Letas Teke Riso Tei Mae Pol Ka Khiloau Rom 16:18 - Buka Blahi Ka Cheke Holo

¹⁸ Nafnata naikno igre theome loku ranghini Kraes noda Lord, nu mare leghudi kolho unha te magnahaghei thedire. Mare lase cheke famaemahe nei lase chaichaghidi iheire te theome raꞌe filo glanidi puhi te diꞌare.

Letas Teke Riso Tei Mae Pol Ka Khiloau Rom 16:18 ပူးပေါင်းရင်းမြစ်များ

Kolose 2:4

Gognaro na iara theome au balumi ghotilo nu nagnafagu na auhi balumi ghotilo. Tutuani iara gleale'a fara te filoni nakarhami nei nomi fatutuani te heta ka mae Kraes. Nu neuba iara chekeni igne ka ghotilo eigna iara theome magnahagheni kaisei naikno te chaghi ghami ghotilo ka nogna cheke te famaemahe fara igre. Naugna cheke igre mala batu fadelei ghami ghotilo mala theome fatutuani ni Kraes. Cheke te famaemahe igre keli fara fanomhodire nu chaichaghi kolho eghu.

Filipae 3:19

Kate lehedire, naikno tuare ginauna tei ka vido te mala au papara na. Naugna nafnata naikno tuare ne khogla fakelidi kolho thinidi thedire. Neuba ngau, naikno tuare theome mamajadi nakarhadi te diꞌare, nu gleale'adi ngala puhi diꞌa te edi thedire. Naugna mare ghatho tahuni kolho puhigna u nauthoglu igne.

Matiu 7:15

Mae Jisas ne cheke eghu, “Fiofilo ghami ka mae profet chaichaghi are. Ke kosi na jateula te famane sipu eghu filodire. Nu tutuani, mare goigonidi naiknore jateula khuma fakaukathu eghu naugna gaoghathodire jafra fara.

Ululahu Timoti 6:5

Mare magra koba eghuteuna theome au kaisei gaoghatho te doglo ka nagnafadire. Mare theome tangomana te filo glani kaisei glepo te tutuani. Mare cheke eghu ka gaoghathodi thedire, “Te loku ranghini God tahati na ngala kaisei nabrou te mala dedei na.”

Profet Maeka 3:5

Igne unha te chekeni Lord: “Ghotilo profet chaichaghi ra! Ghotilo chaghidi nogu naikno iara re, eghuteuna batudi tei ka puhi te jafra. Jame kaisei mae foli ghami ghotilo, ghotilo nhaꞌa cheke mala au fakeli ginauna. Nu jame kaisei mae theome foli ghami ghotilo, ghotilo ginauna na theome raugha naoka na mei mala magri ghami ghotilo. Eigna glepo igne, Lord na cheke eghu ka ghotilo,

Fapea Pita 2:3

Mae velepuhi chaichaghi igre na edi kmana thonu chaichaghi, naugna mare magnahaghei hata sileni fara kolho ka ghotilo. Nu God fatedihi mare eidi puhi igre, eghuteuna mana neke ofodi mare funu tifa. Mana theome thuru, nu mana ginauna fatedi mare naugna mana neke kulu chekenihi.

Letas Teke Rioriso Mae Jud 1:16

Mae igre mae mala eꞌei puhi nei cheke diꞌa koba eghu kolho. Mare magnahaghei te leghudi kolho gaoghathodi thedi te diꞌa fara re nei mare mae fahaehaghe fara la eghu. Eghuteuna mare mae lase famaemahe fara ka keha naiknore mala toghodi thedi kolho.

Fapea Tesalonika 2:10

Mana ginauna edi kmana nafnata muamugna te diꞌa mala chaghidi iheire mala lehe theome hatani u thofno nakarha na. Mare ginauna lehe naugna mare ne tirodi namhani nei leghuni cheke te tutuani eigna Lord, mae ihei te tangomana te fakarhidi.

Letas Teke Rioriso Mae Jud 1:12

Kate ei famane gaghamu ghotilo fagaglana gna nomi namha biꞌo na eghuteuna te mei mare me ima fodu balumi ghotilo teuna, mare famamaja ghami ghotilo fara ka puhidi te diꞌare. Ka vido tuare mare ghathodi thedi kolho. Naikno tuare jateula khoveo te pala te mei nuri ia eghu kolho, nu theo kaisei nakhete te mei na. Eghuteuna mare jateula gaju te theome ure kate thoke mei nhigra dira eghu kolho. Eghume mae glokure ginauna na rathu koko naikno tuare mala koko lao ka khaꞌaghi. Mae velepuhi chaichaghi igre jateula gaju tela botohi ia eghu.

