Letas Teke Riso Tei Mae Pol Ka Khiloau Rom 4:15 - Buka Blahi Ka Cheke Holo

¹⁵ Tutuani nogna vetula mae Moses na ne cheke eghu, “God ginauna paradi naikno te theome leghuni u vetula na.” Nu jame te theo kaisei vetula na, naiknore ginauna jaola theome huhughuni vetula na.

Letas Teke Riso Tei Mae Pol Ka Khiloau Rom 4:15 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 5:13

Ame tusu mei nga God u vetula na ka mae Moses teku na, naikno te au ka nauthoglu igne neke kulu auhi ka puhi nakhibo. Nu kani theome au nga teku u vetula na, God neke theome ghathodi nakhibodi naiknore.

Galesia 3:10

Ihei te loku famaku ka nogna vetula mae Moses na mala karha nogna teuna, God ginauna fateni mana. Naugna u grioriso te blahi na cheke eghu, “Ihei te theome thofno leghudi gobigna lepo te risodihi ka buka vetula na igre, God ginauna thofno fateni mana.”

Ululahu Korin 15:56

Tutuani, glehe na au nolaghi mala roꞌedi naiknore naugna glehe na funu mei ka nakhibo. Eghuteuna nogna vetula mae Moses na ngala te au nogna nolaghi te mala fatakle nakhibo ka nakarhadare.

Galesia 3:19

Eghume mala unha si vetula gnea? God neke salo fodu u vetula igne mala thakle u najafra teke edi naiknore. God magnahagheni vetula igne te au teu te ghilei thokeni u narane meigna mae Thugna teke nhaꞌa chekeni ka mae Ebraham na. Hatimare mae engel neke tusu mei u vetula igne ka mae Moses mae ihei teke toutonuni tifa ka naiknore.

Jone 3:36

Ihei te fatutuani ni mae Thugna God na, mana na athini u karha te theo ka huigna na. Nu mae ihei te theome fatutuani ni mae Thugna God na mana na theome athini u karha tuana. Eghuteuna God ginauna diꞌatagna fabrahu ka mana.

Ululahu Jone 3:4

Ihei te tapla jafra ka nakhibo na, mana huhughuni fara nogna vetula God na, naugna nakhibo na huhughuni vetula na.

Efesus 5:6

Ghotilo thosei snakreni kaisei naikno te mala chaghi ghami ka cheke te theome tutuani are. Tutuani fara, God ginauna na fatedi naikno te theome leghuni mana nu leghudi puhi te diꞌa igre teuna.

Jone 15:22

Jame theome mei iara kau nauthoglu igne te cheke ka mare na, mare na theome tangomana te filo glanidi nakhibodire. Nu gognarona theome tangomana kaisei naikno te porudi u nakhibognare.

Profet Sefanaea 1:18

Ka Narane te diꞌatagna God igne, silva nei gol teu igre ginauna theome tangomana nate toghodi mare na. Naugna diꞌatagna God igne thofno brana fara jateula khaꞌaghi te brana te nhako fahui namhata biꞌo ra eghu. Eghume diꞌatagna God igne ginauna na jateula tuana eghu na falehedi hui naikno te gnafa ka nauthoglu igne.”

Profet Esikiel 7:19

“ ‘Kate fakakhana iara diꞌatagu na te paradi na, mare ginauna koko tafri nodi silva re ka nabrougna namono na, eghuteuna nodi gol re jateula chara te theo nafudi ra eghu kolho ka gaoghathodi re. Naugna nodi silva nei gol teu igre theome tangomana te fakarhidi mare na. Glepo igre theome tangomana te toghodi mare te mala glealeꞌa mare na, eghuteuna theome tangomana la te mala foli gano te mala ghamu te boho mare na. Naugna silva nei gol teu igre batudi mare ka nakhibo.

Kolose 3:6

God ginauna paradi fara naikno te edi puhi te diꞌa fara igre.

Letas Teke Riso Tei Mae Pol Ka Khiloau Rom 1:17

U Nonomho te Keli gne cheke ranghi ghita eigna puhigna God te fadoglo ghita ke ulugna thegna kate thofno fatutuani ngala tahati mae Jisas. Jateula te chekeni ka grioriso te blahi, “Mae ihei te fatutuani ni God na, mana ginauna doglo ke ulugna God, eghuteuna mana ginauna hatini u karha fei tifa na.”

Lamentations 2:22

“Iagho toredi nogu naoka iara re, jateula mae te kilo meidi naikno ka gaghamu ra neu ne kilo meidi mae naoka gre, ne mei edi kmana glepo te au heva heva faligoho ghau iara ne mhaghu nogu fara iara. Lord, ka narane te diꞌatamu fara iagho na, theo kaisei naikno te tangomana te rikha na, eghuteuna theo kaisei naikno nate karha na. Iheire te namhadi fara iara re, iara na reireghi fakelidi, nu nogu naoka iara re, mare na goigonidi gnafa.”

Profet Jeremaea 4:8

Eghume, tahati mala pipichi ka pohe thona nei tanhi fabiꞌo eghu, fagaglana eigna noda diꞌanagnafa na. Naugna Lord na diꞌatagna fabrahu ka tahati.

Fapea Kings 22:13

“Ghotilo tei hironi gaoghathogna Lord na eigu iara, eidi naikno igre nei naikno te gnafa agne Juda eidi unha teke rioriso soru ka buka teke filoni mare igne. Lord diꞌatagna fara ka tahati, naugna kuꞌeda tahati ra neke theome leghudi unha te chekedi mala edi tahati teku ka buka na igre.”

Naba 32:14

“Nu ghotilo gne, jateula te magnahaghei edi ngala puhi te diꞌa teke edi mae kmami ghotilo tifara. Eghuteuna ghotilo gne magnahaghei te mala diꞌatagna fara Lord ka tahati!

Thakle 19:15

Mae igne au kaisei naflahi te fnonu fara te jifla mei ka foflogna na te mala tapla sorudi namono te gnafare. Eghuteuna mana ginauna heta fara kate funei frunidi naiknore. Tutuani mana ginauna fate falehedi nogna naokare te mala thokedi mare diꞌatagna God te biꞌo te au nolaghi na.