Letas Teke Riso Tei Mae Pol Ka Khiloau Rom 3:2 - Buka Blahi Ka Cheke Holo

² Uve, puhidi mae Jiure keli fara, naugna glepo mala togho ghita ka thua nafnata puhi fateo. Glepo te ulu na igne: te laseni naikno te gnafare, chekegna God na neke tusu lao ka khamedi mae kuꞌeda tahati mae Jiura.

Letas Teke Riso Tei Mae Pol Ka Khiloau Rom 3:2 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 9:4

God neke vahidi naiknodi Israel mala jateula goro thugna eghu neku, eghuteuna mare jaola neke filoni nogna nolaghi biꞌo mana na. God neke edihi nogna nhaꞌa chekere baludi mare, eghuteuna tusu ranghidi u nogna vetula mae Moses na. Mana jaola farirhiudi thofno puhi te mala pogho soruni God na, eghuteuna mana neke nhaꞌa cheke ranghidi kmana glepo.

Mae Khuru 7:38

Mae Moses gne neke au nekeu baludi naiknodi Israel re khapru tekeu ka namono nagou na. Mana neke toutonu ranghidi mae kuꞌeda ra unha teke chekedi u engel igne ka mana ka Thogele Sanai na. Mana neke nomhini cheke te au karha tagna te mei funu ka God, eghuteuna ke tusu mei u cheke tuare ka tahati.

Hibru 5:12

Ghotilo naikno khiloaumi funu tifahi, eghuteuna ghotilo jame nabamihi te velepuhi na. Nu nabagna na kaisei mae ke pulo mei mala farirhiu ghami ghotilo eidi glepo ulu lahu teke nomhidihi ghotilo eigna mae Kraes. Ghotilo jateula sua te chuꞌu teu kolho te theome naba te ghamu gano te maku ia eghu puhimire.

Ululahu Korin 9:17

Jame thegu iara kolho teke vahini gloku igne na meuna, iara jame tangomana te hata sileni eigna. Nu iara neke theome vahini, iara eni kolho unha God teke cheke ranghi ghau na.

Ululahu Pita 4:11

Ihei ka ghotilo te toutonuni chekegna God na, mana mala toutonuni cheke teke tusu mei God ka mana kolho. Eghuteuna ihei ka ghotilo te toghodi naiknore, mana eni igne ka nanheta teke tusu ranghini God na. Ka nafnata gloku te keli igre, naiknore ginauna kilo fnaknoni God ka nanghagna mae Jisas Kraes. Nafnakno nei nolaghi biꞌo te au balugna God tifa tifa. Amen.

Thakle 22:6

Mae engel na neke cheke eghu ka iara, “Cheke igre tutuani fara, eghume iagho tangomana te fatutuanidi. Lord God mae ihei teke tusu lao nogna cheke na mala rioriso soru hatimare mae profet. Mana jaola neke kuru mei nogna engel na mala falalase ka nogna mae glokure glepo na theome raugha te thakle mei ginauna.”

Thakle 19:10

Iara ne tuturupuku soru ke ulugna engel na mala pogho soru ka mana, nu mana ne cheke eghu ka iara, “Thosei pogho soru ka iara! Iagho pogho soruni God kolho! Naugna iara kaisei nogna mae gloku God kolho jateula iagho nei hatimare mae thabusida ka khiloau gne teke fatutuanidi thofno cheke teke toutonudi mae Jisas ra.” Mana ne chekeni igne naugna thofno cheke teke toutonudi mae Jisas igre ngala teke thofno toutonudi la hatimare mae profet ra.

Ululahu Timoti 6:20

Ghema Timoti, iagho mala reireghi fakelidi gobigna lepo fateo teke lisei arihi God ka khamemu iagho igne. Figri lao thagrumu na ka nafnata cheke te diꞌa fara te theo nafudi nei ka nafnata cheke te chaichaghi te chekeni “Puhi glalase.” Cheke igne theome kaisei ka gaoghathogna khiloau na.

Galesia 2:7

Theo fara. Mare filo glani eigna God neke tusu ranghi ghau iara gloku igne mala toutonuni Nonomho te Keli na ka naikno te theome Jiu. Eghuteuna God jaola tusu lao gloku ka mae Pita mala toutonuni Nonomho te Keli na ka mae Jiu.

Letas Teke Riso Tei Mae Pol Ka Khiloau Rom 3:3

Eghuteuna naikno Jiure neke eni kaisei nhaꞌa cheke ka God mala leghuni fabrahu teke eni mana ranghidi mare igne. Nu kmana naikno theome leghuni kolho u nhaꞌa cheke tuana. Ba, gaoghatho tuana mala jaola mana theome leghuni u nhaꞌa cheke teke eni mana ka mae Ebraham te mala fablahini vikegna mana na?

Letas Teke Riso Tei Mae Pol Ka Khiloau Rom 2:18

Ghotilo laseni gaoghathogna God na, eghuteuna ghotilo tangomana te vahidi unha glepo te famane doglore nei unha te theome doglore, naugna u vetula na cheke ranghi ghami ghotilo.

Letas Teke Riso Tei Mae Pol Ka Khiloau Rom 1:2

Tifa na, God neke nhaꞌa cheke ranghi ghita eigna u Nonomho te Keli igne, eghuteuna vahidi hatimare mae profet mala rioriso eigna u nhaꞌa cheke igne ka nogna grioriso te blahire.

Jone 5:39

Famane hiro fakelidi si ghotilo u gaoghathodi u grioriso te blahi gne, naugna ghotilo gaoghathomi ka glepo igre na, te tusu ranghi ghami u karha fei tifa na eghu. Eghuteuna u grioriso te blahi igre cheke eigu iara kolho!

Profet Isaia 8:20

Ghotilo fanomho fakeli ka nogna cheke Lord teke farirhiu ghami ghotilo ra. Iheire te theome leghudi farirhiu igre na, mare jateula ihei te au ke lamna gromnora eghu kolho.

Nodi Khoje Hatimare Mae Jiu 119:140

Iara magnahagheni fara nou nhaꞌa cheke iagho na, naugna u nhaꞌa cheke igne thofno tutuani fara!

Letas Teke Riso Tei Mae Pol Ka Khiloau Rom 3:1

Keha naiknore nomhinihi kate cheke eghu iara igne, “U tohi fagaglana gne theome mala fadoglo ghita ke ulugna God.” Eghume, jame mare na cheke eghu, “Ba, glepo keli fara site hata tahati nangha Jiu gnea? Ba theo kaisei gaoghathogna kolho? Jaola, u puhi tohi fagaglana igne glepo tutuani mala togho ghita ba theo?”