Letas Teke Riso Tei Mae Pol Ka Khiloau Rom 5:13 - Buka Blahi Ka Cheke Holo

¹³ Ame tusu mei nga God u vetula na ka mae Moses teku na, naikno te au ka nauthoglu igne neke kulu auhi ka puhi nakhibo. Nu kani theome au nga teku u vetula na, God neke theome ghathodi nakhibodi naiknore.

Letas Teke Riso Tei Mae Pol Ka Khiloau Rom 5:13 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 4:15

Tutuani nogna vetula mae Moses na ne cheke eghu, “God ginauna paradi naikno te theome leghuni u vetula na.” Nu jame te theo kaisei vetula na, naiknore ginauna jaola theome huhughuni vetula na.

Ululahu Korin 15:56

Tutuani, glehe na au nolaghi mala roꞌedi naiknore naugna glehe na funu mei ka nakhibo. Eghuteuna nogna vetula mae Moses na ngala te au nogna nolaghi te mala fatakle nakhibo ka nakarhadare.

Ululahu Jone 3:4

Ihei te tapla jafra ka nakhibo na, mana huhughuni fara nogna vetula God na, naugna nakhibo na huhughuni vetula na.

Jenesis 38:10

Puhi te eni mae Onan igne ne thofno jafra fara ka tathagna Lord na, nu Lord ne jaola ne faleheni mana.

Jenesis 38:7

Nu puhigna mae Er igne thofno diꞌa fara ka tathagna Lord na, aonu Lord ne fate faleheni mana.

Jenesis 19:32

Tapa na fakokhoꞌu kmada gne ka u waen mala dranga mana, eghuteuna tapa ginauna na thuru balugna mala au thuda ka mana eghu. Ka puhi igne naikno na ginauna na theome gnafa ka u nauthoglu igne.”

Jenesis 19:4

Kate theome thuru nga teu phia mare na, maedi Sodom re ne kafe mei ne kegra faligohoni nogna suga mae Lot na. Mae te kafe mei igre goro mae biꞌo nei goro mae majaghani eghu, mare mei funudi ka vido te gnafa heva heva ka namono Sodom.

Jenesis 18:20

Aonu Lord ne cheke eghu, “Iara neke nomhidi kmana puhi te thono diꞌa fara te edi naikno di Sodom ghe Gomora gre.

Jenesis 13:13

Naiknodi Sodom gre thono gnognoro fara, eigna ne edi kmana nafnata nakhibo te theome doglo ka tathagna Lord na.

Jenesis 8:21

Lord ne gnanghini u fafara te famane sisiri keligna igne ne keli tagna fara ne cheke eghu, “Iara ginauna nake theome goigoni u nauthoglu igne ke tughugna puhi diꞌa teke edi naikno igre neuba iara kulu lasedihi naikno igre neke diꞌa neke mei ngala funu suadi. Nu iara ginauna nake theome goigonidi gobigna lepo te karha ka nauthoglu na igre jateula te eni iara gognaro gne eghu.

Jenesis 6:11

Ka narane tuare, God ne filodi naiknore ne kafe diꞌa fara naugna mare ne khuru magra nei faꞌau aknu fari thedi heva heva. Kaisei mae Noa ngala te doglo fara ka tathagna God na.

Ululahu Jone 3:14

Tahati laseni tela tei kokonihi glehe na eghuteuna mei rumahi kau karha. Tahati laseni igne naugna tahati namhani kherada fofodu na balugna mae Kraes. Ihei te theome namhani kheragna fofodu na mana au ngala ka glehe.

Jenesis 19:36

Aonu ka puhi igne phei sua gaꞌase re ne bukla ka mae Lot, kmadi thedi na.

Letas Teke Riso Tei Mae Pol Ka Khiloau Rom 3:20

Theo kaisei naikno te doglo ka tathagna God na, jame te leghuni kolho mana vetula na. Naugna vetula na mala falalase kolho nakhibodare.