Letas Teke Riso Tei Mae Pol Ka Khiloau Rom 7:18 - Buka Blahi Ka Cheke Holo

¹⁸ Iara laseni, fei iara thegu na, iara maegu ka nauthoglu igne kolho, theo kaisei glepo te keli te au ke lamnagu iara na. Naugna neubane au ka iara gaoghatho te keli na, iara theome tangomana te eni puhi te keli na. Theo fara, iara theo nogu nolaghi te mala eni puhi te doglo na.

Letas Teke Riso Tei Mae Pol Ka Khiloau Rom 7:18 ပူးပေါင်းရင်းမြစ်များ

Jone 3:6

Naugna u thinigna naikno na neke karha kolho ka gaꞌase. Nu u tharungagna naikno na neke karha ka nogna nolaghi Tharunga te Blahi.

Nodi Khoje Hatimare Mae Jiu 51:5

Uve, iagho lase ghauhi iara, iara neke kulu naikno diꞌa neke mei ngala funu karhagu. Puhigu iara na kulu diꞌa neke mei ngala funu ka narane teke theome karha nga teku iara na.

Galesia 5:17

Eigna unha puhi diꞌa te magnahagheni naikno na, thofno jafra fara ka unha te magnahagheni Tharunga te Blahi na. Eghuteuna unha te magnahagheni Tharunga te Blahi na, thofno jafra fara ka puhi diꞌa te magnahagheni naikno na. Repa theome tangomana te loku fodu na, gaoghathogna igne iagho theome tangomana te eni unha te magnahaghei eni iagho themu na.

Letas Teke Riso Tei Mae Pol Ka Khiloau Rom 7:25

Tahati mala cheke fakelini God, eigna mana ginauna eni igne ka nogna gloku mae Jisas Kraes noda Lord! Eghume iara thegu na jateula igne eghu, ka gaoghathogu na, iara thofno magnahaghe te leghuni nogna mae gloku nogna vetula God. Nu naugna iara kaisei naiknogna nauthoglu igne kolho, iara leghuni u puhigna nakhibo te au ke lamnagu.

Thoutonu Eigna Mae Job 14:4

Ba, mae ihei gne te tangomana te filoni mae ihei te klino ka tathagna God na? Theo kolho!

Galesia 5:24

Naikno te leghuni mae Jisas Kraes re mare neke tupijuruni hi puhi te diꞌa fateo te magnahagheni naiknogna nauthoglu gne baludi gaoghatho te diꞌa fateo te magnahaghei eni unha te diꞌa.

Filipae 2:13

God na loku balumi ghotilo nei togho ghami ghotilo eghu naugna mana magnahaghei te edi ghotilo unha te magnahaghedi thegna re.

Jenesis 6:5

Lord ne filodi puhidi naikno gna nauthoglu gne ne thono diꞌa fara. Eghuteuna mare ghathodi fabrahu kolho glepo te diꞌa re.

Taetus 3:3

Naugna tifa na tahati neke theome ghaoghatho fakeli, jateula naikno te theome fatutuani ni Kraes ra neku. Tutuani, tahati neke huhughu koba. Nu keha naiknore chaichaghi ghita koba mala loku jafra tahati. Tahati tifa na neke loku ranghini kolho unha te magnahaghei fara u thinida theda na. Tahati neke edi fabrahu ngala unha glepo te diꞌa nei goghotu teure. Naiknore neke theome magnahaghei ghita fara nu tahati jaola ngau neke theome magnahaghedi fara keha naiknore.

Letas Teke Riso Tei Mae Pol Ka Khiloau Rom 7:19

Eghuteuna unha te eni fabrahu iara na theome glepo keli te magnahagheni iara na eghu, nu glepo diꞌa te theome magnahagheni iara na te eni iara na.

Letas Teke Riso Tei Mae Pol Ka Khiloau Rom 7:15

Iara theome lase fakelini puhigu thegu na. Naugna iara theome tangomana te eni unha te magnahaghei te eni iara na, nu leuleghu fata na iara eni unha te theome magnahaghei eni iara na.

