Letas Teke Riso Tei Mae Pol Ka Khiloau Rom 4:17 - Buka Blahi Ka Cheke Holo

¹⁷ Jateula te chekeni ka grioriso te blahi na, “Iara vahi nigho mala ku'edi vike te kmanare.” Eghume te laseni tahati na mae Ebraham gne thofno mae kuꞌeda tahati te fatutuani ni God. Tutuani fara, God na au nolaghi te mala tusu lao karha ka iheire tela lehehi nei au nolaghi te mala vavuha glepo te theome vavuha nga teu.

Letas Teke Riso Tei Mae Pol Ka Khiloau Rom 4:17 ပူးပေါင်းရင်းမြစ်များ

Ululahu Korin 1:28

Eghuteuna mana jaola vahidi iheire te pari fara nei diꞌa fara nei fiti naikno kolho teu naiknogna nauthoglu igne mala tapla sorudi iheire te fnakno fara mala theo nafudi ka nauthoglu igne.

Jone 5:21

Mae Kmagu iara na tangomana teke fakarha fapulodi naikno teke lehehire. Eghume iara mae Thugna na ginauna eghu la ke tusu lao u karha ka iheire te vahidi iara re.

Ululahu Pita 2:10

Tifa na ghotilo neke theome nogna naikno God, eghuteuna God neke theome kokhoni ghami ghotilo. Nu gognaro na ghotilo nogna naikno mana eghuteuna mana kokhoni ghami ghotilo fara.

Jone 6:63

U thini na theome tangomana tusu lao u karha ka naikno na. Mae Tharunga te Blahi ngala tangomana te tusu lao u karha ka naikno na. Eghume, chekegu iara gre ngala te mala athini ghotilo u Tharunga te Blahi na, mae ihei nate tusu mei u karha na.

Letas Teke Riso Tei Mae Pol Ka Khiloau Rom 8:11

God neke fakarha fapuloni mae Jisas Kraes kau glehe. Eghuteuna naugna te au Tharunga gna God na ke lamnami ghotilo, God ginauna jaola tusu ari karha na ka thinimi te lehere. Eghuteuna mae ihei teke fakarhini mae Kraes igne, mana ginauna tusu ari karha igne ka Tharunga te Blahi te au ke lamnami ghotilo re.

Jone 5:25

Tutuani fara te chekeni iara ka ghotilo na. U narane na la meihi, la kulu auhi agne, kau narane tuana naikno teke lehehira ginauna nomhi ghau iara mae Thugna God na. Eghuteuna naikno nate nomhi ghau nei leghu ghau teu iara tuare na athini u karha na.

Hibru 11:12

Neubane kuekuꞌe fara mae Ebraham ne namo lehe, naikno te karha ka vikegna mana re kmana fara jateula nathunu kau maloa, ba nusu ka thongna te theome tangomana te kahadi.

Profet Isaia 55:12

Neuba ghotilo ne au neu Babilonia, ghotilo ginauna jifla ka kantri tuana, eghuteuna ghotilo ginauna glealeꞌa fara. Kate batu ghami te jifla iara na, ghotilo ginauna nake au fakeli. Neubane thogele te au faligoho ghami ghotilo igre ginauna jaola glealeꞌa balu koje. Neuba gaju igre ginauna jaola glealeꞌa fara balu proaprosa.

Profet Isaia 48:13

Iara neke vuavuha nauthoglu igne eghuteuna iara neke lilisei maloa gne kligna. Eghuteuna kate kilodi iara na, maloa ghe nauthoglu igre ne leghu ghau iara.

Letas Teke Riso Tei Mae Pol Ka Khiloau Rom 3:29

Ba, God na nodi God mae Jiu kolho? Theo! Mana jaola nodi God iheire te theome Jiu,

Fapea Pita 3:8

Uve kheraguro, kaisei glepo ngala te mala ghatho tahuni ghotilo na. Ka gaoghathogna noda Lord na, kaisei narane na jateula kaisei thogha finogha eghu, eghuteuna kaisei thogha finogha na jateula kaisei narane eghu ka gaoghathogna Lord na.

Hibru 11:7

Mae Noa fatutuani ni God neke leghuni God ka teke cheke mana eigna u nabritha. Neubane theome filodi unha nate thoke mei ginauna, mana ne leghuni God ne hohoro kaisei mola biꞌo mala fakarhini thegna nei tharakna. Kate eni igne, mana falalase naiknogna nauthoglu gne diꞌa fara. Eghuteuna jaola God te chekeni na mae Noa gne kaisei mae doglo fara ke ulugna God naugna mana ne fatutuani.

