Letas Teke Riso Tei Mae Pol Ka Khiloau Rom 4:20 - Buka Blahi Ka Cheke Holo

²⁰ Kate ghathoni nogna nhaꞌa cheke God na, mana theome khoko nogna fatutuani na nei theome ghatho peapea eigna igne, nu nogna fatutuani mana na biꞌo fara. Eghuteuna mana cheke fakelini koba nogna nolaghi te biꞌo God na.

Letas Teke Riso Tei Mae Pol Ka Khiloau Rom 4:20 ပူးပေါင်းရင်းမြစ်များ

Luku 1:45

Keli tamu fara naugna iagho ne fatutuanidi glepo nate thoke mei tutuani jateula ngau God teke chekedihi ka iagho ra.”

Fapea Korin 12:10

Eghume iara gleale'a fara kate papara naugna iara nogna mae Kraes. Tutuani, kate nigra na, kate cheke fadiꞌa ghau na, ba ka vido te ninhigrana ba ka vido te au papara, ba ka thua nafnata hoholo fateo, iara gleale'a fara naugna ka vido igre Kraes tangomana te tusu mei ka iara nogna u nolaghi biꞌo na.

Ululahu Korin 16:13

Reireghi fakeli ghami themi, brana ka nomi fatutuani na, thosei mhaghu, nei au heta fabrahu ka gaoghathomire.

Profet Daniel 10:19

Eghuteuna mana ne cheke eghu ka iara, “Iagho thosei nanga nou, ba mhaghu, naugna God na namha nigho iagho fara. Iagho kegra heta!” Kate cheke eghu mana igne, iara thofno haimini neke rheta fapulo thinigu na, ne cheke eghu, “Mae biꞌo, cheke mei ka iara unha te magnahaghei chekeni iagho ka iara na naugna iara gognaro na kela nheta fapulo.”

Fapea Timoti 2:1

Ghema thuguo Timoti, iara magnahaghe nigho te au famaku ka nogna khokofakasai God teke tusu ranghi ghita, naugna tahati nogna mae Jisas Kraes.

Profet Isaia 35:4

Ghotilo loku famaku nagnafadi iheire te mhaghu nei nanga nodi. Ghotilo cheke eghu, “Ghotilo thosei mhaghu ba nigra, naugna Lord ginauna fakarhi ghita, eghuteuna mana ginauna paradi noda naoka tahati re. Mana ginauna nake tughu fapulo glepo te diꞌa teke edi mare ka tahati ra.”

Profet Sekaraea 8:13

Ghotilo naiknomi Juda nei Israel teura, tifa na naiknodi keha kantri igre neke tibri ghami ghotilo mala thoke mei puhi biꞌo ka naiknore. Nu iara ginauna fakarhi ghami ghotilo, eghuteuna ghotilo ginauna jateula kaisei fablahi keli eghu ka keha naiknore. Eghume ghotilo thosei mhaghu, ghotilo famamhaku gaoghathomi re.

Profet Sekaraea 8:9

Lord ne cheke eghu, “Naiknodi Israel! Ghotilo iheire te nomhidi cheke teke cheke mae profet ka narane teke eni mare thina famamhaku gna nogu Sugablahi iara Lord mae ihei te au nolaghi fateote'o. Ghotilo mala famamhaku nagnafami re, mala tangomana ghotilo te loku fagnafa suga igne.

Profet Hagae 2:4

Nu iagho Serababel, iagho mae Josua, naikno te gnafa ka namono igne, heta gaoghathomi are. Iara Lord mae ihei te nolaghi fara, iara cheke fadoglo ka ghotilo: Iara magnahaghe ghami ghotilo te gnafa mala loku, naugna iara au balumi ghotilo.

Luku 1:18

Mae Sekaraea neke cheke fapulo ka engel na, “Faꞌunha eghume laseni iara glepo igne ne tutuani teuna eghu? Naugna ghepa gne la kafe naikno biꞌo hi.”

Matiu 9:8

Naiknore filoni igne ne jaglo nodi fara balu mhaghu. Mare ne kilo fnaknoni God naugna God ne tusu lao nafnata nolaghi te biꞌo igne ka naiknore.

Profet Daniel 11:32

King ginauna famaemahedi iheire te theome thofno fatutuani mala figri tagruni God. Nu naikno te leghuni puhigna God te doglo na ginauna kegra heta na theome leghuni nogna cheke mana na.

Fapea Kings 7:19

Tifeiro na nogna ofisa king na neke cheke eghu ka Elisa, “Iagho chaichaghi! Neuba Lord ne tothora maloa gne ne tofa soru gano gna kligna na, foli gna gano na ginauna theome soru.” Nu mae Elisa neke cheke eghu ka mana, “Iagho ginauna filoni igne ka tathamu themu na, nu iagho ginauna theome tangomana te ghamuni kaisei glepo ka gano igre.”

Fapea Kings 7:2

Kaisei mae biꞌo te tei koba balugna king na ne cheke eghu ka mae Elisa, “Iagho chaghi! Neuba Lord ne tothora maloa na ne tofa soru gano gna kligna na gognarogne meuna, foligna gano na theome tangomana nate soru na!” Mae Elisa ne cheke eghu ka mana, “Iagho ginauna filoni ka tathamu themu na glepo igne, nu iagho ginauna na theome ghamuni kaisei glepo ka gano igre.”

Efesus 6:10

Nogu cheke leghu lahu iara ka ghotilo na igne. Kegra heta ka nogna nolaghi biꞌo Lord, eigna ghotilo kaisei balugna mana.

Jenesis 15:6

Mae Ebram ne fatutuani ni nogna cheke Lord na, eghuteuna Lord ne kiloni mana kaisei mae te doglo ke ulugna mana.

Ululahu Samuel 30:6

Kate dofidi khetodire ka namono na, nogna soldia mae Devet igre ne diꞌa tadi fara ne rodi fada thina ni mana. Nu Lord, nogna God mae Devet igne ne farerheta gaoghathogna mana na.