Letas Teke Riso Tei Mae Pol Ka Khiloau Rom 5:7 - Buka Blahi Ka Cheke Holo

⁷ Ninhigrana fara ranghini kaisei naikno te magnahaghei lehe tughuni kaisei naikno te doglo na. Nu jame kaisei mae te frane, mana tangomana te lehe tughuni kaisei mae te keli fara na.

Letas Teke Riso Tei Mae Pol Ka Khiloau Rom 5:7 ပူးပေါင်းရင်းမြစ်များ

Ululahu Jone 3:16

Ka igne te laseni tahati eigna u namha na: Mae Jisas neke lisa soru nakarhagna na malada tahati. Eghume tahati jaola nabada te lisa soru nakarhadare maladi kherada fofodu!

Letas Teke Riso Tei Mae Pol Ka Khiloau Rom 16:4

Repa theome mhaghuni glehe kate loku heta mala togho ghau iara na, eghuteuna iara cheke fakelidi repa. Eghuteuna nodi khiloau hatimare mae te theome Jiu jaola cheke fakelidi repa.

Jone 15:13

U thofno namha biꞌo te tangomana kaisei naikno te falalase ranghidi kheragnare ngala te lehe ranghidire.

Nodi Khoje Hatimare Mae Jiu 112:5

Ihei te eni bisnis ka puhi te doglo na, nei snakreni kaoni na ka keha naiknore teuna, mae igne keli tagna fara.

Fapea Samuel 18:27

Mae mala reireghi igne ne cheke eghu, “Mae te kulu mei igne jateula mae Ahimas thugna mae Sadok eghu.” Eghuteuna king ne cheke eghu, “Iara laseni mae Ahimas gne kaisei mae keli, mana ginauna hata mei nonomho te keli.”

Fapea Samuel 18:3

Nu mare ne cheke eghu ka mana, “Theo. Iagho thosei tei balumi ghehati! Eigna jame te rikha ghehati ka magra na, ba jame te aknu falehe mare kaisei vidogna ka armi ghehati igne na, tuana theo nafugna kolho ka gaoghathodi mare na. Nu jame te tei iagho balumi ghehati te falehe nigho mare ka magra na, igne jateula te aknu falehe mare nabotho thogha soldia ka ghehati ra eghu. Eghume te keli na iagho au ka namono. Eghuteuna jame te kmoꞌe ghehati ka soldia, ba ka unha na iagho mala famei thotogho ka ghehati.”

Matiu 13:15

Naikno igre bobotho nagnafadire naugna mare theome magnahaghei te raꞌe lalase. Mare fadodofu tathadire naugna mare theome magnahaghei te raꞌe filo glanini kaisei glepo. Mare fofotho khulidire naugna mare theome magnahaghei te raꞌe laseni kaisei glepo. Mare edi glepo igre naugna mare theome magnahaghei teke pulo mei ka iara mala fakarhidi.’ Igne unha teke chekeni God ka mae profet Isaia na.

Letas Teke Riso Tei Mae Pol Ka Khiloau Rom 5:6

Ka thofno narane teke vahini God na, Kraes neke lehe mala togho ghita tahati naikno te fodu ka nakhibo. Tutuani, tahati theo noda nolaghi te mala togho ghita theda na.

Letas Teke Riso Tei Mae Pol Ka Khiloau Rom 5:8

Neubane au neu tahati ka nakhibo, God neke fatakle ranghi ghita u nogna namha biꞌo na kate kuru meini Kraes mala lehe tughu ghita na.