Letas Teke Riso Tei Mae Pol Ka Khiloau Rom 3:25 - Buka Blahi Ka Cheke Holo

^25-26 God neke kuru meini mana mala lehe jateula kaisei fafara. Tutuani, dadara ka glehegna na mala hata fadeleidi nakhibodi naikno te gnafa te fatutuani ni mae Jisas. God neke eni igne mala laseni tahati te eni mana unha te doglo na. Naugna tifa na God neke sasaꞌani te ofo na, eghuteuna mana neke theome ghosei paradi naiknore eigna nakhibodire. Nu gognaro na God jaola falalase ranghi ghita mana te eni unha te doglo na, naugna mana neke snakreni mae Jisas mala lehe. Tutuani, mana neke eni igne mala falalase ranghidi iheire te fatutuani ni mae Jisas kaisei nabrou mala au doglo ke ulugna thegna.

Letas Teke Riso Tei Mae Pol Ka Khiloau Rom 3:25 ပူးပေါင်းရင်းမြစ်များ

Ululahu Jone 4:10

Ka gloku igne tahati filoni thofno namha na, theome eigna tahati ne namhani God, nu God namha ghita nei kuru mei Thugna jateula kaisei fafara mala hata fadelei nakhiboda.

Ululahu Jone 2:2

Mae Jisas ngala u fafara te mala hata fadeleidi nakhibodare, theome malada tahati kolho, nu jaola maladi naikno te gnafa ka nauthoglu gne.

Letas Teke Riso Tei Mae Pol Ka Khiloau Rom 5:9

Tutuani, gognaro na u dadaragna Kraes na togho ghitahi mala au doglo ka tathagna God na. Eghume te laseni tahati na, Kraes ginauna fakarhi ghita eigna God ginauna theome diꞌatagna ka tahati ka narane te mala fatedi naiknore.

Mae Khuru 17:30

Tifa na naiknore neke theome laseni God, nu God neke theome ghosei diꞌatagna nei paradi eghu naiknore. Nu gognaro na, mana cheke faheta fara ka naikno te gnafa ka nauthoglu igne mala tughu nagnafa nei nakarha eghu.

Hibru 10:4

Naugna te laseni tahati na, u dadara buluka ba nanigot na theo kaisei nolaghi te mala atha fadelei nakhibodi naiknore.

Thakle 13:8

Aonu naikno te gnafa ka nauthoglu gne, mare ginauna pogho soru ranghini bosu te diꞌa tuana. Nu iheire teke rioriso soru nanghadire ka nogna buka God na, mare ngala nate theome pogho soruni bosu na. Igne nogna buka Lam, mae ihei God teke ghaoghaho eigna mana kani theome vuvuha nga teku nauthoglu gne te mala ginauna lehe ranghidi nogna naiknore.

Hibru 11:7

Mae Noa fatutuani ni God neke leghuni God ka teke cheke mana eigna u nabritha. Neubane theome filodi unha nate thoke mei ginauna, mana ne leghuni God ne hohoro kaisei mola biꞌo mala fakarhini thegna nei tharakna. Kate eni igne, mana falalase naiknogna nauthoglu gne diꞌa fara. Eghuteuna jaola God te chekeni na mae Noa gne kaisei mae doglo fara ke ulugna God naugna mana ne fatutuani.

Nodi Khoje Hatimare Mae Jiu 22:31

Mare ginauna toutonuni puhimu iagho te keli na ka naikno nate karha mei thogheiro, na cheke eghu ranghidi, “God na neke fakarhidi nogna naiknore.”

Levitikas 16:15

“Eghuteuna ke leghu na, mana mala aknu falehe nanigot gna fafara te mala ke doglo ghotilo ka tathagu iara na. Eghuteuna mana mala hata mei dadara gna na lamna ka Chogho te Thofno Blahi fara na, eghuteuna mana mala fuafusa lao katha ka thotoku gna Bokis Blahi na nei ka glose ke ulugna Bokis Blahi na, jateula teke eni ka dadara gna buluka ia eghu.

Letas Teke Riso Tei Mae Pol Ka Khiloau Rom 5:1

Naugna tahati neke fatutuani ni God, mana la fadoglo ghitahi ke ulugna thegna. Tutuani, noda Lord Jisas Kraes neke togho ghita mala au tahati kau pharikeli balugna God.

