Letas Teke Riso Tei Mae Pol Ka Khiloau Rom 12:9 - Buka Blahi Ka Cheke Holo

⁹ Thosei namha chaichaghi. Filo uchuni unha te diꞌa. Loku famaku ka nagnafami unha te keli.

Letas Teke Riso Tei Mae Pol Ka Khiloau Rom 12:9 ပူးပေါင်းရင်းမြစ်များ

Nodi Khoje Hatimare Mae Jiu 34:14

Mana lilisei puhi te diꞌare nei leghudi kolho puhi te kelire eghu. Nei mana fariuriu au kolho ka pharikeli baludi keha naiknore eghu.

Ululahu Pita 4:8

Kaisei glepo te mala eni ghotilo te ulu fara ka gobigna lepore na igne, thofno fari namhai. Naugna puhi te fari namhai igne tangomana ghotilo te hata koko fari themi nakhibo te kmanare.

Ululahu Timoti 1:5

Jame te leghuni mare nogu cheke iara na, mare ginauna namhadi keha naiknore. U namha igne neke jifla mei ka nagnafa te thofno gae nei ka gaoghatho te doglo nei ka thofno fatutuani.

Ululahu Pita 1:22

Gognaro ghotilo fagae ghamihi themi naugna ghotilo leghuni cheke te tutuani na. Eghuteuna gognaro ghotilo jaola tangomana te namhadi kherami fofodure ka khiloau gne. Eghume te keli na ghotilo kafe namhadi naikno khiloau te gnafare ka thofno nagnafami fateo.

Ululahu Tesalonika 5:21

Nu fariuriudi gobigna lepo fateote'o. Loku famaku ka unha te keli.

Nodi Khoje Hatimare Mae Jiu 101:3

Iara theome magnahaghedi puhidi naikno te diꞌare. Iara ginauna na theome au baludi mare.

Nodi Khoje Hatimare Mae Jiu 97:10

Lord na namhadi fara iheire te thono tirodini fara puhi te diꞌa na, nei mana bara fothidi kau glehe. Uve, mana fakarhidi ka iheire te diꞌa fara puhi dire.

Profet Emos 5:15

Ghotilo lilisei puhi te diꞌa na mala leghuni kolho puhi te keli na. Eghuteuna ka fate na, ghotilo leghuni kolho puhi te doglo na. Jame te eni ghotilo igne na, God ginauna kokhoni ghami ghotilo naiknomi Israel te karha teu gognaro ra.

Hibru 12:14

Fariuriu mala au kau pharikeli baludi naikno te gnafa nei fariuriu langau mala au ka nakarha te klino. Naugna iheire ngala te au klino re nate filoni God na.

Fapea Korin 8:8

Iara theome lisei soru kaisei vetula ranghi ghami. Nu kate toutonu ka ghotilo na iara eni igne mala laseni ghotilo eidi naikno khiloau te au Masidonia, mare magnahaghei fara te toghodi keha naiknore. Uve, iara neke eni igne naugna iara magnahaghei te filoni glahula te au thofno namha na ka ghotilo nanaba ka mare.

Ululahu Tesalonika 5:15

Fiofilo fakeli, thosei snakreni kaisei naikno me foli fapulo glepo te diꞌa ka ihei tughuni glepo te diꞌa. Nu fariuriu eni unha te keli koba fari themi, ba ranghidi naikno te gnafa.

Fapea Korin 6:6

Ghehati falaseni eigna ghehati nogna mae gloku God ka nomi glalase eigna Nonomho te Keli na. Puhimire klino fara. Ghehati theome tangomana te ghosei te diꞌatami na nei ghehati tangomana te keli ranghini ihei. Tharunga te Blahi na au ka ghehati, nei u namha tutuani te mala namhani ihei na au ka ghehati.

Hibru 1:9

Iagho magnahaghei unha glepo te doglo nei theome magnahaghei unha glepo te diꞌa. Eghume nou Lord God neke vahi nigho nei tusu ranghi nigho nafnakno te biꞌo nei gleale'a te uluni nodi gleale'a iheire te au balumu.”

