Letas Teke Riso Tei Mae Pol Ka Khiloau Rom 15:26 - Buka Blahi Ka Cheke Holo

²⁶ Naikno khiloau ka namono Masidonia nei Akaia keli tadi ka iara te tusu lao iara keha sileni mala toghodi naikno khiloau te kuma ka namono Jerusalem.

Letas Teke Riso Tei Mae Pol Ka Khiloau Rom 15:26 ပူးပေါင်းရင်းမြစ်များ

Fapea Korin 9:12

Gloku te keli te edi ghotilo igre ginauna thofno toghodi fara nogna naikno God te au ka namono Jerusalem. Eghuteuna naiknore ginauna jaola thono tegio tahu ka God.

Fapea Korin 9:2

Iara laseni, eigna ghotilo magnahaghei te totogho. Eghuteuna iara cheke fahaehaghe eigna igne ka naikno te au Masidonia. Iara neke cheke eimi ghotilo te au ka Provins Akaia teke tarabanahi u sileni igne funu ka finogha te aria. Eghuteuna ka nomi sasaꞌa ghotilo na, kmana naikno agne Masidonia jaola magnahaghei salo keha sileni.

Filimon 1:5

Naugna iara nomhi nigho koba iagho namhadi fara naikno khiloau re nei fatutuani heta ka noda Lord Jisas.

Ululahu Korin 16:15

Ghotilo lasenihi tharaknagna mae Stefanas ia. Mare ngala teke kulu fatutuani ni Kraes na ka Provins Akaia, eghuteuna mare loku fabrahu mala toghodi nogna naikno God re. Kheraguro, iara tore ghami mala leghudi naikno te baubatu ghami igre, baludila iheire te loku ka gloku blahi igne.

Mae Khuru 18:12

Ka finogha te Primia mae Galio ka Provins Akaia, goro mae biꞌo Jiure khapru ne lokini mae Pol ne hatani mana ka fate.

Mae Khuru 16:9

Ka bongi tuana mae Pol ne mifi. Ka mifi tuana mae Pol ne filoni kaisei mae gna ka Provins Masidonia mei ne kegra ke ulugna mana ne toreni fara eghu, “Liu mei sagho Masidonia mala togho ghami ghehati!”

Luku 14:13

Nu kate ei gaghamu na, iagho tore meidi kolho naikno te kuma, naikno te blughu, naikno te dofu nei keha naikno te diꞌa thinidire.

Luku 6:20

Mae Jisas filo ka nogna mae fanomhore ne cheke eghu ka mare. “Ghotilo te kuma ra, ghotilo tangomana te gleale'a na. Naugna ghotilo la auhi baludi naikno te funei frunidi God re.

Matiu 26:11

Naikno te kuma gre au fabrahu balumi ghotilo, eghume ghotilo tangomana te mala toghodire nafnata naikno igre ka vido aheva te magnahaghei ghotilo na. Nu iara ginauna theome au fabrahu balumi ghotilo.

Matiu 25:40

“Iara mae King ginauna cheke eghu ranghidi, ‘Tutuani fara, te chekeni iara na. Kate eni ghotilo ranghini kaisei nogu naikno iara te au pari lahu ka igre, ghotilo jateula te eni ranghi ghau la iara eghu!’

Profet Sekaraea 11:11

Eghuteuna ka kaisei narane tuana la, nhaꞌa cheke igne gnafahi. Kate edi iara glepo igre, mae te foli nei sabiri sipu teu igre filoni nei laseni eghu chekegna Lord igne.

Profet Sekaraea 11:7

Eghume iara eni unha te chekeni Lord ka iara na. Iheire te foli sipu nei mae te sabiri teu igre, mare foli ghau iara mala reireghidi sipu tela vavahi hila naiknore nate ghamu igre. Aonu iara atha phei khodo mala reireghi sipu. Kaisei na iara kiloni “Namha” eghuteuna keha na “Loku fodu” eghuteuna iara na reireghidi fabrahu.

Proveb 17:5

Jame te cheke faparini iagho naikno te kuma na, iagho cheke faparini God mae ihei teke vuavuhani naikno na. Jame te gleale'a iagho ka puhi biꞌo te thokeni keha mae na, iagho ginauna au papara.

Proveb 14:31

Mae te fakokhoanani naikno te kuma na, mana theome ghatho tahuni Lord mae ihei teke vuavuhani naikno na. Nu mae te keli ranghini naikno te kuma na, mana ghatho tahuni Lord.

