Letas Teke Riso Tei Mae Pol Ka Khiloau Rom 12:19 - Buka Blahi Ka Cheke Holo

¹⁹ Kheraguro, thosei foli fapulo unha najafra teke eni naiknore tami na, lisa lao ka God mala foli fapulodi jateula Lord te cheke ka grioriso te blahi ia eghu, “Iara ginauna foli fapulo ka mae iheire te tapla jafra eghuteuna iara ginauna paradi.”

Letas Teke Riso Tei Mae Pol Ka Khiloau Rom 12:19 ပူးပေါင်းရင်းမြစ်များ

Diutronomi 32:35

Iara kolho te tangomana te tughu fapulo puhi biꞌo tuana ka nomi naoka ghotilo are. Iara ginauna nake foli fapulo ka mare. Na theome raugha mare ginauna uka pari. Nodi narane mare te mala au diꞌanagnafa na ginau posa mei. Eghuteuna puhi biꞌo igne na ghosei mei toku tafrudi mare.’

Hibru 10:30

Tahati laseni God neke cheke eghu, “Iara ngala nate tughu fapulo unha najafra te eni mare na!” Mana jaola neke cheke eghu, “Lord ginauna na fatedi nogna naiknore.”

Proveb 24:29

Iagho thosei cheke eghu, “Iara ginauna nake tughu fapulo unha teke eni mana ka iara na!”

Proveb 20:22

Iagho thosei ghaoghatho mala ke tughu fapulo najafra teke eni ranghi nigho keha mae na. Theo. Iagho fatutuani ka Lord te mala togho nigho na, eghuteuna mana ginauna fakarhi nigho ka puhi biꞌo igne.

Letas Teke Riso Tei Mae Pol Ka Khiloau Rom 12:17

Thosei tughu fapulo unha najafra teke eni ranghi ghami ihei na. Ghotilo eni ngala unha te keli ka tathadi naikno te gnafare.

Ululahu Tesalonika 4:6

Eghume theome tangomana kaisei mae te eꞌei puhi diꞌa ranghini mae kheragna fofodu na ka puhi igne. God ginauna fatedi naikno te edi glepo igre. Ghehati kulu cheke faheta ka ghotilo eigna igne.

Levitikas 19:18

“Ghotilo thosei susuku ni kaisei kherami ba tughu fapulo kaisei puhi diꞌa teke eni mana na. Nu, ghotilo mala thofno namhadi kherami re jateula ghotilo te namha ghami themi eghu, naugna iara Lord.

Letas Teke Riso Tei Mae Pol Ka Khiloau Rom 12:14

Ghotilo toreni God mala fablahidi iheire te nenei ghami. Tutuani, thosei toreni God mala paradi.

Diutronomi 32:43

“Ghotilo te gnafa klignara, ghotilo mala glealeꞌa balugna Lord. Ghotilo god te gnafa ra, ghotilo pogho soru ka mana. Lord ginauna nake tughu fapulo glehedi goro thugna mana ra. Nu ginauna mana hata fadelei nakhibodi nogna naiknore, eghuteuna nodi glose re ginauna na klino ka tathagna mana.”

Matiu 5:39

Nu te chekeni iara ka ghotilo na, thosei tughu fapulo unha teke eni fadiꞌa ranghi nigho mae kheramu fofodu na. Nu mae ihei te famamaja nigho te mei te taponi keha phile bakomu na, iagho ke figri lao keha bakomu na mala ke tathapo mana.

Letas Teke Riso Tei Mae Pol Ka Khiloau Rom 13:4

Naugna mae biꞌo ka gavman tuana nogna mae gloku God mala edi glepo te kelire ranghi ghami ghotilo. Nu jame te edi ghotilo glepo te diꞌare, ghotilo naba te mala mhaghuni mae biꞌo tuana, naugna mana theome mala fiti hata nolaghi kolho. Mana nogna mae gloku God, mana tangomana te paradi naikno te edi glepo te diꞌare mala falalaseni God te diꞌatagna ka mare.

Ululahu Samuel 25:33

Iara tegio ka God eigna nou gaoghatho te keli, nei eigna unha te eni iagho gognarogne. Mana theome fanogra ghau iara te mala tei te faleheni ihei na. Glahu ke tughu fapulo iara thegu glepo te diꞌa teke edi mae Nabal ka iara ra.

Ululahu Samuel 25:26

Funei, Lord kolho te lhoti nigho iagho te theome tughu fapulo glepo te diꞌa teke eni khetogu iara na. Iara cheke tutuani ka nanghagna Lord mae ihei te karha mala paradi nou naoka iagho gre nei jaola parani Nabal.

Profet Esikiel 25:12

“Lord God ne cheke eghu: ‘Naiknodi ka kantri Idom tughu fapulo puhi te diꞌa ranghidi naiknodi Juda, eghume nakhibo te eni Idom igne thono biꞌo fara, eghuteuna nabagna te au papara tutuani.

Ululahu Samuel 26:10

Te chekeni iara ka iagho na, Lord mae ihei te karha te tifa na ngala nate laseni narane nate lehe mana na, ka vido te kuekuꞌe ba ka vido te tei mana ka magra.

Ululahu Samuel 26:11

Iara theome magnahaghei te faleheni mae king teke vavahi God na. Tapa na atha nogna goru nei ghegna botol khoꞌu teu mana igre kolho mala tei baluda.”

Profet Jeremaea 51:36

Aonu Lord ne cheke eghu ka naiknodi Jerusalem, “Ghotilo nogu naikno iara ra, iara ginauna phile ka ghotilo, eghuteuna iara ginauna paradi nomi naoka ghotilo teke eidi puhi biꞌo ka ghotilo are. Khoꞌu biꞌodi Babilonia baludi keha khoꞌu biꞌo are ginauna kafe gata.

Efesus 4:27

Thosei snakreni mae Satan mala fadiꞌani nakarhami na.

Fapea Timoti 4:14

Mae Aleksada, mae ihei te lase hohoro glepo ka aean gne edi kmana glepo diꞌa ranghi ghau iara. Lord ginauna nake tughu fapulo unha teke edi mana ka iara re.