Letas Teke Riso Tei Mae Pol Ka Khiloau Rom 13:6 - Buka Blahi Ka Cheke Holo

⁶ Eghume thono keli fara la te foli takis ghotilo na, naugna mae biꞌo ka gavman igre magnahagheni sileni igne mala loku ranghini God.

Letas Teke Riso Tei Mae Pol Ka Khiloau Rom 13:6 ပူးပေါင်းရင်းမြစ်များ

Luku 23:2

Kate posa jare na, mare ne funu vuavuha cheke eigna mae Jisas. Mare ne cheke eghu ka mae Paelat, “Ghehati lasenihi puhigna mae igne, mana batu fadiꞌadi nei chaghidi naiknore mala thosei foli takis ka Sisa, king biꞌogna Rom. Mana jaola kiloni thegna ‘Kraes’, kaisei mae king biꞌo.”

Ululahu Kronikols 18:14

Mae Devet ne funei frunidi vido te gnafa Israel, eghuteuna mana reireghi fakelidi naiknore ka puhi te keli nei doglo.

Letas Teke Riso Tei Mae Pol Ka Khiloau Rom 12:8

Jame te hata tahati u khokofakasai te mala fakeli nagnafadi naiknore, tahati mala eni tuana. Eghuteuna jame te hata tahati u khokofakasai te mala toghodi naiknore ka thua nafnata glepo na, tahati mala eni tuana ka puhi te keli. Jame te hata tahati u khokofakasai te mala batudi naiknore, tahati mala loku brana ranghidi. Eghuteuna jame te hata tahati u khokofakasai te mala kokhonidi nei keli ranghidi teu naiknore, tahati mala eni tuana balu gleale'a.

Nehemaea 5:4

Eghuteuna kehare ne cheke eghu, “Ghehati jaola mala kaoni ka kherami re mala foli takis ka king maladi glose nei nomi nagare grep teu igre.

Esra 6:8

“Eghume, iara gognarona cheke faheta ka ghotilo: ghotilo toghodi mare mala ke babana fapulo Sugablahi igne. Ghotilo fadoglini sileni mala tabadi mae gloku ra, eghuteuna kate magnahaghei foli glepo malagna gloku igne teu mare na, ghotilo faghose tusu lao sileni igne ka mare. Ghotilo hata fajifla sileni igne ka takis teke hata tahati ka provins ke mosu Khoꞌu biꞌo Iufretis ia, mala theome ari snoto gloku igne.

Esra 4:20

Tifa na keha mae king te au nodi nolaghi biꞌo igre, mare neke funei fruni ni provins thongana tei posa ke mosu Khoꞌu biꞌo Iufretis. Eghuteuna leuleghu fata na mare hata thua nafnata takis ka naiknogna provins tuana.

Esra 4:13

“King, te mala laseni iagho na jame teke loku fapulo mare namono igne na, eghuteuna loku fagnafa mare gringni thina igne teuna, mare ginauna na theome foli mei thua nafnata takis igre ka iagho, eghuteuna iagho ginauna ari kmoꞌe ka sileni te mala loku ka nou kantri na.

Fapea Samuel 8:5

Ka narane tuana, Aram maegna Damaskas mei ne toghoni King Hadadesa. Nu mae Devet ne aknu falehe varadaki phei thogha soldia ka mare.

Letas Teke Riso Tei Mae Pol Ka Khiloau Rom 13:5

Eghume ghotilo mala leghudi hatimare mae biꞌo ka gavman. Nu ghotilo mala theome leghudi mare naugna ghotilo mhaghuni fate na ka mare kolho, nu naugna ghotilo laseni tuana te puhi te keli te mala eni na.

Letas Teke Riso Tei Mae Pol Ka Khiloau Rom 13:7

Ghotilo mala foli sopai nafnata takis leghuni unha te chekeni vetula na. Eghuteuna ghotilo mala ghatho tahudi mae biꞌo re eghuteuna fafnaknodi nabadi mare hui.