Letas Teke Riso Tei Mae Pol Ka Khiloau Rom 6:22 - Buka Blahi Ka Cheke Holo

²² Nu gognaro na God hata fasnagla ghamihi ka nakhibo tuare mala nogna mae sneka mana. Eghume nakarhami ghotilo na mala blahi nei ginauna ghotilo hatini karha fei tifa na eghu.

Letas Teke Riso Tei Mae Pol Ka Khiloau Rom 6:22 ပူးပေါင်းရင်းမြစ်များ

Ululahu Pita 2:16

Te keli na ghotilo au jateula naikno te snagla nodi fara eghu, na eghunu ne snaglahi eghu ghotilo edi glepo te diꞌare. Theo. Ghotilo mala au jateula nogna mae sneka God eghu sia.

Letas Teke Riso Tei Mae Pol Ka Khiloau Rom 6:18

God neke fasnagli ghami ka nogna nolaghi nakhibo, eghuteuna gognaro na ghotilo mae sneka mala eni unha te doglo na.

Letas Teke Riso Tei Mae Pol Ka Khiloau Rom 8:2

Jaola naugna tahati kaisei balugna mae Jisas Kraes, nogna puhi te keli Tharunga te Blahi na tusu ranghi ghita karha te tutuani na. Eghuteuna mana ne hata fasnagla ghita ka puhi nakhibo te tangomana te falehe ghita.

Jone 8:32

Ghotilo ginauna laseni u glepo te tutuani eigna God na, eghuteuna u glepo te tutuani tuana ginauna hata fasnagla ghami ghotilo.”

Galesia 5:13

Uve kheraguro, God neke kilo ghami ghotilo mala au snagla! Theome snagla mala eni ghotilo kaisei najafra, nu snagla mala namha nei fari totoghoi eghu.

Ululahu Korin 7:22

Tutuani, mae ihei teke mae sneka kani teke kiloni Lord na, mana gognaro na snagla malagna Lord. Jateula mae teke snagla kolho kani teke kiloni Lord na, mana gognaro na mae sneka malagna Kraes.

Ululahu Pita 1:9

Naugna ghotilo fatutuani ni mana nei hata thofno nakarha te theo ka huigna, jateula te rouronuni ghotilo nate thoke mei ginau.

Galesia 1:10

Ghotilo laseni, iara gne theome fariuriu mala keli tadi naiknore ka iara. Theo! Iara fariuriu mala keli tagna God ka iara. Jame tutuani me cheke famaemahedi nei muamugnadi eghu iara naiknore na, iara theome tangomana te nogna gloku mae Kraes na.

Letas Teke Riso Tei Mae Pol Ka Khiloau Rom 6:14

Nakhibo na theome tangomana te funei fruni ghami ghotilo te mala goigonidi nakarhamire, naugna ghotilo theome au ke parigna u nogna vetula mae Moses, nu ghotilo au ke parigna nogna khokofakasai God.

Profet Isaia 54:17

Nu theo kaisei glepo mala magra ka igre nate ghoreho ghotilo na. Eghuteuna ghotilo ginauna tangomana te cheke tughu ka iheire te cheke fapari ghami ghotilo na. Uve, iara ginauna edi glepo te keli ka ghotilo nogu mae gloku iara ra, eghuteuna togho ghami ghotilo mala ulu.” Igne chekegna Lord.

Galesia 5:22

Nu kate snakreni tahati nakarhada na te mala baubatu mae Tharunga te Blahi na, mana ginauna tusu ranghi ghita namha, gleale'a, pharikeli, au kmu, lolokeli, au keli, u gaoghatho nheta te mala eni unha te chekeni,

Letas Teke Riso Tei Mae Pol Ka Khiloau Rom 7:4

Eghume ghotilo kheraguro, naugna Kraes neke lehe ke kligna gaju fafatha, nogna vetula mae Moses na theo kaisei nolaghi ke klignada. Tahati snaglahi ka vetula tuana jateula kaisei gaꞌase tholaghi te snagla ka vetula gna tholaghi ke leghu glehegna khetogna na. Naꞌa tangomana teke tolaghi ka kaisei mae delei na. Tutuani, gognaro na tahati kaisei ka Kraes mae teke karha fapulo ka glehe ia mala tangomana tahati te loku fakeli ranghini God na.

