Letas Teke Riso Tei Mae Pol Ka Khiloau Rom 7:22 - Buka Blahi Ka Cheke Holo

²² Ka nagnafagu iara na, iara keli tagu ka nogna vetula God na nei iara magnahaghei te leghuni vetula na.

Letas Teke Riso Tei Mae Pol Ka Khiloau Rom 7:22 ပူးပေါင်းရင်းမြစ်များ

Nodi Khoje Hatimare Mae Jiu 1:2

Naikno igre na iu'ijuni nei ghathoni eghu fabrahu nogna vetula Lord na bongi narane.

Nodi Khoje Hatimare Mae Jiu 40:8

Nogu God, iara magnahaghedi fara te edi unha te magnahaghedi iagho re. Leuleghu fata na iara theome ghatho ihodi nou cheke iagho re ka nagnafagu na.”

Nodi Khoje Hatimare Mae Jiu 119:35

Baubatu ghau ka puhimu iagho, naugna kate leghudi iara nou cheke iagho re, iara thono kelitagu fara.

Thoutonu Eigna Mae Job 23:12

Leuleghu fata na, iara leghudi nogna cheke God te rheta tulao. Uve, iara thofno tajidi nogna cheke mana re ka nagnafagu na.

Hibru 8:10

Nu igne u nhaꞌa cheke nate chekeni iara ka naiknodi Israel re: Kate thokei mei narane tuare iara ginauna lilisei nogu vetula na ka nagnafadi nei jaola rioriso ka gaoghathodi. Iara ginauna nodi God mare, mare jaola nogu naikno iara.

Fapea Korin 4:16

Naugna igne ghehati theome nigra ka gloku na. Neuba thinimi gre ne thoghei ne diꞌa nei nigra neu ne tei ngau, tharungamire majaghani fabrahu leuleghu narane.

Nodi Khoje Hatimare Mae Jiu 119:92

Iara thofno keli tagu fara kate ghathoni iara nou vetula iagho na. Eghume, kate para ghau nogu naokare, iara theome nigra nei lehe eghu naugna iara ghatho nigho iagho kolho.

Nodi Khoje Hatimare Mae Jiu 119:16

Leuleghu fata na iara keli tagu fara ka nou vetula iagho na, eghuteuna iara ginauna na theome ghatho kokodi nou cheke iagho re.

Efesus 3:16

Iara toreni God ka nogna nafnakno biꞌo kligna mala snakre meini nogna Tharunga te Blahi na ka ghotilo, mala tangomana ghotilo te heta ka nagnafamire.

Nodi Khoje Hatimare Mae Jiu 119:174

Lord God, iara magnahaghe nigho fara te mei fakarhi ghau na. Nou famane farirhiu iagho re faglealeꞌa ghau fara iara.

Nodi Khoje Hatimare Mae Jiu 119:167

Iara leghudi koba nou farirhiu iagho re, eghuteuna ka gaoghathogu fateote'o na iara magnahaghei fara te leghudire eghu.

Ululahu Pita 3:4

Nu unha te au ke lamna nagnafami ghotilo na tangomana te mala kekheliana fifilogna na. Eghuteuna te kekheliana fifilomi ghotilo na igne theome tangomana teke mala tughu na, naugna mei ka nakarha te au faleghu nei famane muana. Puhi igre thofno kekheliana fifilodire ka tathagna God nei mana ghatho tahudi fara.

Letas Teke Riso Tei Mae Pol Ka Khiloau Rom 8:7

Naugna mae te ghathoni fara puhi te diꞌa na, mana nogna naoka God. Mana theome leghuni nogna vetula God na, eigna mana theome tangomana te eni igne na.

Nodi Khoje Hatimare Mae Jiu 119:111

Iara ginauna leghudi fabrahu nou cheke iagho re. Eghuteuna nou cheke iagho re ginauna faglealeꞌani nagnafagu iara na.

Nodi Khoje Hatimare Mae Jiu 119:72

Iara magnahagheni fara nou famane farirhiu iagho igne ke uludi sileni te gnafa kau nauthoglu igne.

Nodi Khoje Hatimare Mae Jiu 119:24

Iara keli tagu fara ka nou farirhiu iagho ra, naugna nou farirhiu iagho ra jateula kaisei mae te farirhiu ghau iara ka cheke te keli ra eghu.

Profet Isaia 51:7

“Ghotilo iheire te leghuni puhi te doglo na, nei ghotilo iheire te loku famaku chekegu iara na ka nagnafamire teu ra, thosei mhaghudi naikno te maꞌe ghami nei cheke fadiꞌa ghami teu are.

Nodi Khoje Hatimare Mae Jiu 119:127

Iara thono magnahagheni fara nou famane farirhiu iagho igne ke uludi sileni te gnafa ka nauthoglu igne.

Nodi Khoje Hatimare Mae Jiu 119:113

Lord God, iara thono magnahaghedi fara nou famane farirhiu iagho ra, nu iara theome magnahaghedi iheire te tirodi leghu nigho re.

Kolose 3:9

nei thosei chaghi fari themi. Naugna ghotilo neke nhaꞌa fadeleihi puhi diꞌa teke edi ghotilo tifa ra.

Jone 4:34

Aonu, mae Jisas ne cheke eghu ka mare, “Ghegu gano iara na te mala leghuni unha te magnahaghei mae teke kuru mei ghau iara na nei mala loku fahuidi gloku mala mei edi iara teku mana re.

Letas Teke Riso Tei Mae Pol Ka Khiloau Rom 2:29

Nu God fadoglonihi nagnafagna mae ihei te thofno Jiu na ka nogna nolaghi mae Tharunga te Blahi. Naugna thofno gaoghathogna u tohi fagaglana na la horoghotohi ka nakarhagna naikno na kate leghuni mae Tharunga te Blahi na, theome kate leghuni mana u vetula na. Eghuteuna God tangomana te ghatho tahuni nafnata mae igne, neuba keha naiknore ne theome tangomana te ghatho tahuni mana na.

Levitikas 13:39

pris na filo ka vido igne. Jame te filodi mana glafi igre vegha nu theome thofno vegha fara eghu, thora igne theo nafugna kolho, eghuteuna mae igne ba gaꞌase igne klino ka tathagu iara na.

Famane Khoje 5:3

Nu iara ne cheke eghu, “Iara la atha kokohi nogu pohe na eghuteuna iara tarabana mala thuru. Ba, na pipichi ghu iara? Eghuteuna iara la titihi hi ghahegu re. Ba, iara gne thonau signea?”