Letas Teke Riso Tei Mae Pol Ka Khiloau Rom 16:4 - Buka Blahi Ka Cheke Holo

⁴ Repa theome mhaghuni glehe kate loku heta mala togho ghau iara na, eghuteuna iara cheke fakelidi repa. Eghuteuna nodi khiloau hatimare mae te theome Jiu jaola cheke fakelidi repa.

Letas Teke Riso Tei Mae Pol Ka Khiloau Rom 16:4 ပူးပေါင်းရင်းမြစ်များ

Ululahu Jone 3:16

Ka igne te laseni tahati eigna u namha na: Mae Jisas neke lisa soru nakarhagna na malada tahati. Eghume tahati jaola nabada te lisa soru nakarhadare maladi kherada fofodu!

Filipae 2:30

Naugna mana neke namo lehehi ka teke loku ranghini mae Kraes na. Mana neke theome mhaghuni glehe na kate ke togho ghau iara ka gloku te theome tangomana ghami ghotilo te eni na.

Ululahu Tesalonika 2:14

Uve kheraguro, ghotilo filo leghudi naikno khiloau te au ka namono Judia. Ghotilo neke au papara ka kherami themi, jateula naikno khiloau teke au papara ka hatimare mae Jiu.

Ululahu Korin 16:1

Gognaro na iara magnahaghei chekeni ka ghotilo eigna sileni te mala toghodi naikno khiloau te au Jerusalem. Ghotilo mala edi unha teke chekedihi iara ranghidi khiloau ka Provins Galesia.

Ululahu Korin 7:17

Nu neubane tahati te gnafa na mala au fabrahu ka nafnata nakarha teke tusu ranghi ghita Lord na. Jateula nafnata nakarha teke au tahati kani teke kilo ghita God ia eghu. Igne u vetula te chekeni iara ka khiloau te gnafare.

Letas Teke Riso Tei Mae Pol Ka Khiloau Rom 5:7

Ninhigrana fara ranghini kaisei naikno te magnahaghei lehe tughuni kaisei naikno te doglo na. Nu jame kaisei mae te frane, mana tangomana te lehe tughuni kaisei mae te keli fara na.

Mae Khuru 16:5

Aonu khiloau jare re ne rheta nei bruara eghu leghu rane.

Mae Khuru 15:41

Phiamare ne tei sala'u ka phei provins Siria nei Silisia, neke farerheta khiloau jare re.

Jone 15:13

U thofno namha biꞌo te tangomana kaisei naikno te falalase ranghidi kheragnare ngala te lehe ranghidire.

Profet Maeka 2:3

Nu igne unha te chekeni Lord na, “Iara ghaoghatho mala eni puhi biꞌo mala thoke ghami ghotilo, eghuteuna ghotilo ginauna theo kaisei nabrou te mala rikha na. Nu puhi biꞌo igne theome mala tangomana ghotilo te mala fahaehaghe ghami themi jateula te eni ghotilo gognaro na.

Fapea Samuel 22:41

Iagho neke famhaghu di mae naoka neke rikha ghau iara, eghuteuna iara la goigonidihi iheire teke tirodi ghau iara re.

Josua 10:24

Eghuteuna mae Josua ne cheke eghu ka ofisa te gnafa nogna armi na, “Ghotilo kafe mei agne mala tapla ka graradi mae king igre.” Aonu mare kafe mei ne tapla ka graradi glima mae king igre ke uludi naikno gna Israel.

Thakle 1:4

Iara riso ari ka ghotilo fitu khiloau te au ka provins Esia ra. Iara toreni God te mala tusu ranghi ghami ghotilo nogna khokofakasai nei pharikeli teuna. Tutuani, God mae ihei teke au tifa, gognaro gne, nei nake pulo mei nathuꞌu nauriha. Khokofakasai nei pharikeli teu igre jaola mei funu ka fitu tharunga te keli te au ke ulugna nogna sape nafnakno mae King na.

Mae Khuru 9:31

Ka narane tuare, naikno khiloau te au heva heva ka Provins Judia nei Galili nei Samaria teure ne au ka pharikeli. Eghuteuna kau nogna thotogho Tharunga te Blahi na nodi gloku mae khiloaure ne nheta fara nei naikno te ruma haghe ka khiloau na kmana ne kmana. Eghuteuna leuleghu narane na naikno khiloaure ne ghatho tahuni nodi Lord na.

Mae Khuru 15:26

Naugna phei mae igre neke namo lehe kmana fata ka nanghagna noda Lord Jisas Kraes.

Letas Teke Riso Tei Mae Pol Ka Khiloau Rom 16:3

Ghotilo kubaedi Prisila ghe mae Akuila, eigna repa neke loku balugu iara malagna mae Jisas Kraes.

Letas Teke Riso Tei Mae Pol Ka Khiloau Rom 16:5

Iara jaola magnahaghei kubaedi naikno khiloau te salo fodu ka sugadi repa na. Ghotilo kubaeni thofno kheragu iara mae Epaeneta, mana mae ulu lahu te leghuni Kraes ka Provins Esia.