Letas Teke Riso Tei Mae Pol Ka Khiloau Rom 2:18 - Buka Blahi Ka Cheke Holo

¹⁸ Ghotilo laseni gaoghathogna God na, eghuteuna ghotilo tangomana te vahidi unha glepo te famane doglore nei unha te theome doglore, naugna u vetula na cheke ranghi ghami ghotilo.

Letas Teke Riso Tei Mae Pol Ka Khiloau Rom 2:18 ပူးပေါင်းရင်းမြစ်များ

Ululahu Tesalonika 5:21

Nu fariuriudi gobigna lepo fateote'o. Loku famaku ka unha te keli.

Jemes 4:17

Eghume mae ihei laseni teu ngala unha te keli na nu theome eni teuna, mae tuana loku jafra ke ulugna God.

Filipae 1:10

Eghume ghotilo ginauna tangomana te lasedi glepo te doglore. Ka puhi tuana ghotilo ginauna au fakeli nei doglo eghu ka narane teke pulo meigna mae Jisas Kraes.

Diutronomi 4:8

Eghuteuna keha kantri igre, neuba mare ne au nolaghi jateula unha neu, nu mare theome au kaisei vetula te thofno famane doglo jateula vetula te farirhiu ghami iara gognaro gre.

Hibru 5:14

Nu ihei te ghamu gano te maku na mana jateula mae tela biꞌohi eghu. Nafnata naikno tuana au fabrahu tagna gaoghatho te keli mala laseni unha glepo te keli ba unha glepo te diꞌa.

Letas Teke Riso Tei Mae Pol Ka Khiloau Rom 15:4

Gobigna lepo teke rioriso soru mare ka buka blahi na tifa igre, mare neke rioriso mala farirhiu ghita tahati. Eghuteuna kate iu'ijudi grioriso igre, tahati thofno laseni God na eni ranghi ghita unha teke nhaꞌa cheke ranghi ghita na. Eghume gaoghathoda na heta fara nei tahati tangomana te ofoni God te mala togho ghita.

Jone 13:17

Naugna ghotilo la lasedihi unha te chekedi iara igre. Eghuteuna ghotilo ginauna keli tami fara jame te leghudi re.

Luku 12:47

Mae gloku te laseni unha te magnahagheni nogna mae funei na, nu theome tarabana ba theome eni unha te magnahagheni mana teuna, mae funei igne ginauna parani fara mana.

Proveb 6:23

Chekedi idomu kmamu are jateula kaisei juta eghu mala fadoglini nakarhamu iagho na.

Nodi Khoje Hatimare Mae Jiu 119:130

Jateula naphae eghu ka naiknore kate glola fara u gaoghathodi nou cheke iagho re, eghuteuna naikno teke ihore ke lalase eghu.

Nodi Khoje Hatimare Mae Jiu 19:8

Tutuani, nogna vetula Lord na thofno doglo fara. Eghuteuna iheire te leghudi nogna farirhiu mana re thofno keli tadi fara. Nogna vetula Lord na thofno tutuani fara, eghuteuna tusu mei gaoghatho te keli ka tahati.

Luku 1:4

mala lasedi iagho glepo teke farirhiu nigho mare igre thofno tutuani fara.

Letas Teke Riso Tei Mae Pol Ka Khiloau Rom 2:19

Ghotilo thofno laseni igne, eigna ghotilo tangomana te falalase ka naiknore u nabrou te mala tei thoke ka God na, jateula mae ihei te batuni naikno te dofu eghu. Eghuteuna ghotilo mala jateu kaisei juta eghu ka iheire te au teu kate romno.