Letas Teke Riso Tei Mae Pol Ka Khiloau Rom 13:7 - Buka Blahi Ka Cheke Holo

⁷ Ghotilo mala foli sopai nafnata takis leghuni unha te chekeni vetula na. Eghuteuna ghotilo mala ghatho tahudi mae biꞌo re eghuteuna fafnaknodi nabadi mare hui.

Letas Teke Riso Tei Mae Pol Ka Khiloau Rom 13:7 ပူးပေါင်းရင်းမြစ်များ

Luku 20:25

Mae Jisas ne cheke eghu ka mare, “Uve, tusu fapulo ka mae Sisa unha teke nogna mae Sisa na, eghuteuna ke tusu fapulo ka God unha teke nogna God na eghu.”

Matiu 17:25

Mae Pita ne cheke eghu ka mare, “Uve, mae Jisas gne foli takis.” Mae Pita tei ka suga aheva te au mae Jisas na. Mae Jisas ne ghusna eghu ka mae Pita, “Ba ghema Simon, unha eghu iagho gaoghathomu na? Mae King kau nauthoglu igne, mare salo kmana nafnata takis. Nu, salo ka mae iheire eghu si mare takis igrea? Salo ka mae khulumono gre, ba salo ka keha naikno delei?”

Proveb 24:21

Thuguo, ghatho tahudi Lord ghe lida. Iagho au fadelei ka naikno te theome keli ranghidi phiamare are.

Ululahu Timoti 5:17

Mae biꞌo te baubatu fakeli ka khiloau nei tulao iheire te loku heta kate toutonuni nei farirhiuni teu chekegna God na naba te hata taba na.

Matiu 22:21

Mare ne cheke eghu ka mana, “Sisa.” Mae Jisas ne cheke eghu ka mare, “Uve, tusu fapulo ka mae Sisa unha teke nogna mae Sisa na, eghuteuna ke tusu fapulo ka God unha teke nogna God na eghu.”

Efesus 6:5

Ghotilo naikno sneka ra, leghudi nomi funei ka nauthoglu gne balu mhaghu nei ghatho tahu eghu. Eghuteuna gaoghathomi ghotilo re mala au doglo, eigna ghotilo leghudi mare jateula ghotilo te leghuni Kraes.

Ululahu Pita 3:7

Eimi ghotilo mae te tolaghi ra, ghatho tahudi khetomire, naugna rehati theome heta jateula ghotilo eghu. Ghotilo ghatho tahudi reꞌe, naugna God neke tusu ranghidi la reꞌe nogna nhaꞌa cheke na, eigna ka nogna namha biꞌo mana na ginauna tusu ari u thofno nakarha te theo ka huigna ka ghotilo hui. Eghume te keli na ghotilo eni igne mala theome tangomana kaisei glepo te faroredi nomi tharai ghotilo re.

Ululahu Timoti 6:1

Mae snekare mala ghatho tahudi nodi mae funeire. Kate eni igne, theo kaisei naikno ke kosigna khiloau na tangomana te cheke faparini nanghagna God nei nogna farirhiu khiloau na teuna.

Efesus 5:33

Nu cheke tuana jaola eimi ghotilo. Eghume, ghotilo mae tholaghi te gnafa ra namhadi khetomi are jateula ghotilo te namha ghami themi are eghu, eghuteuna ghotilo gaꞌase tholaghi ra jaola ghatho tahudi khetomi are.

Luku 23:2

Kate posa jare na, mare ne funu vuavuha cheke eigna mae Jisas. Mare ne cheke eghu ka mae Paelat, “Ghehati lasenihi puhigna mae igne, mana batu fadiꞌadi nei chaghidi naiknore mala thosei foli takis ka Sisa, king biꞌogna Rom. Mana jaola kiloni thegna ‘Kraes’, kaisei mae king biꞌo.”

Nonomho Te Keli Teke Risoi Mae Mak 12:17

Mae Jisas ne cheke eghu ka mare, “Uve, tusu fapulo ka mae Sisa unha teke nogna mae Sisa na, eghuteuna ke tusu fapulo ka God unha teke nogna God na eghu.” Kate nomhini mare cheke tughu mae Jisas igne, mare ne thono jaglo nodi fara ka mana.

Ululahu Samuel 12:18

Aonu mana ne tarai ka Lord, eghuteuna ka narane tuanala, Lord ne kuru mei fila balu nakhete, eghuteuna naiknore ne mhaghu nodi fara ka Lord ghe mae Samuel.

Levitikas 19:32

“Eghuteuna ghotilo kegra haghe ke uludi goro mae biꞌo, mala filoni naiknore te ghatho tahudi ghotilo mae khuekuꞌe re. Eghuteuna ghotilo mala ghatho tahu ghau iara nomi God ghotilo. Iara Lord.

Levitikas 19:3

“Ghotilo te gnafa na mala ghathodi idomi kmami are, eghuteuna ghotilo mala tajini narane Sabat, naugna iara Lord, nomi God ghotilo.

Eksodas 20:12

“Ghatho tahudi idomi kmami are, nei leghudi nodi cheke re eghu. Jame te eghu ghotilo na, ghotilo ginau na theome ghosei lehe, thono theo fara. Ghotilo ginau na karha fabrahu tifa tifa ka glose teke tusu ari iara Lord nomi God ghotilo igne.

Ululahu Timoti 5:13

Jaola thau majaghani teke lehe khetodire igre ginauna fiti au kolho nei leuleghu suga tafri kolho. Eghuteuna nafnata puhi te eni rehati igne ginauna thono diꞌa fara, eigna rehati ginauna funu vuavuha chekedi keha naiknore, eghuteuna na farugusidi thedi ka nakarhadi keha naiknore. Jaola rehati chekedi koba glepo te theome naba te mala chekedire.

Proveb 3:27

Jame kaisei mae magnahaghei thotogho, iagho au nou nolaghi te mala toghoni mana na.

Luku 20:22

Ba, ghema, keliu ngala te foli takis tahati ka mae Sisa na? Ba theo?” Mae Sisa gne mae king biꞌo gna Rom.

Letas Teke Riso Tei Mae Pol Ka Khiloau Rom 12:10

Fari namhai jateula thabusigna eghu ka Kraes. Ghatho tahudi keha thabusigna ka khiloau gne ke tulaomi themi.

Letas Teke Riso Tei Mae Pol Ka Khiloau Rom 13:6

Eghume thono keli fara la te foli takis ghotilo na, naugna mae biꞌo ka gavman igre magnahagheni sileni igne mala loku ranghini God.

Ululahu Kings 3:17

kaisei ka repa ne cheke eghu, “King, tegio fara te fanomho ka ghepa na. Ghepa au ka kaisei suga kolho. Aonu iara ne karha kaisei thugu, kate au teu naꞌa balugu iara na.