Letas Teke Riso Tei Mae Pol Ka Khiloau Rom 12:5 - Buka Blahi Ka Cheke Holo

⁵ Jateula tuana eghu tahati, neubane kmana naikno tahati, tahati jateula kaisei thini eghu ngala, eigna tahati te gnafa na fatutuani ni mae Kraes. Naikno khiloau te gnafare kaisei grerege ka thini, eghuteuna grerege te gnafare salo fodu mala kaisei thini ngala.

Letas Teke Riso Tei Mae Pol Ka Khiloau Rom 12:5 ပူးပေါင်းရင်းမြစ်များ

Ululahu Korin 12:20

Theome jateula tuana eghu, naugna kmana soasopai nafnata vido nu thini na kaisei glepo ngala.

Ululahu Korin 10:17

Eghuteuna kaisei bret ngala. Eghume, neuba tahati ne kmana, tahati kaisei thini ngala, naugna tahati te gnafa na kafe ima ka kaisei bret ngala.

Efesus 4:25

Eghume te keli na ghotilo lilisei puhi te chaichaghi gne. Eghuteuna unha te chekeni ghotilo ka naikno khiloaure glepo te tutuani na ngala, naugna tahati te gnafa na kaisei ngala ka thinigna Kraes.

Kolose 2:19

nei mare theome au heta ka mae Kraes. Mae Kraes pha'ugna khiloau na, eghuteuna khiloau na jateula thinigna mana eghu. Eghuteuna pha'u na tangomana te edi grerege te gnafare te mala kotu heta nei kaisei baludi nhubra ghe naula. Eghuteuna thinigna mae Kraes gne na kotu haghe ka puhi te magnahagheni God na eghu.

Efesus 5:30

Naugna tahati ka khiloau na jateula vido thinigna mana eghu.

Kolose 1:24

Gognaro na iara keli tagu fara neubane au papara, naugna naꞌau papara te eni iara igne mala togho ghami ghotilo. Tifa na mae Kraes neke papara fara mala toghoni khiloau, thinigna mana na. Eghuteuna, iara jaola au papara ka thinigu na mala fakhaputu nogna gloku mae Kraes te theome gnafa nga teu.

Efesus 1:23

Eigna khiloau na thinigna Kraes, eghuteuna ka thini tuana te au mae ihei te au nolaghi ke klignadi gobigna lepo te au heva heva.

Ululahu Korin 10:33

Ghotilo mala leghuni puhigu iara na. Naugna leuleghu fata na iara fariuriu toghodi keha naiknore te mala heta nodi fatutuani na. Iara theome hironi te mala fakeli ghau thegu na, nu ghathodi keha naiknore mala toghodi, nei mala tangomana God te fakarhidi.

Letas Teke Riso Tei Mae Pol Ka Khiloau Rom 12:4

Tahati te gnafa na au kaisei thini ngala nei au kmana grerege, eghuteuna grerege igre au nodi soasopai nafnata gloku te mala edi re.

Efesus 5:23

Naugna mae nalhaꞌu na pha'ugna khetogna na, jateula Kraes te pha'ugna khiloau. Khiloau na u thinigna Kraes eigna mana neke fakarhinihi khiloau na.

Jone 17:11

Iara theome raugha na ari ka iagho. Iara ginauna theome au ka nauthoglu igne, nu mae igre nga nate au teu ka nauthoglu igne. Mama te blahi, taji fakelidi ka nolaghi gna nanghamu, nangha teke famei iagho ka iara, mala kaisei mare jateula tapa te kaisei gne eghu.

Ululahu Korin 6:15

Ghotilo thofno laseni igne, eigna thinimi ghotilo re kaisei ka thinigna Kraes. Eghume tahati theome tangomana te hata thinigna Kraes na te loku fodu ka thinigna thau vine na.

Efesus 4:12

Mana neke eni igne mala tangomana nogna naikno te gnafa God re te mala loku fakelidi nogna glokure, nei mala kotu heta thinigna Kraes.