Letas Teke Riso Tei Mae Pol Ka Khiloau Rom 5:11 - Buka Blahi Ka Cheke Holo

¹¹ Eghuteuna keha glepo na igne eghu, noda Lord Jisas Kraes na neke togho ghita mala au fodu balugna God, eghuteuna tahati gognaro na tangomana te au gleale'a ka God.

Letas Teke Riso Tei Mae Pol Ka Khiloau Rom 5:11 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 5:10

Ulu lahu na tahati neke jateula nogna naoka God neku. Nu ka glehegna Thugna na, God neke togho ghita mala kheragna thegna. Eghume, naugna gognaro na tahati la kheragnahi God, tahati thofno laseni God na ginauna fakarha ghita, naugna Kraes te karha gognaro gne.

Filipae 4:4

Gleale'a koba balugna noda Lord. Uve, iara nake fapea chekei ngala ka ghotilo, gleale'a!

Profet Isaia 61:10

Naiknodi Jerusalem igre ginauna cheke eghu, “Ka gaoghathomi fateote'o, ghehati thofno gleale'a fara, naugna Lord na nomi God ghehati. Puhi te fakarhi ghami, eghuteuna togho ghami mala leghudi puhigna te doglo teu igre ghehati thofno gleale'a fara jateula gaꞌase ghe nalhaꞌu te pipichi pohe te keli mala tolaghi teura eghu.

Galesia 4:9

Nu gognaro na ghotilo la lase fakelinihi God. Tulao, gognaro na God lase fakeli ghamihi ghotilo. Eghume, eigna unha si ghotilo teke figri fapulo ka gobi nafnata glepo gna nauthoglu igne te theome heta nei thofno theo nafudi teu gnea? Tifa na, ghotilo neke fatutuanidi glepo tuare. Ba, ghotilo magnahaghei teke sneka fapulo ka glepo tuare sia?

Nodi Khoje Hatimare Mae Jiu 149:2

Tahati vikegna mae Jekop, ba mae Israel ra, tahati glealeꞌa naugna Lord neke vuavuha ghita. Uve, tahati nogna naikno mana te au Saion ra, tahati glealeꞌa naugna mana ngala noda mae King tahati na.

Ululahu Pita 1:8

Iara laseni, ghotilo theome filoni mana gognaro, nu ghotilo namhani mana, fatutuani ni mana nei gleale'ani mana. Tutuani, nomi gleale'a ghotilo na biꞌo fara, theome tangomana kaisei naikno te ruruthani gaoghathogna na.

Kolose 2:6

Ghotilo hatahi mae Jisas Kraes jateula nomi funei eghu, eghume ghotilo mala leghuni fabrahu puhigna mana na.

Filipae 3:3

Neubane eghu ngau, tahati nogna naikno God gre thofno laseni gaoghathogna tohi fagaglana. Naugna nogna Tharunga te Blahi God na te togho ghita tahati te mala pogho soru ranghini mana na. Tutuani, tahati gleale'a te kaisei balugna mae Jisas Kraes. Jaola theo kaisei noda fatutuani ka unha te eni ka thinida na.

Nodi Khoje Hatimare Mae Jiu 104:34

God na faglealeꞌa ghau fara iara, eghuteuna iara magnahagheini mana te keli tagna ka nogu gaoghathore.

Nodi Khoje Hatimare Mae Jiu 43:4

Eghume iara ginauna tei ka nou olta mala fafara. Nogu God, iara ginauna hata gita mala koje balu kilo fnaknoni nanghamu na. Uve, iara thofno glealeꞌa fara naugna iagho ne toghodi nou naiknore.

Nodi Khoje Hatimare Mae Jiu 32:11

Ghotilo naikno te doglo fara puhimira, ghotilo kelitami nei glealeꞌa eghu ka glepo te keli te edi Lord re! Ghotilo naikno te keli ka tathagna Lord ra, ghotilo mala glealeꞌa balu koje fabiꞌo!

Ululahu Samuel 2:1

Aonu Hana ne tarai eghu: “Lord na pala haghe ghau iara! Iara thofno glealeꞌa fara ka glepo te eni iagho igne! Gognarona iara tangomana te maꞌe kolho ka nogu naoka re, naugna iagho ne togho ghau iara.