Proveb 14:21

Mae te sukuni kheragna fofodu na, mana tapla jafra ka nakhibo. Nu mae te kokhoni ni naikno te kuma na, mana kelitagna fara.

Mae Khuru 9:13

Nu mae Ananias ne cheke eghu, “Lord, iara nomhini kmana thoutonu eigna mae igne, mana edi kmana glepo te diꞌa ranghidi nou naikno iagho re Jerusalem.

Mae Khuru 16:12

Funu jare ghehati mhata ne tei ka namono Filipae, kaisei namono ulu ka nohi ke lamnagna Provins Masidonia. Ghehati ne au keha narane ka namono tuana. Namono tuana neke hohoro hatimare mae Rom.

Mae Khuru 19:21

Ke leghudi te edi glepo igre, mae Tharunga te Blahi na ne batuni mae Pol ne tei thoke Jerusalem. Eghuteuna ame tei thokei nga Jerusalem teku na, mana magnahaghei te tei sala'u ka phei provins Masidonia ghe Akaia. Mana ne cheke eghu, “Ke leghugna te tei iara ka namono igre, iara ginauna na tei thokela Rom.”

Ululahu Korin 16:5

Iara ginauna ari posa ka ghotilo ke leghugna te ari sala'u iara ka Provins Masidonia na.

Fapea Korin 1:16

Uve, kate ghathoni iara te mala ari ka Provins Masidonia na, iara neke magnahaghei te filo ghami ghotilo ka nogu thei na. Eghuteuna iara neke ghaoghatho mala fapea filo ghami ka teke pulo meigu na. Ka narane tuana iara neke ghatho ghami ghotilo te togho ghau mala tei thoke iara Judia.

Fapea Korin 2:13

Nu iara neke thono nanga nogu fara, naugna iara neke theome ludeni mae kherada Taetus. Aonu iara kubaedi kolho naiknore doglo nga me mei Masidonia.

Fapea Korin 7:5

Kate tei posa ghehati Masidonia na, ghehati neke theome gnafa. Naugna thua nafnata puhi te edi ka vido tuana. Naiknore mei fapoaphola balumi ghehati eghuteuna ghehati themi na nanga nomi fara.

Fapea Korin 9:4

Jame keha naiknodi Masidonia ari balugu iara thogheiro, eghuteuna filo deni te theome tarabana kolho ghotilo teuna, ghehati ginauna mamaja nomi fara naugna ghehati neke rouronu ghami ghotilo fara. Eghuteuna ghotilo ginauna jaola mamaja nomi fara!

Fapea Korin 11:9

Eghuteuna kani teke au iara balumi ghotilo ia iara neke ari neke kmo'e ka glepo, eghuteuna iara neke theome chekeni kaisei naikno ka ghotilo. Hatimare mae thabusigna teke mei funu ka namono Masidonia, mare hata neke mei gobigna lepo teke kmo'edi iara re. Eghume iara neke theome fagloku biꞌo ghami ghotilo ka kaisei glepo tifa na, eghuteuna iara ginauna jaola theome fagloku biꞌo ghami ke leghu na.

Filipae 4:15

Ghotilo naikno khiloau Filipae ra lasenihi igne ka teke funu toutonuni iara u Nonomho te Keli na jare ia, nei ke leghugna tuana kate jifla Provins Masidonia, theo kaisei khiloau jare teke togho ghau iara na. Nu ghotilo ngala teke ghatho ghau nei togho ghau teku iara ka sileni na.

Ululahu Tesalonika 1:7

Eghume ghotilo mala pala batudi naikno khiloau ka namono Masidonia nei Akaia.

Ululahu Tesalonika 1:8

Kmana kmana naikno te au ka Provins Masidonia nei ka Provins Akaia nomhinihi u Nonomho te Keli eigna mae Jisas Kraes teke toutonuni ghotilo. Nu nonomho gna nomi fatutuani ghotilo ka God na jaola tei tongana heva heva. Eghume ghehati theome tangomana te cheke eigna nomi fatutuani ghotilo na.

Ululahu Tesalonika 4:10

Tutuani fara, ghotilo namhadi kherada te gnafa ka namono Masidonia. Eghume ghehati tore ghami fara kheraguro mala biꞌo e biꞌo ghotilo nomi namha na ranghidi.

Ululahu Timoti 1:3

Kate jifla iara ka namono Efesus te mala tei ka Provins Masidonia na, iara neke cheke faheta ka iagho. Eigna iara magnahaghe nigho te au fapulo ka namono Efesus mala fanogradi iheire te farirhiu glepo te theome leghuni nogna farirhiu khiloau na.