Matiu 15:19

Naugna igre glepo te jifla mei ka nagnafagna mana re, gaoghatho te diꞌa, falehe naikno, tolaghi pedo, mhala, blau, chaichaghi, vuavuha cheke nei buiburini ihei.

Jenesis 8:21

Lord ne gnanghini u fafara te famane sisiri keligna igne ne keli tagna fara ne cheke eghu, “Iara ginauna nake theome goigoni u nauthoglu igne ke tughugna puhi diꞌa teke edi naikno igre neuba iara kulu lasedihi naikno igre neke diꞌa neke mei ngala funu suadi. Nu iara ginauna nake theome goigonidi gobigna lepo te karha ka nauthoglu na igre jateula te eni iara gognaro gne eghu.

Ululahu Pita 4:2

Eghume kani au teu ghotilo ka nauthoglu igne, ghotilo thosei leghudi glepo te diꞌa te magnahagheni fara thini na. Blahi. Ghotilo leghuni kolho unha te magnahagheni God na.

Filipae 3:12

Iara theome chekeni nakarhagu ka mae Jisas Kraes na la gnafahi teuna. Theo! Nu gognaro na iara loku heta te mala hatagna u taba tela kulu tarabanahi mana malagu iara teku ia.

Luku 11:13

Neubane diꞌa jateula unha neu ghotilo, ghotilo tangomana te tusu lao glepo te keli ka thumire. Eghume te eghu na, mae Kmami ghotilo te au kligna na mana ginauna na tusu lao Tharunga te Blahi na ka iheire te tore ka mana.”

Nodi Khoje Hatimare Mae Jiu 119:176

Iara jateula sipu te tei snivi ra eghu la tei jafra kau nabrou te keli na. Eghume, mei sagho hiro ghau iara nou mae gloku gne, naugna iara gne theome ghatho ihoni nou vetula iagho na.

Nodi Khoje Hatimare Mae Jiu 119:40

Iara magnahaghei fara te leghudi nou famane cheke iagho re! Iara lase nigho iagho edi koba unha te doglo, eghume iara tore nigho mala tusu mei nakarha majaghani ka iara.

Thoutonu Eigna Mae Job 25:4

Ihei gne te doglo kolho te theo nakhibogna ka tathagna God na? Theo kaisei naikno te karha mei ka nauthoglu igne te klino ka tathagna God na.

Letas Teke Riso Tei Mae Pol Ka Khiloau Rom 13:14

Nu ghotilo loku famaku ka noda Lord Jisas Kraes. Eghuteuna thosei ghatho tahudi glepo te diꞌa te magnahaghei edi thinire.

Letas Teke Riso Tei Mae Pol Ka Khiloau Rom 7:5

Nu kani leghudi teku kolho tahati puhida theda te diꞌa fara tifa ra, tahati neke thofno magnahaghei te leghuni koba unha te blahi fara ka u vetula na. Eghume, tahati neke snakre lao ghita theda kolho ka puhi te diꞌa nabagna te mala lehe na.

Nodi Khoje Hatimare Mae Jiu 119:173

Tarabana kobau sagho mala mei togho ghau iara, naugna iara ne leghudi nou famane vetula iagho gre.

Profet Isaia 64:6

Ghehati te gnafa na kafe tapla jafra ka nakhibo, eghuteuna ghehati kafe thona fara ka tathamu iagho na. Eghuteuna puhi ne doglo teu te edi ghehati igre nu theome raꞌe keli jateula pohe te thona ra eghu thofno diꞌa parilahu ka tathamu iagho na. Tutuani, ghehati jateula khakla gaju te flalo te tei ka nuri ra eghu kolho.

Nodi Khoje Hatimare Mae Jiu 119:5

Iara magnahaghei te au heta te mala leghudi nou vetula iagho re.

Nodi Khoje Hatimare Mae Jiu 119:32

Iara magnahaghei fara te leghudi nou cheke iagho ra, naugna iagho ginauna togho ghau iara mala lase fakelidi iara.