Letas Teke Riso Tei Mae Pol Ka Khiloau Rom 15:13 - Buka Blahi Ka Cheke Holo

¹³ God mae ihei ngala te thofno togho ghita te mala hata unha mana teke nhaꞌa cheke ranghi ghita. Iara toreni God mala gleale'a biꞌo ghotilo nei tusu ranghi ghami pharikeli kate fatutuani ni mana na. Eghuteuna nogna nolaghi Tharunga te Blahi na ginauna faheta ghami mala rouronuni God fabrahu ghotilo te mala eni unha mana teke nhaꞌa chekeni.

Letas Teke Riso Tei Mae Pol Ka Khiloau Rom 15:13 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 12:12

Gleale'a fabrahu ka unha teke nhaꞌa chekeni God ka ghotilo na. Kate au papara na, au kmu. Tarai koba.

Fapea Korin 9:8

God tangomana te tufa te salaꞌui unha te nabami ghotilo re. Eghuteuna igne kaisei fablahi biꞌo fara ka ghotilo! Ghotilo ginauna au kmana nomi gobigna lepo fabrahu, eghuteuna ghotilo jaola tangomana te au naba glepo te mala tufa ka gloku keli te gnafare.

Letas Teke Riso Tei Mae Pol Ka Khiloau Rom 14:17

God na theome funei fruni ghita naugna te ima tahati keha nafnata gano ba koꞌu. Theo. Nu God na funei fruni ghita tahati kate eni unha te doglo na ke ulugna mana, nei au ka pharikeli, nei au gleale'a ka Tharunga te Blahi.

Galesia 5:22

Nu kate snakreni tahati nakarhada na te mala baubatu mae Tharunga te Blahi na, mana ginauna tusu ranghi ghita namha, gleale'a, pharikeli, au kmu, lolokeli, au keli, u gaoghatho nheta te mala eni unha te chekeni,

Letas Teke Riso Tei Mae Pol Ka Khiloau Rom 15:5

Eghuteuna puhi te mala au heta ka gaoghatho nei mala ofoni teuna, jifla mei ka God ngala. Iara tore ka God mala togho ghami mala au kaisei gaoghatho ngala farihoteimi themi, naugna ghotilo te gnafa na kafe leghuni puhigna Jisas Kraes.

Jone 14:1

Mae Jisas ne cheke eghu ka nogna mae fanomhore, “Thosei nanga nomi nei diꞌanagnafami eghu. Fatutuani ni God nei fatutuani ghau la iara.

Jone 14:27

Iara na lilisei soru nogu pharikeli na balumi ghotilo, nogu pharikeli iara igne tusu ari ka ghotilo. Nogu pharikeli iara igne theome jateula glepo te tusu ari naiknogna nauthoglu igne eghu. Eghume thosei nanga nomi nei thosei mhaghu eghu ghotilo ia.

Profet Isaia 55:12

Neuba ghotilo ne au neu Babilonia, ghotilo ginauna jifla ka kantri tuana, eghuteuna ghotilo ginauna glealeꞌa fara. Kate batu ghami te jifla iara na, ghotilo ginauna nake au fakeli. Neubane thogele te au faligoho ghami ghotilo igre ginauna jaola glealeꞌa balu koje. Neuba gaju igre ginauna jaola glealeꞌa fara balu proaprosa.

Ululahu Pita 1:8

Iara laseni, ghotilo theome filoni mana gognaro, nu ghotilo namhani mana, fatutuani ni mana nei gleale'ani mana. Tutuani, nomi gleale'a ghotilo na biꞌo fara, theome tangomana kaisei naikno te ruruthani gaoghathogna na.

Hibru 6:11

Ghehati magnahaghei ghami fara ghotilo hui te mala loku famaku ka nomi fatutuani na ghilei thoke mei narane leghu lahu na. Ka narane tuana ghotilo na athini unha teke ghatho branani ka nagnafami na. Thosei babaꞌo.

Ululahu Timoti 1:1

Iara mae Pol, nogna mae khuru Jisas Kraes leghuni chekegna God mae Fakarhaida nei mae Jisas Kraes mae ihei te fatutuani ni tahati.

Efesus 1:2

Iara toreni nogna khokofakasai nei pharikeli God Kmada nei nogna mae Jisas Kraes noda Lord te mala au balumi.

Profet Joel 3:16

Lord ginauna au Jerusalem ka Thogele blahi Saion, ne eha fabiꞌo. Eghuteuna naoglagna mana igne biꞌo fara jateula fila eghu, eghuteuna maloa ghe nauthoglu igre ginauna nghali tongana. Nu Lord ginauna reireghi fakelidi fabrahu nogna naiknore.

Ululahu Tesalonika 1:5

Kate hata mei ka ghotilo Nonomho te Keli na, ghehati theome mei balu cheke kolho, nu jaola mei balu nolaghi nei Tharunga te Blahi, eghuteuna thofno laseni u Nonomho te Keli gne tutuani fara. Jaola ghotilo filoni unha nafnata nakarha te batuni ghehati. Ghehati batuni nafnata nakarha igne mala togho ghami ghotilo.

Profet Jeremaea 14:8

Iagho God, ghehati maemi Israel au nomi grouronu biꞌo tamu. Eghuteuna kate thoke ghami hoholo na, iagho na fakarhi ghami. Eghume, naugna unha sagho te jateula kaisei mae te theome lase ghami ghehati teu gnea? Naugna unha sagho te jateula kaisei mae phosa te mei thuru kaisei bongi kolho nu kela tei koko ghamila ghehati teu gnea?

Ululahu Korin 2:4

Nogu farirhiu nei nogu thoutonu teu iara ka ghotilo igre theome jateula puhidi mae te lalase fara nei mae te lase cheke ra eghu. Nu iara toutonuni u Nonomho te Keli igne ka nafnata puhi te mala lase fakelini nogna nolaghi Tharunga gna God na.

Ululahu Samuel 1:18

Naꞌa ne cheke eghu, “Iagho thofno keli fara ranghi ghau iara.” Eghuteuna naꞌa glealeꞌa fara jifla ne tei ghamu.

Letas Teke Riso Tei Mae Pol Ka Khiloau Rom 15:19

Mare ne leghuni God naugna mare neke filodi u fagaglana nei kofubobhoi balu nolaghi nogna Tharunga te Blahi. Iara toutonuni Nonomho te Keli na funu Jerusalem, iko tongana heva heva ghilei posa Ilirikam. Aonu iara ne toutonu fahui Nonomho te Keli eigna mae Jisas Kraes.