Letas Teke Riso Tei Mae Pol Ka Khiloau Rom 6:21

Tutuani, ghotilo neke theome hatini kaisei glepo te keli kolho ka nakhibo teke edi ghotilo re, eghuteuna ghotilo gognaro na mamaja nomi fara eidi puhi tuare. Thogheiro na nafnata puhi te diꞌa tuare mala fafnota ghami themi kolho ka God tifa tifa.

Matiu 25:46

“Naikno igre ginauna tei au ka vido mala au papara na bongi narane. Eghuteuna, naikno te doglo ke ulugna God igre ginauna au ka nakarha te theo ka huigna.”

Profet Daniel 3:26

King Nebukadnesa ne tei rhegna khaꞌaghi te brana fara igne ne eha eghu fabiꞌo, “Sadrak, Misak, Abenegho, ghotilo thilo nogna mae gloku God ka maloa kligna ra, jifla mei!” Aonu thilo mare ne jifla mei ka khaꞌaghi na.

Nodi Khoje Hatimare Mae Jiu 143:12

Naugna te biꞌo iagho nou namha na ka iara gne, falelehe sagho nogu mae naoka iara gre, eigna mare goigoni ghau iara fara nou mae gloku gne.

Taetus 1:1

Ranghi nigho iagho ghema Taetus. Uve ghema, iara mae Pol nogna mae gloku God nei nogna mae khuru mae Jisas Kraes. Mae Jisas Kraes neke vahi ghau iara mala toghodi nei famane farirhiudi eghu naikno teke vavahi God re mala kotu biꞌo eghu nodi fatutuani na. Nu u gloku te eni iara igne farirhiudi naiknore u thofno farirhiu tutuani eigna God. Eghume, u farirhiu tutuani te eni iara igne toghodi fara naiknore mala leghudi mare u nafnata nakarha te magnahagheni God na.

Kolose 1:10

Aonu ghotilo ginauna au ka nafnata nakarha te doglo fara ke ulugna Lord nei jaola fagleꞌani mana ka puhimire. Ghotilo tangomana te edi kmana nafnata gloku te keli nei lase fakelini God.

Filipae 4:17

Nu iara theome magnahaghei te fiti hata thotogho kolho ka ghotilo. Theo. Iara magnahaghei ghami ghotilo nga te mala hata u taba biꞌo te mei funu ka God na.

Filipae 1:11

Eghume, ghotilo ginauna edi kmana glepo te keli te mei funudi ka thegna mae Jisas Kraes, mala tangomana ghotilo te ghatho tahuni nei cheke fakelini teu nanghagna God na.

Efesus 5:9

naugna puhigna u naphae na tangomana tahati te edi glepo te keli nei doglo nei tutuani.

Fapea Korin 3:17

Te chekeni teu ka grioriso te blahi igne “Lord” na mae Tharunga te Blahi, eghume ihei te figri ka Lord na gaoghathogna na thofno snagla mala fatutuani ni mae Jisas Kraes naugna Tharunga gna Lord na au ka mana.

Letas Teke Riso Tei Mae Pol Ka Khiloau Rom 7:25

Tahati mala cheke fakelini God, eigna mana ginauna eni igne ka nogna gloku mae Jisas Kraes noda Lord! Eghume iara thegu na jateula igne eghu, ka gaoghathogu na, iara thofno magnahaghe te leghuni nogna mae gloku nogna vetula God. Nu naugna iara kaisei naiknogna nauthoglu igne kolho, iara leghuni u puhigna nakhibo te au ke lamnagu.

Jone 15:16

Ghotilo neke theome vahi ghau iara, nu iara nga teke vahi ghami ghotilo te mala tei te mala ure ghotilo na, nafnata sisi te keli te au fabrahu. Te eghu ghotilo na, mae Mama na tusu ari ka ghotilo unha te toreni ghotilo ka nanghagu iara na.

Jone 15:2

Mana na kato koko grege te au ka iara te theome ure. Mae Mama na tatasrei, nei fagagae eghu grege te au ka iara re, mala tangomana reꞌe teke ure ginauna.

Jone 4:36

Eghuteuna mae ihei te atha gano na mana atha nogna taba eigna nogna gloku na, u gano te salo fodu naiknore igre nate athani mare u karha fei tifa na. Eghume, mae ihei teke joꞌu na, nei mae ihei teke pulei na eghu phiamare na kafe gleale'a fodu.

