Letas Teke Riso Tei Mae Pol Ka Khiloau Rom 14:1 - Buka Blahi Ka Cheke Holo

¹ Ghotilo mala toghoni mae ihei te theome heta nogna fatutuani na, eghuteuna thosei magra balugna mana eidi nafnata glepo te theome kaisei gaoghatho ghotilo balugna mana re.

Letas Teke Riso Tei Mae Pol Ka Khiloau Rom 14:1 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 15:1

Te keli na tahati mala heta ka noda fatutuani na mala toghodi iheire te theome lase fakelini unha lepo God te snakredi mare te mala eni na. Tahati mala toghodi ka unha te nanga nodini mare na, eghuteuna tahati theome mala eni kolho unha te magnahagheni theda na.

Ululahu Korin 9:22

Kate au iara baludi iheire te theome heta nodi fatutuani na, iara na leghudi keha puhi te edi mare re, mala tangomana iara te toghodi mare te mala fatutuani ni Kraes. Tutuani iara leghudi thua nafnata puhidi naikno te gnafare. Iara fariuriudi nabrou te gnafare mala tangomana te toghodi keha naiknore mala hatini u thofno karha na.

Letas Teke Riso Tei Mae Pol Ka Khiloau Rom 15:7

Fari tothoghoi fari themi jateula Kraes teke togho ghami ghotilo ia eghu. Kate filoni ka ghotilo puhi igne, naiknore ginauna kilo fnaknoni God.

Letas Teke Riso Tei Mae Pol Ka Khiloau Rom 14:21

Te keli na thosei ima nafnahi nei thosei koꞌu waen nei thosei eni kaisei glepo te tangomana te fadiꞌani nogna fatutuani kaisei kherami fofodu ka khiloau gne.

Fapea Jone 1:10

Jame kaisei mae mei ka ghotilo, nu mana theome hata mei nogna farirhiu mae Kraes igne teuna, thosei hata meini ka nomi sugare ba toutonu balugna mana.

Letas Teke Riso Tei Mae Pol Ka Khiloau Rom 4:19

Ka narane tuana mae Ebraham namo thokeni kaisei gobi finogha, theome naba te au sua na naugna thinigna mana na la glaꞌe farahi jateu tela lehehi eghu. Eghuteuna Sera na ne khara jaola ne theome tangomana te au sua na. Nu neubane laseni mae Ebraham igne, mana theome nigra soru ka nogna fatutuani na.

Luku 17:2

Mae ihei te batu fadiꞌani kaisei sua kate fatutuani ghau iara igre nabagna na haru kaisei thina biꞌo ka graragna na mala faknoknoho ka nhorora gno. Tutuani, jame te eghu mana na, puhi igne ke keli fara uluni God te parani mana ginauna, naugna mana neke batu fadiꞌani sua ikoi tuana.

Matiu 14:31

Mae Jisas ngafa lao ne loku ka mae Pita. Mae Jisas ne cheke eghu ka mana, “Ghema, nou fatutuani iagho na ikoi fara! Thosei ghatho peapea!”

Matiu 12:20

Naikno te nigra fei thini ba fatutuani, mare jateula fora te namo klopa ba juta te namo lehe ia eghu. Nu mae igne ginauna theome thododi naikno te nigra igre. Nu mana ginauna eni fabrahu igne ghilei thokeni narane naikno te theome Jiu gre nate hatani nakarha nogna God.

Profet Isaia 42:3

Mana ginauna thofno keli fara jateula ihei te theome lopi kaisei fora ia eghu neuba neke oghohi kakatha. Eghuteuna mana ginauna theome ifu falehe juta te theome agha fakeli igne. Uve, leuleghu fata na mana fatedi naiknore ka puhigna te doglo.

Profet Isaia 40:11

Mana reireghi fakelidi nogna naiknore, jateula mae ihei te reireghi fakelidi nogna sipura eghu. Uve, mana jateula mae ihei te pala sua te ikodire ka fafragna ra eghu, eghuteuna mana batudi idodi sipu te au thudire mala blaknoi tei.

Thoutonu Eigna Mae Job 4:3

Tifa na iagho neke farirhiu fakelidi kmana naikno, eghuteuna iagho neke toghodi iheire te glaꞌe, mala ke rheta fapulo.