Nodi Khoje Hatimare Mae Jiu 119:104

Chekemu iagho re ngala te thono doglo fara ka gaoghathogu iara na. Eghume iara theome magnahaghedi puhi te chaichaghi re.

Profet Esikiel 33:31

Leuleghu fata na nogu naikno iara re tangomana te khapru mei mala fanomho ka nou cheke iagho re. Nu mare theome edi kolho unha te chekedi iagho ka mare re. Foflodi re fodu ka cheke te diꞌa, eghuteuna mare ghathodi kolho puhi te mala chaghidi naiknore te mala hata sileni na.

Proveb 8:13

Jame te ghatho tahuni iagho Lord na, iagho na theome magnahagheni puhi te diꞌa na. Iara theome magnahagheni puhi te fahaehaghe na, puhi te filo faparini ihei na, puhi te diꞌa na, nei cheke te diꞌa na.

Nodi Khoje Hatimare Mae Jiu 119:163

Iara tirogudi fara nafnata puhi chaichaghi fateote'o re, nu iara magnahaghedi fara nou famane farirhiu iagho re.

Proveb 26:25

Neuba nogna cheke mana re ne famane fanomhodi re, iagho thosei fatutuanidi. Thiꞌagna mana na fodu ka gaoghatho te diꞌa.

Nodi Khoje Hatimare Mae Jiu 55:21

Nogna chekere mamahe fara jateula suka eghu, nu gaoghathogna mana na theome magnahaghei kaisei naikno te cheke faparini, eghuteuna nogna cheke igre fagano salhu jateula sedi eghu mala au kmu naiknore. Nu nogna cheke mana igre fagoreho ghami ghehati jateula naflahi te fnonu eghu.

Nodi Khoje Hatimare Mae Jiu 36:4

Kate thuru teu ka sape na, mana hironi kolho nabrou te mala eni puhi te diꞌa na. Mana leghuni kolho nabrou te diꞌa na, nei mana theome tangomana te figri tagruni puhi te diꞌa na.

Ululahu Tesalonika 2:3

Eghume cheke te edi ghehati te mala farerhetadi nomi fatutuani ghotilo re theome chaghi, theome gaoghatho fadiꞌa ba theome saosagro ghami.

Mae Khuru 11:23

Mae Banabas gne kaisei mae keli nei Tharunga te Blahi na au balugna mana, eghuteuna mana ne biꞌo nogna fatutuani na. Kate posa mana ka namono na, mana ne gleale'a fara, naugna mana laseni God na la kulu fablahidihi naiknore. Mana ne cheke faheta ka naikno khiloaudi Antiok re mala thofno leghuni noda Lord. Eghuteuna ka narane tuana kmana naikno ne funu fatutuani ni Lord.

Jone 12:6

Nu mae Judas chekeni igne naugna mana kaisei mae mala blau kolho. Mana theome kokhonidi naikno te kumare. Theo, naugna mana ngala kaisei mae te mala reireghi gna gloi sileni hatimare mae fanomhore, eghuteuna mana blau sileni keha fata ka gloi sileni na.

Nodi Khoje Hatimare Mae Jiu 45:7

Iagho magnahaghedi fara glepo te keli re, nu iagho theome magnahaghedi glepo te diꞌa re. Naugna igne nou God iagho na neke vahi nigho hi, eghuteuna keha mae king re theome glealeꞌa jateula iagho eghu.

Matiu 26:49

Aonu, mae Judas doglo ne tei ka mae Jisas ne cheke eghu ka mana, “Pharikeli, mae velepuhi!” Mae Judas ne gnanghoni mana.

Jemes 3:17

Nu glepo ulu lahu na, mae ihei te au nogna gaoghatho te keli teke tusu ranghini God na, mana theome tangomana te eni kaisei glepo te diꞌa na. Mana ginauna na au gleale'a baludi kheragna fofodure. Mana au kmu kolho. Nu mana leghuni u puhi farirhiu te keli na. Jaola mana magnahaghei te toghodi naikno te magnahaghei thotoghore. Eghuteuna mana theome vahini naikno te dedei ba naikno te kuma na, nei mana theome chaghini nakarhagna na.