Ululahu Timoti 6:13

Ke ulugna God mae ihei teke tusu lao karha ka gobigna lepo fateote'o nei ke ulugna mae Jisas Kraes mae ihei teke theome mhaghu teke cheke thakleni nogna fatutuani biꞌo na ke ulugna mae Pontius Paelat, iara gognaro na cheke faheta ka iagho.

Profet Isaia 44:7

Theo ihei nga jateula iara teuna. Jaola theo kaisei naikno nate toutonu ranghi ghau iara gobigna lepo teke edi funu ka narane teke theo nga teku nauthoglu igne te ghilei thoke ka huigna nauthoglu igne! Uve, theo kaisei te tangomana te eni igne na!

Jenesis 17:16

Iara ginauna na fablahini Sera nei tusu ranghini naꞌa kaisei mae thugna eghuteuna iagho ginauna mala kmagna mana. Sera ginauna mala idodi naikno te kmana re, eghuteuna kehare ginauna mala mae king.”

Letas Teke Riso Tei Mae Pol Ka Khiloau Rom 9:26

“Eghuteuna ka kaisei namono na iara neke cheke eghu ka mare, ‘Ghotilo theome nogu naikno iara.’ Uve, ka namono tuana iara ginauna na cheke eghu ka mare, ‘Ghotilo thugu iara, God mae ihei te karha te tifa.’ ”

Profet Isaia 49:12

Nogu naikno iara igre ginauna mei funudi ka vido te khaba fara, ka vido ke raru ba ka vido ke mosu, nei funu ka namono biꞌo Aswan te au ke mata Ijep.”

Profet Isaia 43:6

Iara ginauna chekedi naikno te au ke raru ra, mala snakredi thugu iara ra mala ke pulo mei ka iara, eghuteuna naikno te au ke mata ra mala thosei lhotidi ka iara. Mare ginauna batudi thugu nalhaꞌu nei gaꞌase teu iara te au ka vido te khaba ka khukrugna nauthoglu igne mala ke pulo mei ka iara.

Jenesis 28:3

Iara toreni God mae ihei te nolaghi na mala fablahi nigho nei tusu ranghi nigho eghu kmana sua. Eghuteuna iagho ginauna mala kmadi kmana naikno.

Ululahu Korin 15:45

Naugna u grioriso te blahi na cheke eghu, “Naikno ulu lahu na mae Adam, God neke vuavuhani mana mala karha.” Nu mae Adam leghu lahu na Tharunga mala tusu meini thofno nakarha na ka naiknore.

Letas Teke Riso Tei Mae Pol Ka Khiloau Rom 4:2

Ba, God neke toghoni mae Ebraham mala doglo mana ke ulugna eidi gloku te keli teke edi mana re? Jame teuna mana au gaoghathogna te mala fahaehaghe na! Theo, mana theome tangomana te cheke fahaehaghe ke ulugna God na.

Matiu 3:9

Thosei chekeni koba ghotilo ne doglohi ke ulugna God naugna ne vikegna mae Ebraham themi teuna. Naugna te chekeni iara ka ghotilo na, God na tangomana te ei vikegna mae Ebraham ka thina te filodi ghotilo igre!

Jenesis 17:20

Iagho neke tore ghau iara mala fablahini mae Ismael. Uve, iara neke nomhinihi nou cheke iagho na. Iara ginauna na fablahini mana nei na tusu ranghini mana kmana sua eghu mala biꞌo vikegna mana na. Mana ginauna na kmadi nabotho phei mae king.

Letas Teke Riso Tei Mae Pol Ka Khiloau Rom 4:18

Neuba mae Ebraham ghe Sera ne naikno biꞌohi ne theome naba te au thudi na, God neke vahini mana mala ku'edi vike te kmanare. God neke cheke eghu ka mae Ebraham, “Thumu iagho re ginauna kmana fara jateula nathunu ka maloa na are eghu.” Glepo igne ninhigrana fara ka gaoghathogna na, nu mae Ebraham ne fatutuani ni fabrahu chekegna God na.

Letas Teke Riso Tei Mae Pol Ka Khiloau Rom 9:11

Nu God magnahaghei te leghuni nogna gaoghatho thegna na neke vahini kaisei mae ka phiamare. Ka narane theome karha teku phiamare na, phiamare neke theome eni kaisei glepo te keli ba te diꞌa,

Hibru 11:3

Tahati fatutuani ni God. Eghume tahati laseni God tifa na neke hohoro u nauthoglu te filoni tahati igne ka chekegna. Mana hohoro gobigna lepo te filodi tahati igre ka unha te theome filodi tahati.