Thakle 20:15

Eghuteuna ihei te theome rioriso soru nanghagna na ke lamnagna nogna buka God na, mala koko lao ke lamnagna kholo te deudeplu ka khaꞌaghi na.

Thakle 5:9

Mare ne kafe kojeni kaisei khoje te majaghani ranghini mae Lam na, ne cheke eghu, “Iagho nabamu te hata pepa na te mala hata koko loke are. Naugna mare neke falehe nigho, eghuteuna dadaragna glehemu iagho na kaisei fafara mala foli fajifladi nogna naikno God re. Naikno igre mei funudi ka vike te gnafa, ka cheke te gnafa, ka namono te gnafa nei ka kokholo te gnafa ka nauthoglu igne.

Hibru 11:14

Iheire naikno te chekedi nafnata cheke tuare, mare cheke thakleni te hironi nodi thofno namono na.

Nodi Khoje Hatimare Mae Jiu 119:142

Puhimu iagho te doglo fara na ginauna au fabrahu tifa e tifa, eghuteuna nou vetula iagho thono tutuani fara.

Ululahu Jone 1:10

Te chekeni tahati, “Tahati theo kaisei nakhiboda teuna”, tahati chaghi nei kiloni God kaisei mae chaichaghi naugna mana chekenihi tahati kafe tapla jafra ka nakhibo. Eghuteuna u chekegna God na theome au ke lamnada.

Hibru 11:17

Mae Ebraham neke fatutuani ni God. Naugna igne mana neke snakreni thofno thugna kaisei ngala mae Isak mala fafara ka God kate fariuriuni mana. Neuba tifa na God neke nhaꞌa cheke eghu ka mae Ebraham, “Vikemu iagho na ginauna fufunu ka mae Isak,” mae Ebraham neke tarabana mala fafara mae thugna Isak.

Hibru 9:5

Ke tagrugna u bokis tuana au phei thotoghaledi engel te kilodi “Serabim”, fagaglana gna God te au ka vido tuana. U baghidi phei thotoghale igre toku tafruni fofothogna bokis na. Jare hatimare te fuafusa u dadara te mala hata fadelei nakhibodi naiknore. Nu ghehati gognaro na theome tangomana te toutonudi gobigna lepo igre ka ghotilo.

Ululahu Timoti 1:15

Mae Jisas Kraes neke mei ka nauthoglu igne mala fakarhi ghita ka nakhibo fateote'o. U cheke tuana thofno tutuani fara, mala nomhini nei fatutuani ni eghu naiknore. Iara tifa na neke diꞌa pari lahu ka nakhibo ke uludi naikno te gnafare gre.

Letas Teke Riso Tei Mae Pol Ka Khiloau Rom 5:11

Eghuteuna keha glepo na igne eghu, noda Lord Jisas Kraes na neke togho ghita mala au fodu balugna God, eghuteuna tahati gognaro na tangomana te au gleale'a ka God.

Letas Teke Riso Tei Mae Pol Ka Khiloau Rom 2:4

Jau ghotilo ghatho faꞌikoini kolho puhigna God na, eigna mana au kmu fara nei theome faghose diꞌatagna, nu mana ofou kolho. Ba, ghotilo theome filo glanini kolho God te au kmu fara na, naugna mana magnahaghei ghami ghotilo te mala tughu nagnafa na eghu sia?

Mae Khuru 4:28

Iagho la kulu ghathonihi unha te mala eni na, naugna iagho au nolaghi biꞌo. Eghuteuna naikno igre ne fathokeni ngala nou gaoghatho iagho na, ne horoghoto fara ka unha teke magnahagheni iagho na.

Mae Khuru 3:18

Nu tifa na God neke cheke mei ka hatimare mae profet ra, eigna mae Kraes gne ginauna mala au papara. Eghuteuna ka puhi igne God ne fahoroghotoni unha teke chekeni thegna na.

Mae Khuru 2:23

God neke leghuni nogna gaoghatho teke kulu nanhaꞌa tifa na ne snakreni mana mala lokini ghotilo. Eghuteuna ghotilo ne faleheni mana kate snakre lao ghotilo ka khamedi mae te diꞌa ra mala tupijuruni mare kau gaju fafatha.

Jone 6:47

Tutuani fara te chekeni iara ka ghotilo na. Mae ihei te fatutuani ghau iara na, mana na athini u karha fei tifa na.

