Letas Teke Riso Tei Mae Pol Ka Khiloau Rom 15:7 - Buka Blahi Ka Cheke Holo

⁷ Fari tothoghoi fari themi jateula Kraes teke togho ghami ghotilo ia eghu. Kate filoni ka ghotilo puhi igne, naiknore ginauna kilo fnaknoni God.

Letas Teke Riso Tei Mae Pol Ka Khiloau Rom 15:7 ပူးပေါင်းရင်းမြစ်များ

Matiu 10:40

Mae Jisas ne cheke eghu, “Ihei te taji fakeli ghami ghotilo na, mana taji fakeli ghau iara. Nu ihei te taji fakeli ghau iara na, mana jaola taji fakelini God mae ihei teke kuru mei ghau iara na.

Jone 13:34

“Eghume, iara na tusu ari kaisei vetula majaghani ka ghotilo: ‘Fari namhai jateula ngau iara te namha ghami ghotilo.

Letas Teke Riso Tei Mae Pol Ka Khiloau Rom 5:2

Ka noda fatutuani ka mae Jisas, God tangomana te eni kaisei nabrou te mala laseni tahati nogna u khokofakasai na. Tutuani fara, tahati tangomana te au ke lamnagna thofno nakarha na naugna mana ne namha ghita. Eghume tahati au noda grouronu ka God te mala au balugna kligna.

Efesus 1:18

Iara toreni noda God mala tusu ari glalase te biꞌo. Glalase igne ginauna togho ghami ghotilo mala filo glanini unha teke kilo ghita God na. Jaola glalase igne mala togho ghami ghotilo te mala filo glanini thofno glepo keli te gnafa teke nhaꞌa cheke ranghidi nogna naiknore.

Luku 9:48

Ke leghugna igne mana ne cheke eghu ka mare, “Mae ihei te toghoni sua igne ka nanghagu iara na, mana togho ghau la iara. Eghuteuna ihei te togho ghau iara na, mana theome togho ghau iara kolho nu togho nila mae teke kuru mei ghau iara na. Mae ihei te lisei soruni thegna pari lahu na, mana ngala mae te biꞌo lahu ka ghotilo te gnafa na.”

Nonomho Te Keli Teke Risoi Mae Mak 9:37

“Ihei te toghoni kaisei sua jateula sua igne teu ka nanghagu iara na, mana togho ghau la iara. Eghuteuna ihei te togho ghau iara na, mana theome togho ghau iara kolho nu togho nila mae teke kuru mei ghau iara na.”

Luku 15:2

Hatimare mae Farasi nei mae velepuhigna vetula nogna mae Moses eghu filoni igne ne buiburi ne cheke eghu, “Mae igne fofodu baludi mae te diꞌa igre, eghuteuna tangomana te ghamu baludi mare!”

Efesus 1:12

Naugna igne, God neke vahi ghami ghehati mala fafnaknoni thegna ka iheire teke kulu fatutuani ni mae Kraes.

Letas Teke Riso Tei Mae Pol Ka Khiloau Rom 15:9

Jaola mana neke eni igne mala tangomana naikno te theome Jiure te kilo fnaknoni God eigna God neke kokhonidi mare. Jateula te chekeni mare ka grioriso te blahi na, “Eghume iara ginauna cheke fakeli nigho God ke lamnadi iheire te theome Jiura, iara ginauna koje ka nanghamu iagho.”

Jone 6:37

Naikno te gnafa teke tusu mei mae Mama ka iara re ginauna mei ka iara. Nu ihei te mei ka iara na iara ginauna theome brue fapuloni.

Kolose 3:13

Eghuteuna kate au nogna puhi fadiadiꞌa kaisei naikno ka ghotilo ranghini kheragna fofodu na, te keli na phiamare thosei magra, nu hata koko nakhibo fari thedi. Naugna Lord neke hata kokodi nakhibomi ghotilo re, jateula tuana eghu ghotilo mala hata koko nakhibo fari themi.