho thosei ghathodi mare.

Nodi Khoje Hatimare Mae Jiu 38:2

Iagho la fadi ghauhi iara ka nou jata na, nei iara la fnerahi ka khamemu iagho na.

Letas Teke Riso Tei Mae Pol Ka Khiloau Rom 8:23

Nu theome glepo tuare kolho te tanhi eghu na. Tahati theda, eigna God neke tusu mei Tharunga te Blahi na ka tahati jateula kaisei nhaꞌa cheke glepo keli na mei ke leghu. Tutuani, tahati jaola eha ke lamnada balu kabru. Naugna tahati ofoni God fabrahu mala fasnagladi thinidare nei tusu ranghi ghita u thini majaghani, mala tangomana tahati te thofno thugna mana na.