Letas Teke Riso Tei Mae Pol Ka Khiloau Rom 6:19 - Buka Blahi Ka Cheke Holo

¹⁹ Iara cheke kau cheke naba igne eigna “mae sneka” te kafe laseni ghotilo, eigna gaoghathomi ghotilo re theome krepa. Tifa na, ghotilo neke snakredi vido thinimi fateo are mala nogna mae sneka puhi te diꞌa nei nafnata glepo te diꞌa tulao. Nu gognaro na ghotilo lisa lao vido thinimi fateo are mala nogna mae sneka puhi te doglo nei glepo te blahi eghu.

Letas Teke Riso Tei Mae Pol Ka Khiloau Rom 6:19 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 6:13

Thosei snakreni kaisei vido ka thinimi are mala edi puhi te diꞌare. Naugna ghotilo neke karha fapulohi ka glehe. Nu snakre lao ghami themi ka God, nei snakre lao vido thinimi te gnafa are ka God mala edi glepo te doglore.

Letas Teke Riso Tei Mae Pol Ka Khiloau Rom 3:5

Keha naiknore cheke eghu, “Kate eni tahati puhi te diꞌa na, tahati falalase ranghidi naiknore puhigna God te doglo fara. Eghume tahati laseni God te theome doglo na naugna mana ne para ghita kate leghuni puhi te diꞌa na!” Keha naiknore ne cheke eghu agne kate leghuni kolho mare gaoghathogna naikno na.

Ululahu Korin 6:11

Tifa na, keha naikno ka ghotilo neke jateula tuana neku! Nu ka nanghagna noda Lord Jisas Kraes nei ka nogna nolaghi Tharunga gna noda God, mana neke hata fadelei nakhibomire mala nogna naikno nei mala au doglo ka tathagna God na.

Galesia 3:15

Uve kheraguro, iara na eni kaisei thotoghale ka ghotilo. Ghathoni si ghotilo eigna u nhaꞌa cheke te eni kaisei mae balugna keha mae na ia. Kate famamhaku hi phiamare u nhaꞌa cheke igne, theome tangomana kaisei mae te paꞌeni ba teke tudu lao keha cheke na.

Hibru 12:15

Fiofilo fakeli ghotilo ia mala theome kaisei naikno figri tagruni nogna namha te biꞌo God na. Na eghunu jateula kaisei gaju te fahoihoti ia eghu kaisei naikno ke lamnami ghotilo. Nafnata naikno tuana tangomana te goigonidi kmana naikno.

Hibru 4:15

Noda mae pris biꞌo na lase ghita te nigra na. Ka teke au ka nauthoglu gne, mana neke thoke nila fariuriu ka nafnata puhi te kmana jateula tahati neku, nu mana neke theome eni kaisei najafra eghu.

Ululahu Korin 9:8

Kate chekeni igne, iara theome leghuni kolho nogna gaoghatho naikno na, naugna nogna vetula mae Moses na jaola neke chekeni igne.

Ululahu Korin 5:6

Nomi fahaehaghe ghotilo eidi puhi te diꞌare theome doglo. Naugna ghotilo lasenihi cheke igne, “Katha isi ikoi kolho te mala fabiꞌodi bret te gnafare.”

Letas Teke Riso Tei Mae Pol Ka Khiloau Rom 15:1

Te keli na tahati mala heta ka noda fatutuani na mala toghodi iheire te theome lase fakelini unha lepo God te snakredi mare te mala eni na. Tahati mala toghodi ka unha te nanga nodini mare na, eghuteuna tahati theome mala eni kolho unha te magnahagheni theda na.

Letas Teke Riso Tei Mae Pol Ka Khiloau Rom 8:26

Jaola, Tharunga te Blahi na neke togho ghita naugna tahati theome heta kolho. Tahati theome laseni eigna tharai na, nu Tharunga te Blahi thegna te tarai heta ka God eida tahati ka natanhi te theome tangomana tahati te rurutha gaoghathogna na.

Matiu 4:23

Mae Jisas ne tei tongana ka Provins Galili, ne ruma ka nodi suga tharai mae Jiu ne farirhiu, nei toutonu thakleni Nonomho te Keli eigna narane God nate funei frunidi nogna naiknore, nei fakarhidi naikno te gnafa te fogra nei khabru biꞌo teure.

Letas Teke Riso Tei Mae Pol Ka Khiloau Rom 7:23

Nu iara filoni puhi te diꞌa te loku ke lamnagna thinigu iara na magra ka nogna vetula God te au ka nagnafagu iara na. Nu puhi te diꞌa te au ka thinigu iara na huhuru ghau iara mala eni puhi te diꞌa na.

Levitikas 13:40

“Neuba kaisei mae ne khoko khaklagna re ne klaja phaꞌugna na, ba greregna na, mana klino ka tathagu iara na.