Letas Teke Riso Tei Mae Pol Ka Khiloau Rom 2:28 - Buka Blahi Ka Cheke Holo

²⁸ Mae te Jiu ka nangha kolho na, mana theome thofno mae Jiu ba nogna God. Eghuteuna puhi tohi fagaglana na theome glepo fei thini kolho.

Letas Teke Riso Tei Mae Pol Ka Khiloau Rom 2:28 ပူးပေါင်းရင်းမြစ်များ

Galesia 6:15

Neuba mae ihei ne vahe ba ne theome vahe, tuana theo nafugna kolho. Glepo te ulu na God mala ke vuavuha fapuloni mana mala ke majaghani fapulo.

Matiu 3:9

Thosei chekeni koba ghotilo ne doglohi ke ulugna God naugna ne vikegna mae Ebraham themi teuna. Naugna te chekeni iara ka ghotilo na, God na tangomana te ei vikegna mae Ebraham ka thina te filodi ghotilo igre!

Thakle 2:9

Iara lase ghami ghotilo te au ka puhi biꞌo nei ghotilo kuma fara. Nu ghotilo jaola dedei fara, naugna God ne togho ghami ghotilo mala leghuni thegna! Eghuteuna iara jaola laseni nodi cheke naikno te cheke fadiꞌa ghami ghotilo re. Mare te chekeni na mare mae Jiu mala leghuni God fabrahu eghu, nu mare theome thofno mae Jiu tutuani eghu. Mare au ka tothoghei te kilo fnaknoni Satan.

Ululahu Pita 3:21

Eghuteuna khoꞌu igne kaisei fagaglana ranghi ghita eigna apublahi. God gognaro na fakarha ghami ghotilo ka khoꞌu naugna mae Jisas Kraes na kela karha fapulohi. Jaola, apublahi gne theome mala tihi koko thona ka thinimi ghotilo re, nu mala eni ghotilo kaisei nhaꞌa cheke ka God ka thofno gaoghatho te tutuani.

Letas Teke Riso Tei Mae Pol Ka Khiloau Rom 2:17

Gognarona eimi ghotilo mae Jiu. Ghotilo fatutuani God ginauna fakarhi ghami, naugna ghotilo leghuni fara nogna vetula mae Moses na. Eghuteuna ghotilo fahaehaghe, naugna ghotilo nogna naikno God.

Jone 1:47

Mae Jisas filoni mae Natanel te mei ke ulugna mana na, ne cheke eghu eigna mana, “Filoni si ghotilo. Mae igne ngala thofno mae gna Israel na, naugna mana theome tangomana te chaghi na.”

Profet Jeremaea 9:26

Tutuani, naiknodi Ijep, nei naiknodi Juda, nei naiknodi Idom, nei naiknodi Amon, nei naiknodi Moab, nei iheire te au ka namono nagou te leghuni puhi kastom na te kuchi fakmoꞌei khakla ka greredi re igre, neubane vahehi thinidire, nu mare jateula naikno te theome vahe ra eghu leghuni puhi te diꞌa na. Eghuteuna neubane mae Israel tela vahehi igre, nu puhidire jateula naikno bongihehe te theome vahe ra eghu fara, eghuteuna mare theome tajini nodi nhaꞌa cheke teke eni mare balugu iara na.” Igne chekegna Lord.

Nodi Khoje Hatimare Mae Jiu 73:1

Tutuani fara, God na keli fara ka tahati naiknoda Israel, eigna gaoghathoda tahatire thofno gae fara.

Profet Jeremaea 9:25

Lord ne cheke eghu, “Kmana naikno vahe thinidire, nu mare theome leghu ghau iara. Tutuani, narane te mala paradi iara naikno te vahe kolho thinidire la namo meihi.

Efesus 2:11

Mae Jiure vahe mae sua nalha'ure ka khamedi thedi, eghume kilodi thedi “Naikno vahe”. Nu mare kilo ghami ghotilo “Naikno theome vahe”. Naugna ghotilo neke theome karha mei Jiu. Uve, ghotilo ghathoni igne. Tifa na ghotilo neke au khaba fara ka Kraes neke theome au fodu baludi naikno teke vavahi God re. Ka narane tuana ghotilo neke au ke kosigna nhaꞌa cheke teke cheke mei God ka nogna naiknore. Eghuteuna ghotilo fiti au kolho ka nauthoglu igne aheva ghotilo te theome au kaisei glepo te keli te mala ofoni, nei ghotilo theome laseni God.