Filipae 3:1

Uve kheraguro, igre nogu farirhiu leghu lahu iara ka ghotilo re. Iara magnahaghei ghami ghotilo te mala au gleale'a balugna Lord. Eghume neuba neke riso arihi iara ka ghotilo cheke igre tifeiro, iara keli tagu ngala na teke riso ari ngala cheke igre ka ghotilo. Naugna nogu cheke iara igre ginauna togho ghami fara ghotilo, mala theome tangomana kaisei naikno te roꞌeni nomi fatutuani ghotilo na.

Galesia 5:22

Nu kate snakreni tahati nakarhada na te mala baubatu mae Tharunga te Blahi na, mana ginauna tusu ranghi ghita namha, gleale'a, pharikeli, au kmu, lolokeli, au keli, u gaoghatho nheta te mala eni unha te chekeni,

Ululahu Korin 10:16

Ghotilo ghathoni u hinao te cheke fakelini tahati ka God ia. Kate koꞌu tahati ka hinao igne, tahati kaisei ka dadaragna Kraes. Eghuteuna kate ima u bret te piphike igne, tahati kaisei ka thinigna Kraes.

Letas Teke Riso Tei Mae Pol Ka Khiloau Rom 11:15

Naugna kate figri fadelei God ka ghehati mae Jiu gre, keha naikno ka nauthoglu gne na tangomana teke kheragna God na. Ginauna jateula unha eghu kate keli tagna God ka mae Jiu gre? Mae Jiu gre ginauna jateula teke karha fapulo ka glehe eghu!

Letas Teke Riso Tei Mae Pol Ka Khiloau Rom 2:17

Gognarona eimi ghotilo mae Jiu. Ghotilo fatutuani God ginauna fakarhi ghami, naugna ghotilo leghuni fara nogna vetula mae Moses na. Eghuteuna ghotilo fahaehaghe, naugna ghotilo nogna naikno God.

Jone 1:12

Nu keha naiknore ne keli tadi nei fatutuani ni eghu mana. Aonu mana ne tusu ranghidi nolaghi te mala goro thugna God.

Luku 1:46

Meri ne cheke eghu, “Iara thofno cheke fakelini nanghagna Lord na.

Letas Teke Riso Tei Mae Pol Ka Khiloau Rom 5:1

Naugna tahati neke fatutuani ni God, mana la fadoglo ghitahi ke ulugna thegna. Tutuani, noda Lord Jisas Kraes neke togho ghita mala au tahati kau pharikeli balugna God.

Letas Teke Riso Tei Mae Pol Ka Khiloau Rom 5:3

Eghuteuna tahati jaola gleale'a kate au ke lamnadi hoholo te kmana igre, naugna tahati lasedi hoholo igre togho ghita mala au heta tahati.

Letas Teke Riso Tei Mae Pol Ka Khiloau Rom 8:23

Nu theome glepo tuare kolho te tanhi eghu na. Tahati theda, eigna God neke tusu mei Tharunga te Blahi na ka tahati jateula kaisei nhaꞌa cheke glepo keli na mei ke leghu. Tutuani, tahati jaola eha ke lamnada balu kabru. Naugna tahati ofoni God fabrahu mala fasnagladi thinidare nei tusu ranghi ghita u thini majaghani, mala tangomana tahati te thofno thugna mana na.

Letas Teke Riso Tei Mae Pol Ka Khiloau Rom 9:10

Theome tuana ngala eghu, naugna Rebeka na jaola neke karha mei phei thugna nalhaꞌu ka kaisei mae ngala, mae kuꞌeda Isak. Phei thugna nalhaꞌu mae Isak re, mae Jekop ghe mae Iso.

Fapea Korin 8:19

Jaola, khiloau gre neke vavahi mae igne mala tei balumi ghehati kate tusu laogna ghehati sileni teke salo igne. Ghehati eni gloku igne mala kilo fafnaknoni Lord nei mala falalaseni ghehati te magnahagheni fara te toghodi keha kherada te au kuma ka khiloau gne.