Filipae 2:21

Keha naiknore ghathodi thedi kolho, eghuteuna tirodi hironi puhigna mae Jisas Kraes.

Galesia 1:10

Ghotilo laseni, iara gne theome fariuriu mala keli tadi naiknore ka iara. Theo! Iara fariuriu mala keli tagna God ka iara. Jame tutuani me cheke famaemahedi nei muamugnadi eghu iara naiknore na, iara theome tangomana te nogna gloku mae Kraes na.

Matiu 24:24

Naugna ginauna hatimare mae Kraes chaichaghi nei hatimare mae profet chaichaghi teu igre ginauna thakle mei. Mare ginauna edi kmana glepo te biꞌo nei kofubobhoi biꞌo eghu ka naiknore, mala fariuriu chaghidi nei baubatu fadiꞌadi eghu naikno te gnafa teke vavahi God re. Nu theome tangomana eghu.

Proveb 22:3

Mae te lalase na filo glani puhi biꞌo na tei poru ka vido te keli. Mae te fameomekro na theome gnafa ka puhi biꞌo.

Fapea Korin 4:2

Nu ghehati lisei fadelei glepo te poru ke lamnami te tangomana famamaja ghami teu, nei theome lase chaichaghi, nei theome tangomana te tuthughu chekegna God na. Ghehati farirhiuni unha te tutuani igne te falalase ghami themi ka naikno te gnafare. Mare tangomana te lase ghami ka nagnafadire te unha nafnata naikno ghehati na nei jaola ghehati thofno leghuni Lord.

Fapea Korin 2:17

Ghehati theome jateula kmana naikno te magnahaghei sileni kolho kate toutonuni chekegna God na ia eghu sia. Theo. God neke vahi ghami ghehati, eghuteuna ghehati chekeni koba ka nagnafa te tutuani ke ulugna mana. Ghehati toutonuni chekegna mana na naugna ghehati nogna mae gloku Kraes.

Letas Teke Riso Tei Mae Pol Ka Khiloau Rom 16:19

Naikno te gnafare nomhinihi eigna te kegra heta ghotilo ka nomi fatutuani na. Iara gleale'a fara ka ghotilo eigna igne. Nu iara magnahaghe ghami ghotilo te mala thofno lase fakelidi mala edi glepo te kelire, nei iara magnahaghe ghami ghotilo te mala thosei ghathodi mala edi kolho glepo te diꞌare.

Jone 12:26

Jaola mae ihei te magnahaghei loku ranghi ghau iara na, mana mala leghu ghau iara. Eghuteuna nogu mae gloku iara tuana ginauna tei balugu iara ka namono aheva te tei iara na. Eghuteuna mae Kmagu iara na ginauna ghatho tahuni mana.”

Matiu 24:11

Kmana profet chaichaghi ginauna thakle mei. Mare na batu fadiꞌadi naikno kmana mala fatutuanidi kolho glepo te chaichaghire.

Matiu 6:24

“Theo kaisei naikno te loku ranghidi phei mae funei na. Mana ginauna magnahagheni kaisei mae funei kolho nei tirognani keha na. Mana ginauna na ghatho tahuni kaisei mae funei kolho nei na theome ghatho tahuni keha na. Eghume iagho theome tangomana te loku ranghidi God ghe dedei gna nauthoglu igne jateula phei nou funei teuna.”

Profet Esikiel 13:19

Ghotilo goigonini kolho nanghagu iara na ka tathadi nogu naikno iara re, eghuteuna ghotilo hata katha gano kolho tabami ghotilo na. Ghotilo theome gnafa te chaghidi nogu naikno iara re, eghuteuna naiknore fatutuani ghami ghotilo kolho. Ghotilo jateula te aknu falehedi eghu naikno te theome mala lehe re, eghuteuna naikno te nabadi te lehe re, ghotilo tajidi kolho nakarhadi re.

Profet Jeremaea 23:17

Mae igre cheke famaemahe eghu koba ka iheire te tirodi ghau iara re, ‘Ghotilo ginauna au ka pharikeli.’ Eghuteuna iheire te maku jateula thina teu phaꞌudire igre, mare leghuni kolho nodi gaoghatho thedi re cheke eghu, ‘Theo kaisei puhi biꞌo nate thoke ghita tahati na.’ ”

Proveb 14:15

Naikno te iho na, ginauna fiti fatutuanidi kolho unha te nomhire. Nu naikno te lalase na, ginauna ghatho fakelini puhi te mala leghuni na.

