Letas Teke Riso Tei Mae Pol Ka Khiloau Rom 15:1 - Buka Blahi Ka Cheke Holo

¹ Te keli na tahati mala heta ka noda fatutuani na mala toghodi iheire te theome lase fakelini unha lepo God te snakredi mare te mala eni na. Tahati mala toghodi ka unha te nanga nodini mare na, eghuteuna tahati theome mala eni kolho unha te magnahagheni theda na.

Letas Teke Riso Tei Mae Pol Ka Khiloau Rom 15:1 ပူးပေါင်းရင်းမြစ်များ

Ululahu Tesalonika 5:14

Kheraguro, ghehati tore ghami ghotilo mala cheke fahetadi iheire te thodo loku. Fafranedi iheire te mhaghu. Toghodi iheire te nigra. Thoghei famane cheke ranghidi naikno te gnafa.

Letas Teke Riso Tei Mae Pol Ka Khiloau Rom 14:1

Ghotilo mala toghoni mae ihei te theome heta nogna fatutuani na, eghuteuna thosei magra balugna mana eidi nafnata glepo te theome kaisei gaoghatho ghotilo balugna mana re.

Ululahu Korin 9:22

Kate au iara baludi iheire te theome heta nodi fatutuani na, iara na leghudi keha puhi te edi mare re, mala tangomana iara te toghodi mare te mala fatutuani ni Kraes. Tutuani iara leghudi thua nafnata puhidi naikno te gnafare. Iara fariuriudi nabrou te gnafare mala tangomana te toghodi keha naiknore mala hatini u thofno karha na.

Ululahu Jone 2:14

Iara riso ari ka ghotilo goro sua nalhaꞌu nei goro sua gaꞌase teura, naugna ghotilo lasenihi Mama. Iara riso ari ka ghotilo mamare, naugna ghotilo lasenihi God, mae ihei te au fabrahu funu tifa ka vuvuhagna nauthoglu gne. Iara riso ari ka ghotilo mae majaghani ra, naugna ghotilo heta fara. Eghuteuna chekegna God na au balumi nei ghotilo tapla sorunihi mae Satan.

Fapea Timoti 2:1

Ghema thuguo Timoti, iara magnahaghe nigho te au famaku ka nogna khokofakasai God teke tusu ranghi ghita, naugna tahati nogna mae Jisas Kraes.

Letas Teke Riso Tei Mae Pol Ka Khiloau Rom 4:20

Kate ghathoni nogna nhaꞌa cheke God na, mana theome khoko nogna fatutuani na nei theome ghatho peapea eigna igne, nu nogna fatutuani mana na biꞌo fara. Eghuteuna mana cheke fakelini koba nogna nolaghi te biꞌo God na.

Efesus 6:10

Nogu cheke leghu lahu iara ka ghotilo na igne. Kegra heta ka nogna nolaghi biꞌo Lord, eigna ghotilo kaisei balugna mana.

Fapea Korin 12:10

Eghume iara gleale'a fara kate papara naugna iara nogna mae Kraes. Tutuani, kate nigra na, kate cheke fadiꞌa ghau na, ba ka vido te ninhigrana ba ka vido te au papara, ba ka thua nafnata hoholo fateo, iara gleale'a fara naugna ka vido igre Kraes tangomana te tusu mei ka iara nogna u nolaghi biꞌo na.

Ululahu Korin 4:10

Tore! Gaoghathodi naiknore ghehati gne jateula mae te meomekro eghu, naugna ghehati nogna Kraes. Nu ghotilo la lasenihi, eigna ghotilo nogna Kraes! Ghehati theome heta, nu ghotilo heta fara! Naiknore filo fapari ghami koba ghehati eghuteuna mare ghatho tahu ghami ghotilo!

Letas Teke Riso Tei Mae Pol Ka Khiloau Rom 14:2

Nogna fatutuani kaisei mae na snakreni mana mala ima thua nafnata ganore. Nu kehare ghatho peapea unha te keli ranghidi naikno khiloaure, mana theome ima nafnahi.

Filipae 2:4

Thosei khogla ghathoni kolho unha te magnahagheni themu na, nu te keli na, kulu ghathoni ghu unha te magnahagheni mae kheramu fofodu na.