Letas Teke Riso Tei Mae Pol Ka Khiloau Rom 3:30 - Buka Blahi Ka Cheke Holo30 naugna God na kaisei ngala. Eghuteuna mana ginauna kafe toghodi gnafa iheire te fatutuani ni Kraes, neubane mae Jiu ba theome Jiu, mala doglo ke ulugna mana. အခန်းကိုကြည့်ပါ။ |
Neubane eghu ngau, tahati nogna naikno God gre thofno laseni gaoghathogna tohi fagaglana. Naugna nogna Tharunga te Blahi God na te togho ghita tahati te mala pogho soru ranghini mana na. Tutuani, tahati gleale'a te kaisei balugna mae Jisas Kraes. Jaola theo kaisei noda fatutuani ka unha te eni ka thinida na.
Ka puhi igne God la fate ghamihi ghotilo. Naugna ghotilo ne huhughuni fabrahu nogna vetula na, neubane hatahi ghotilo nogna vetula mae Moses na ba tohi fagaglana hi ghotilo. Nu ihei te theome mae Jiu te leghuni unha te chekeni ka vetula na, neuba mana ne theome thofno tohi fagaglana fei thini, God ghatho tahuni mana.
Eghume naiknore hata nogna nhaꞌa cheke God na ka nodi fatutuani kolho. God neke eni u nhaꞌa cheke igne mala horoghoto ka nogna khokofakasai na. U nhaꞌa cheke igne theome maladi kolho naikno te leghuni nogna vetula mae Moses na. Nu jaola nodi naikno te gnafa te fatutuani ni God na jateula mae Ebraham eghu. Naugna mana ngala mae kuꞌeda tahati te gnafa na.