Proveb 8:5

Ghotilo iheire te theome ghaoghatho fadoglo ra, ghotilo mei, iara ginauna fadoglidi gaoghathomi ghotilo re. Ghotilo te theome lalase ra, ghotilo mei, iara ginauna togho ghami ghotilo mala hata glalase.

Nodi Khoje Hatimare Mae Jiu 119:130

Jateula naphae eghu ka naiknore kate glola fara u gaoghathodi nou cheke iagho re, eghuteuna naikno teke ihore ke lalase eghu.

Nodi Khoje Hatimare Mae Jiu 19:7

Nogna vetula Lord na thofno doglo fara, eghuteuna tangomana te tusu mei nakarha majaghani ka tahati. Tahati tangomana te fatutuanidi nogna cheke mana re. Eghuteuna nogna cheke mana igre tangomana te tusu lao gaoghatho te keli ka iheire te theome lalase.

Fapea Kronikols 18:5

Aonu King Ehab ne kilo meidi fati gobi profet. Eghuteuna mana ne ghusna eghu ka mae profet igre, “Ba, iara tangomana te tei magra ka namono biꞌo Ramot-Gilead?” Eghuteuna mare ne cheke eghu, “Uve king, tei sagho. God ginauna togho nigho iagho mala uluni magra tuana.”

Ululahu Samuel 2:29

Naugna unha si ghotilo te theome ghatho tahudi fafara te edi naiknore ka iara igrea? Naugna unha sagho te ghatho tahudi phei mae thumu igre ke tulaogu iarai gnea? Tuana unha te eni iagho kate snakredi phei mae thumu gre tela blokha fara are, naugna phiamare ne hata fajifla vido nafnahi te keli re ka nodi fafara naiknore.

Thakle 1:1

Igne buka thoutonu eigna narane God ginauna nate funei frunidi gobigna lepore. Glepo te au ke lamnagna buka igne theo kaisei naikno teke lasedi tifa re, nu gognaro na mae Jisas Kraes la famane fataklehi. Tutuani, God neke fatakleni igne ka mae Jisas mala ke tathakle mana ka nogna mae glokure eigna glepo igre na theome raugha thakle meidire. Kraes neke kuruni nogna engel na mala fatakle glepo igre ka iara nogna mae gloku na.

Letas Teke Rioriso Mae Jud 1:1

Iara mae Jud tahigna mae Jemes nei nogna mae gloku Jisas Kraes. Uve kheraguro, iara rioriso ari letas igne ka ghotilo naikno te gnafa God teke kilo ghami. God Kmada namha ghami ghotilo, nei mae Jisas Kraes jaola reireghi fakeli ghami ghotilo.

Jemes 1:1

Iara mae Jemes, nogna mae gloku God nei nogna Lord Jisas Kraes. Kubae ghami nogna naikno God te au heva heva ka nauthoglu gne.

Fapea Korin 11:3

Nu iara nanga nogu fara, glahula baubatu fajafradi mare gaoghathomi ghotilo re mala theome klino nei theome namhani eghu ghotilo Kraes. Glahu jateula mogo teke saosagroni Ivi ka chekegna te chaichaghi ia eghu.

Profet Malakai 1:10

“Fanomho si ghotilo, igne nogna cheke Lord mae ihei te au nolaghi fateoteꞌo na, ‘Mae pris cheke eghu koba ka ghotilo, “Bobotho Sugablahi ana mala thosei tei ruma ghotilo mala fafara ke kligna olta.” Naugna iara theome kelitagu ka ghotilo, iara ginauna na tirogudi fafara te atha te mei ghotilo tuare.

Fapea Samuel 15:6

Mana eni igne ka naikno te gnafa Israel te magnahaghei mei filoni king mala fadoglini tagna nogna puhi na teuna. Ka puhi igne mae Absalom figri nagnafadi kmana di Israel mala leghuni thegna.

Nodi Khoje Hatimare Mae Jiu 12:2

Mare chaichaghidi koba keha naiknore. Mare thono lase cheke famaemahe fara nei muamugna eghu.

Profet Daniel 11:34

Nu kate aknu falehedi koba king nogna naikno God igre na, katha vido thotogho kolho nate mei ka mare na. Neubane kmana naikno te ruma mei ka nogna naikno God igre na, nu kehare chaichaghi kolho.

Letas Teke Riso Tei Mae Pol Ka Khiloau Rom 14:18

Ihei te leghuni Kraes kate edi nafnata puhi igre na, God ginauna gleale'a ka mana eghuteuna naiknore ginauna jaola gleale'a ka mana.