Letas Teke Riso Tei Mae Pol Ka Khiloau Rom 3:19 - Buka Blahi Ka Cheke Holo

¹⁹ Tahati lasenihi, naikno te gnafa te au ke parigna nogna vetula God na mala leghuni unha te chekeni ka nogna vetula God na. Eghume theo kaisei naikno tangomana te chekeni ne theo nakhibogna teuna, nu God ginauna fatedi naikno te gnafa ka nauthoglu igne.

Letas Teke Riso Tei Mae Pol Ka Khiloau Rom 3:19 ပူးပေါင်းရင်းမြစ်များ

Galesia 3:10

Ihei te loku famaku ka nogna vetula mae Moses na mala karha nogna teuna, God ginauna fateni mana. Naugna u grioriso te blahi na cheke eghu, “Ihei te theome thofno leghudi gobigna lepo te risodihi ka buka vetula na igre, God ginauna thofno fateni mana.”

Letas Teke Riso Tei Mae Pol Ka Khiloau Rom 3:9

Ba, tahati mae Jiu gre doglo fara ke uludi keha tothoghei naikno gre ka tathagna God na? Theo fara! Tahati neke chekenihi God ginauna fatedi naikno te gnafare, naugna tahati naikno Jiu nei iheire te theome Jiu teu gre, kafe leghuni koba u puhigna nakhibo na.

Profet Esikiel 16:63

Uve, iara ginauna nake togho nigho mala doglo iagho ka tathagu iara na eidi glepo diꞌa te gnafa teke edi iagho ra, eghuteuna kate ghathodi iagho re, iagho ginauna mamaja nou fara na theome chekeni kaisei glepo. Igne nogu cheke iara Lord God.”

Galesia 5:18

Nu jame snakreni ghotilo Tharunga te Blahi na te mala batu ghami fabrahu na, u vetula na ginauna theome tangomana te funei fruni ghami ghotilo na.

Ululahu Korin 1:29

God neke eni igne mala theome tangomana kaisei naikno te fahaehaghe ka tathagna God na.

Letas Teke Riso Tei Mae Pol Ka Khiloau Rom 3:23

Theo. Naugna naikno te gnafa ka nauthoglu igne kafe tapla jafra ka nakhibo. Eghume mare kafe au khaba ka God mae ihei te doglo fabrahu.

Nodi Khoje Hatimare Mae Jiu 107:42

Kate filodi glepo igre naikno te doglore, mare ne thono keli tadi fara. Nu kate filodi naikno te diꞌare glepo igre, mare neke theome gagri kaisei cheke ne faꞌikodi.

Galesia 4:21

Ba, ghotilo iheire te magnahaghei leghuni vetula na, ghotilo theome laseni unha te thofno chekeni ka vetula na?

Galesia 4:5

Ka puhi igne mana neke tangomana te foli fajifla ghita gnafa teke au leghuni u vetula igne, mala tangomana tahati gnafa te goro thugna God.

Letas Teke Riso Tei Mae Pol Ka Khiloau Rom 1:20

Funu kate vuvuhagna nauthoglu igne, glepo eigna God igre neke theome kakhana ka tahati, nu tahati neke filo glanidi u tutuani nei nolaghi te fei au na ka glepo teke vuavuha mana re kolho. Eghume naugna glepo igre, naiknore theome tangomana te cheke eghu na, “Ghehati theome laseni God!”

Jone 8:9

Kate nomhini nogna cheke mae Jisas igne, mae biꞌodi mae Jiure ne megei nga ne sopa thei. Hatimare mae biꞌo kulu tei, eghuteuna, mae majaghani re leghu lahu. Kate kafe tei te gnafa mare na, thegna gaꞌase na ngala kegra teu balugna mae Jisas na.

Thoutonu Eigna Mae Job 5:16

Aonu, God ne eni nodi gaoghatho naikno te kuma igre mala ke rheta fapulo, eghuteuna mana ne fofotho foflodi naikno te diꞌa igre.”

Ululahu Samuel 2:9

Mana reireghi fakelidi iheire te ghatho tahuni mana re, nu mae te diꞌa re, mala snivi fabrahu kate romno. “Theo kaisei naikno tangomana te uluni Lord ka nogna nolaghi thegna na.

Letas Teke Riso Tei Mae Pol Ka Khiloau Rom 3:4

Theo fara. Neubane chaghi naiknore, God ginauna tutuani fabrahu ka unha te chekedi mana re, jateu te chekeni ka grioriso te blahi na, “God, te chekeni iagho kate tapla jafra ghehati ka nakhibo na, ghehati laseni nou cheke iagho na thofno doglo fara. Eghuteuna kate ghaoghatho mala fate nigho teuna, naiknore ginauna filo glani nigho te doglo fabrahu iagho na.”

Letas Teke Riso Tei Mae Pol Ka Khiloau Rom 3:2

Uve, puhidi mae Jiure keli fara, naugna glepo mala togho ghita ka thua nafnata puhi fateo. Glepo te ulu na igne: te laseni naikno te gnafare, chekegna God na neke tusu lao ka khamedi mae kuꞌeda tahati mae Jiura.

Jone 15:25

Igne horoghoto ka unha teke risoni ka vetula na eigna mae Kraes, ‘Mare theome magnahaghei ghau iara kate theo nafugna.’

Nodi Khoje Hatimare Mae Jiu 63:11

Nu iara mae King. Iara ginauna keli tagu fara eigna iagho ginauna togho ghau iara mala theome tangomana nogu naoka iara re te ulu ghau iara na. Iheire teke nhaꞌa cheke ka nanghamu iagho re ginauna cheke fakeli nigho iagho, nu iheire te chaichaghire iagho ginau fofotho foflodire.