Matiu 19:29

Eghuteuna mae ihei te lisei faleghu sugagna, tahigna, greghagna, kmagna, idogna, goro thugna, ba nogna vido glose, te leghu ghau iara na, mana ginauna hata kaisei gobi fata ke uludi gobigna lepo teke lisei faleghu mana igre. Eghuteuna mana ginauna hatini nakarha fei tifa na.

Matiu 13:43

Aonu naikno te kelire ginauna siasigla jateula naprai eghu kate au mare ke lamnagna nogna nauthoglu majaghani Kmadi God. Uve, ghotilo naikno te fanomho ka iara igre, hiro fakeli gaoghathodi cheke igre.”

Matiu 13:40

“Sokiaro te rarathu mae glokure mala gnubra kau khaꞌaghi teu igre jateula tuana eghu kate pulei naikno engel igre ka narane leghu lahu gna nauthoglu igne.

Nodi Khoje Hatimare Mae Jiu 92:14

Neuba mare ne kueku'ehi, mare ginauna heta fabrahu jateula gaju gna tifa te maku karha te ure teura eghu.

Thoutonu Eigna Mae Job 1:8

Lord ne cheke eghu ka Satan, “Ba, iagho filo glani puhigna nogu mae gloku iara Job igne? Theo kaisei mae ka nauthoglu igne te jateula mana teuna. Mana kaisei mae keli nei doglo eghu. Eghuteuna mana ghatho tahu ghau iara nei theome magnahaghei te eni kaisei glepo te diꞌa.”

Naba 23:10

Naiknodi Israel gre thono kmana fara, theo kaisei tangomana te kahadire. Tutuani, vikegna mae Jekob na jateula gaughavu glose, theo kaisei tangomana te kahadire eghu. Kate thokeni iara narane leghu lahu na, keli fara jame nakarhagu iara na te jateula nakarhadi naikno te doglo ka tathagna God teuna. Uve, lisa ghau mala lehe ka pharikeli jateula naikno te doglo ra eghu.”

Jenesis 50:17

Mana neke cheke eghu ka ghehati, ‘Ghotilo neke eni unha puhi te diꞌa na ranghini mae Josep. Cheke ranghini mae Josep mae thabusimi na mala hata fadeleidi mana tami puhi te diꞌa tuare.’ Eghume gognaro na, ghema Josep, ghehati tore nigho iagho mala hata fadeleidi ka ghehati unha najafra teke edi ghehati ka iagho ra.” Mae Josep ne nomhini cheke igne ne tanhi fabiꞌo.

Thakle 7:13

Aonu kaisei mae ka hatimare mae biꞌodi ka khiloau gre ne ghusna eghu ka iara, “Ghema, iheire si naikno te pipichi pohe vegha igrea? Neke mei funudi aheva?”

Jemes 1:1

Iara mae Jemes, nogna mae gloku God nei nogna Lord Jisas Kraes. Kubae ghami nogna naikno God te au heva heva ka nauthoglu gne.

Profet Daniel 6:20

Kate tei namo ka khora igne, mana ne nanga nogna fara ka mae Daniel, aonu mana ne eha eghu fabiꞌo, “Daniel! Iagho nogna mae gloku God mae ihei te karha te tifa. Ba, God mae ihei te leghuni nei turupuku ranghini teu iagho igne mana la fofotho foflodi lion are la theome ghamu nigho?”

Nodi Khoje Hatimare Mae Jiu 86:2

Fakarha ghau kau glehe, naugna iara gne kaisei nou mae gloku iagho. Iara fatutuani nigho nei kaisei phile ka iagho eghu.

Kolose 4:12

Kaisei mae kherami keli ghotilo, mae Epafra nogna mae gloku Jisas Kraes, mana jaola kubae ghami ghotilo. Leuleghu fata na, mana tarai heta koba eimi ghotilo. Mana toreni God mala togho ghami ghotilo mala kegra heta ka nomi fatutuani na, nei mala thofno lasedi gobigna lepo God te magnahaghei edi ghotilo re.

Hibru 12:14

Fariuriu mala au kau pharikeli baludi naikno te gnafa nei fariuriu langau mala au ka nakarha te klino. Naugna iheire ngala te au klino re nate filoni God na.