Letas Teke Riso Tei Mae Pol Ka Khiloau Rom 13:2 - Buka Blahi Ka Cheke Holo

² Eghume ihei te huhughuni mae biꞌo ka gavman na, mana huhughuni unha teke eni haghe God na. Eghuteuna ihei te eni igne na, mare ginauna fateni mana.

Letas Teke Riso Tei Mae Pol Ka Khiloau Rom 13:2 ပူးပေါင်းရင်းမြစ်များ

Ululahu Pita 2:13

Te mala keli tagna noda Lord na, ghotilo leghudi mae biꞌo te gnafa te au nodi nolaghi re te mala funei fruni ghami ghotilo na. Leghuni mae king biꞌo gna Rom mae ihei te kligna lahu ka naikno te gnafare.

Taetus 3:1

Famane farirhiudi naikno khiloau are mala leghudi mare nogna vetula gavman na, nei leghudi nodi cheke goro mae biꞌo ka namono are, nei sasaꞌa te edi unha glepo te kelire.

Jemes 3:1

Kheraguro, theome kmana mae ka ghotilo te magnahaghei mae velepuhi ka khiloau gne. Naugna ghotilo laseni God ginauna na fate ghita tahati mae velepuhi gre ke tulaodi keha naikno te theome velepuhi are.

Letas Teke Riso Tei Mae Pol Ka Khiloau Rom 13:5

Eghume ghotilo mala leghudi hatimare mae biꞌo ka gavman. Nu ghotilo mala theome leghudi mare naugna ghotilo mhaghuni fate na ka mare kolho, nu naugna ghotilo laseni tuana te puhi te keli te mala eni na.

Nonomho Te Keli Teke Risoi Mae Mak 12:40

Nu mare fakokhoanadi nei blaudi eghu koba nodi gobigna lepo goro naikno biꞌo te lehe khetodire. Eghuteuna mare tarai brahu koba mala ne mae blahi eghudi naiknore kolho. Filo si ghotilo, God ginauna paradi fara mae tuare!”

Luku 20:47

Nu mare fakokhoanadi nei blaudi eghu koba nodi gobigna lepo goro naikno biꞌo teke lehe khetodire. Eghuteuna mare tarai brahu koba mala ne mae blahi eghudi naiknore kolho. Filo si ghotilo, God ginauna paradi fara mae tuare!”

Matiu 23:13

“Puhi biꞌo ka ghotilo mae Farasi nei mae velepuhigna vetula nogna mae Moses teu igre! Ghotilo chaghi fara! Naugna ghotilo fanagra nabrou te mala tei ka God na. Ghotilo themi na tiromi ruma eghuteuna ghotilo fanagradi naikno te magnahaghe ruma fari hoteidi naikno te funei frunidi God re.

Profet Isaia 58:2

Leuleghu narane na, mare mei mala pogho soru ka iara, eghuteuna mare magnahaghei fara te laseni nei leghuni teu nogu vetula iara na. Mare fariuriu mala jateula naikno te magnahaghei ghau iara fara mala toghodi ka puhigu iara te doglo te mala au iara baludi ra eghu gaoghathodi re.

Eksodas 16:8

Eghuteuna mae Moses neke cheke eghui, “Tutuani, leuleghu grafi na Lord ginau na tusu mei nafnahi mala ima ghotilo. Eghuteuna leuleghu hamerane na Mana ginau na jaola tusu mei bret te magnahagheni ghotilo na. Naugna Mana la nomhidihi te nguru ngau ghotilo ka Mana ra. Ghotilo theome nguru ngau ka ghepa mae Eron, naugna ghepa naikno kolho, nu ghotilo nguru ngau ka Lord.”

Letas Teke Riso Tei Mae Pol Ka Khiloau Rom 9:19

Glahula ghusna eghu ghotilo ka iara, “Jame te eghu na, ne faꞌunha si God te fate falehedi naikno eidi nakhibodi grea? Naugna kate tapla jafra ka nakhibodi gre, mare neke eni kolho unha God te magnahagheni na.”

Letas Teke Riso Tei Mae Pol Ka Khiloau Rom 13:1

Ghotilo te gnafa na mala leghudi hatimare mae biꞌo ka gavman, naugna theo kaisei naikno te au nolaghi te mala funei frunidi naiknore jame te theome snakredi God na. Mae biꞌo igre God neke vahidi nei liliseidi ka sape aheva mare te mala funei frunidi naiknore.

Letas Teke Riso Tei Mae Pol Ka Khiloau Rom 13:3

Iheire te eni unha te doglo na, mare theome naba te mala mhaghuni mae biꞌo ka gavman. Nu iheire te edi glepo te diꞌare, mare naba te mala mhaghu na. Eghume jame te theome magnahaghei mhaghudi mae biꞌo ka gavman teu ghotilo na, ghotilo mala edi kolho unha te kelire, mare ginauna cheke fakeli ghami ghotilo.