Profet Esikiel 34:16

Iara ginauna tei hirodi nogu sipu te snivi ra, teke tei jafra ra, teke tei tafri kolho ra, eghu mala ke pulo mei reꞌe. Eghuteuna iara ginauna nake pipiha thubu teke fnera ra mala tangomana reꞌe teke keli fapulo na eghuteuna teke nigra ra ginauna nake nheta fapulo. Nu iara ginauna aknu falehe te blokha nei nheta teu igre, naugna iara mae mala reireghi sipu ka puhi te doglo.

Profet Esikiel 34:4

Ghotilo theome toghodi kolho iheire te nigra mala ke nheta fapulo. Eghuteuna ghotilo theome pipiha thubudi iheire te ghoreho mala ke keli fapulo. Ghotilo theome hirodi kolho iheire te snivi mala ke hata fapulo meidi. Nu ghotilo paradi kolho mare.

Filipae 2:29

Naugna igne, ghotilo taji fakelini mana balu gleale'a fara ka nanghagna Lord. Eghuteuna ghotilo jame kafe ghatho tahudi nafnata naikno jateula mae Epafrodaetus gne teugre.

Jone 13:20

Tutuani fara te chekeni iara ka ghotilo na. Mae ihei te taji fakelini kaisei nogu naikno gloku teke kuru meini iara na, mana taji fakeli ghau la iara. Nu ihei te taji fakeli ghau iara na, mana mala jaola taji fakelini mae Mama, mae teke kuru mei ghau iara na.”

Matiu 18:10

Mae Jisas ne cheke eghu, “Fiofilo ghami ghotilo ia, thosei filo soruni kaisei sua ka igre. Nu te chekeni iara ka ghotilo na, nodi engel sua igre au fabrahu kligna balugna mae Mama.

Profet Sekaraea 11:16

Glepo igne kaisei fagaglana eigna iara ginauna lilisei kaisei mae te diꞌa mala reireghi sipu mala funei frunini glose igne. Mae tuana ginauna theome reireghidi kolho sipu te tei ka vido te mala lehe tagna na, ba hirodi sipu te tei tafri. Mana ginauna theome toghodi sipu te thubu, ba tufa gano ka sipu majaghani. Nu mana ginauna aknu falehe sipu te famane mala ghamu, nei jaola atha koko tathabla dire.

Nonomho Te Keli Teke Risoi Mae Mak 7:19

Naugna gano na theome tei ruma ka nagnafagna mana na. Nu gano na sala'u tei ka butugna mana na. Eghuteuna gano tuana ginauna na ke jifla mei ka thinigna mana na.” Kate chekeni mae Jisas igne, gaoghathogna na gano te gnafare kafe keli ngala ka tathagna God na.

Mae Khuru 28:2

Ka narane tuana nakhete ne reka fara. Nu naikno te au ka moumolu igne thofno keli fara ranghi ghami ghehati nei famane fakeli ghami ghehati. Aonu, mare ne eni kaisei khaꞌaghi biꞌo malami ghehati.

Letas Teke Riso Tei Mae Pol Ka Khiloau Rom 11:15

Naugna kate figri fadelei God ka ghehati mae Jiu gre, keha naikno ka nauthoglu gne na tangomana teke kheragna God na. Ginauna jateula unha eghu kate keli tagna God ka mae Jiu gre? Mae Jiu gre ginauna jateula teke karha fapulo ka glehe eghu!

Letas Teke Riso Tei Mae Pol Ka Khiloau Rom 14:2

Nogna fatutuani kaisei mae na snakreni mana mala ima thua nafnata ganore. Nu kehare ghatho peapea unha te keli ranghidi naikno khiloaure, mana theome ima nafnahi.

Letas Teke Riso Tei Mae Pol Ka Khiloau Rom 14:3

Mae ihei te lase ima thua nafnata gano na, thosei filo faparini mae ihei te theome lase ima nafnahi na. Eghuteuna mae ihei te theome lase ima nafnahi na, thosei filo faparini ihei te lase ima thua nafnata gano na. Naugna God na keli tagna ka mana.

Ululahu Tesalonika 5:14

Kheraguro, ghehati tore ghami ghotilo mala cheke fahetadi iheire te thodo loku. Fafranedi iheire te mhaghu. Toghodi iheire te nigra. Thoghei famane cheke ranghidi naikno te gnafa.

Hibru 5:14

Nu ihei te ghamu gano te maku na mana jateula mae tela biꞌohi eghu. Nafnata naikno tuana au fabrahu tagna gaoghatho te keli mala laseni unha glepo te keli ba unha glepo te diꞌa.