Profet Isaia 53:11

Ke leghugna te au papara na, mana ginauna nake gleale'au, naugna mana laseni la mana theome fiti au papara kolho. Puhigna nogu mae gloku iara igne thofno doglo fara, mana ginauna toghodi kmana naikno mala jaola doglo, eghuteuna mana au papara eidi nakhibodi naiknore.

Nodi Khoje Hatimare Mae Jiu 97:6

Thua nafnotu ka maloa na are ne cheke thakleni eigna God te doglo fara na. Eghuteuna naikno te gnafa ka nauthoglu igne filoni nogna nolaghi mana na.

Nodi Khoje Hatimare Mae Jiu 50:6

Gobigna lepo ka maloa na are cheke thakleni puhigna God te doglo na, eghuteuna mana ngala te tangomana te fateni naikno na.

Nodi Khoje Hatimare Mae Jiu 40:10

Iagho neke togho ghau nei fakarhi ghau neku iara, eghume iara na theome poruni igne. Iara la chekenihi eigna iagho te leghuni nou nhaꞌa cheke na te fakarhi ghami ghehati na. Iagho namhadi nei tajidi eghu koba nou naiknore, eghume iara na theome poru ni igne ka naikno te khapru mei te mala tarai re.

Levitikas 16:10

Nu nanigot nate tei ka Asasel igne theome mala aknu falehe. Nanigot igne mala kegra ke ulugu iara mala hata fadelei nakhibomi ghotilore kate faririkhani mare te tei ka namono nagou na mala tei ka Asasel.

Nodi Khoje Hatimare Mae Jiu 98:2

Lord na la chekenihi tela uludihi nogna naokare kau magra, nei la fakakhanahi ka keha kantri are eigna mana te au nolaghi te fakarha ghita na.

Mae Khuru 14:16

Tifa te mei na God neke snakredi naiknore mala leghudi nodi gaoghatho thedire.

Letas Teke Riso Tei Mae Pol Ka Khiloau Rom 5:18

Eghuteuna jaola, eigna nakhibogna kaisei mae kolho, God neke fatedi naikno te gnafare ne cheke ka mare mala au ka glehe. Eghuteuna jateula tuana, ka nogna puhi te doglo kaisei mae, God neke eni kaisei nabrou ranghidi naikno te gnafare mala doglo nei hatani eghu thofno nakarha te tutuani na.

Ululahu Korin 5:7

Gognaro na ghotilo hata fadeleidi nakhibo te gnafare mala doglo ke ulugna God. Naugna nakhibo na tangomana te roꞌeni nakarhada na jateula isi te tangomana fabiꞌodi bret. Ghotilo jateula bret te theo isi ia eghu, naugna God neke fafaranihi Kraes te mala hata fadeleidi nakhibodare.

Fapea Korin 5:21

Kraes na theo kaisei nakhibogna. Nu te mala togho ghita na, God neke lisa lao ke kligna gna mana nakhiboda te gnafare. God neke eni igne mala tangomana tahati te doglo ke ulugna God.

Efesus 1:7

Kraes neke foli fajifla ghita ka dadara glehegna ke kligna gaju fafatha jateula kaisei fafara teu te mala hata fadelei nakhiboda ka nogna khokofakasai God te bruara igne.

Efesus 2:13

Uve, tifa na ghotilo neke au fakhaba ka God. Nu gognaro na ghotilo kaisei balugna mae Jisas Kraes. God hata ghami ghotilo mala mei namo ka mana, naugna dadaragna Kraes teke thofa ka glehegna jateula kaisei fafara.

Hibru 9:28

Eghume, mae Kraes jaola neke fafarani thegna kaisei fata ngala, mala tangomana mana te koko fahui nakhibodi naikno te kmanare. Mana ginauna nake pulo mei ka nauthoglu igne fapea fata. Kau narane tuana mana ginauna na theome mei mala atha koko nakhibo, nu mana mei ka nauthoglu igne mala fakarhadi iheire te ofoni teu mana.

Thakle 1:5

Eghuteuna khokofakasai nei pharikeli teu igre jaola mei funu ka mae Jisas Kraes mae ihei teke toutonuni chekegna God na ka thofno puhi te tutuani fabrahu tifa tifa. Mae ihei teke kulu karha fapulo kau glehe, nei au nolaghi ke klignadi hatimare mae king te gnafa ka nauthoglu igne. Mana namha ghita fara, nei lehe jateula kaisei fafara mala foli fajifla ghita gnafa ka nakhibo.