Letas Teke Riso Tei Mae Pol Ka Khiloau Rom 15:18 - Buka Blahi Ka Cheke Holo

¹⁸ Nu iara ginauna cheke thakleni kolho unha te eni Kraes ka iara na, ka puhi te batudi iheire te theome Jiu mala leghuni God. Mare leghuni God naugna ka unha te chekedi nei eni ranghidi teu iara re.

Letas Teke Riso Tei Mae Pol Ka Khiloau Rom 15:18 ပူးပေါင်းရင်းမြစ်များ

Mae Khuru 15:12

Tothoghei mae biꞌo na ne theome ghagri kaisei cheke ne fanomho kolho ka mae Pol ghe mae Banabas eidi u kofubobhoi nei fagaglana eghu teke edi phiamare ka iheire te theome Jiu.

Letas Teke Riso Tei Mae Pol Ka Khiloau Rom 1:5

Iara neke hata nogna fablahi God igne ka Kraes, eigna mana neke vahi ghau iara mala loku jateula kaisei mae khuru eghu mala kilodi naiknore ka namono te gnafare mala fatutuani nei leghuni eghu mana.

Mae Khuru 21:19

Mae Pol ne kubae ka mare, eghuteuna mana ne toutonu ranghidi gobigna lepo te edi God ke lamnadi mae te theome Jiu ka nogna gloku te edi mae Pol re.

Galesia 2:8

Naugna God neke vahini mae Pita mala mae khuru mala loku ka mae Jiu. Eghuteuna mana vahi ghau iara mala mae khuru mala loku ka iheire te theome Jiu.

Proveb 25:14

Mae te nhaꞌa cheke mala tufa glepo teunu theome tufa kolho teuna, mana jateula khoveo te pala te tei nuri te theome nakhete ra eghu kolho.

Letas Teke Riso Tei Mae Pol Ka Khiloau Rom 16:26

Tutuani, God mae ihei karha te tifa na ne falalase ranghi ghita u Nonomho te Keli igne ka unha teke riorisohi hatimare mae profet ra. Eghuteuna God cheke ranghi ghita mala toutonuni tahati u Nonomho te Keli igne, mala nu naikno ka namono te gnafa ka nauthoglu gne tangomana te fatutuani ni God nei leghuni mana.

Letas Teke Rioriso Mae Jud 1:9

Tulao mae Maekol mae funeidi engel gre neke theome eni igne. Mana neke fapholai balugna mae Satan eigna mae ihei ka phiamare nate hata thinigna mae Moses. Nu mae Maekol neke theome chekeni kaisei cheke te diꞌa ranghini mae Satan. Mana neke khogla cheke eghu kolho, “God ginauna para nigho iagho.”

Ululahu Jone 3:18

Thuguro, noda namha na theome ka cheke kolho nu tahati thofno fatakleni noda namha ka unha te eni tahati ranghini kheragna fofodu.

Jemes 1:22

Ghotilo mala leghuni koba u chekegna God na. Eghuteuna te cheke eghu ghotilo na, “Ghehati la nomhinihi chekegna God na” teu ghotilo, nu tiromi leghuni unha te chekeni mana na teuna, ghotilo chaghi ghami kolho themi.

Hibru 11:8

Mae Ebraham neke fatutuani ni God, eigna igne mana ne leghuni God kate kiloni mana mala jifla kokoni nogna namono na mala tei ka keha namono delei, ka vido aheva God nate tusu ranghini mana. Mana jifla ne tei neuba ne theome laseni aheva nate tei na.

Hibru 5:9

Kate loku fahui mana unha teke magnahagheni God na, mana mala au fabrahu mala fakarhidi naikno te gnafa te leghuni mana re.

Kolose 3:17

Gobigna lepo te edi ba te chekedi ghotilo re la kafe edihi malagna noda Lord Jisas Kraes. Eghuteuna ghotilo cheke fakelini God Kmada ka mana.

Fapea Korin 12:6

Neuba iara ne cheke fahaehaghe eidi mifi igre, iara theome mae meomekro, naugna iara tangomana te chekedi kolho glepo te tutuani re. Nu iara ginauna theome cheke fahaehaghe, naugna iara theome magnahagheni kaisei naikno te ghatho tahu ghau iara fara uluni unha te eni iara na, ba unha te chekeni iara na.

Fapea Korin 11:31

God nei Kmagna noda Lord Jisas Kraes laseni te theome chaichaghi iara na. Tahati cheke fakelini nanghagna mana na tifa tifa!

Letas Teke Riso Tei Mae Pol Ka Khiloau Rom 6:17

Tifa na, ghotilo neke loku ranghini nakhibo, nu gognaro na, ghotilo thofno leghudi cheke teke farirhiu ghami ghehati ra. Iara cheke fakelini God eigna igne!

Mae Khuru 26:20

Ulu lahu na iara neke funu cheke ranghidi naiknore Damaskas mala koko puhi te diꞌare mala figri ka God, nei falalaseni nodi thofno hogri nagnafa na kate edi glepo te kelire. Eghuteuna iara neke tei Jerusalem nei ka nohi te gnafa ka Provins Judia neke toutonu cheke igre, nei jaola ka naikno te theome Jiure.

Mae Khuru 15:4

Kate posa mare Jerusalem na, hatimare mae khuru, nei hatimare mae biꞌo ka khiloau, nei naikno fatutuani eghu re kubaedi nei taji fakelidi. Aonu, mae Pol, mae Banabas nei mae teke tei baludi phiamare eghu re ne toutonudi unha te edi God ka mare re.

Mae Khuru 14:27

Kate thoke Antiok na, phiamare ne salo fodudi naikno khiloau re ne toutonu ranghidi unha teke eni God ranghidi phiamare na, nei unha puhi te eni God te mala fatutuani ni mae Jisas naikno te theome Jiure.

Nonomho Te Keli Teke Risoi Mae Mak 16:20

Ke leghugna igne, mae fanomhore jifla ne tei heva heva ka nauthoglu gne ne toutonuni Nonomho te Keli na ka naiknore. Eghuteuna Lord thegna ne loku baludi mare, mala farerheta unha te cheke mare re, ka thua nafnata kofubobhoi ka nogna nolaghi na.

Fapea Korin 6:1

Ghehati kafe orio loku balugna God, eghume ghehati thofno tore ghami ghotilo mala ghatho tahuni u khokofakasai teke hata ghotilo ka God igne. Thosei lisa lao khokofakasai igne mala theo nafugna.

Fapea Korin 3:5

Tutuani, ghehati theo kaisei nomi nolaghi themi te mala chekeni ghehati nabami si te mala eni gloku igne teuna. Nu God ngala te fatangomana ghami ghehati te mala eni gloku igne na.

Matiu 25:16

Aonu mae gloku teke hata glima duku sileni igne ghosei ne tei loku ne tangomana teke horo haghe keha glimai.