Letas Teke Riso Tei Mae Pol Ka Khiloau Rom 12:18 - Buka Blahi Ka Cheke Holo

¹⁸ Hati nhetami na fabrahu mala au ka pharikeli baludi naikno te gnafare.

Letas Teke Riso Tei Mae Pol Ka Khiloau Rom 12:18 ပူးပေါင်းရင်းမြစ်များ

Hibru 12:14

Fariuriu mala au kau pharikeli baludi naikno te gnafa nei fariuriu langau mala au ka nakarha te klino. Naugna iheire ngala te au klino re nate filoni God na.

Letas Teke Riso Tei Mae Pol Ka Khiloau Rom 14:19

Eghume tahati mala thofno fariuriu edi unha te tangomana te mala togho ghita te gnafare mala au ka pharikeli nei mala heta ka fatutuani.

Matiu 5:9

Keli tadi iheire te loku eigna na au muana ke lamnadi iheire te magra. Naugna God ginauna kilodi goro thugna.

Fapea Korin 13:11

Uve kheraguro, ghehati magnahaghe ghami ghotilo te gleale'a. Fariuriu edi unha te chekedi iara ka ghotilo gre mala thofno au klino. Eghuteuna ghotilo te gnafa na mala kaisei gaoghatho ngala nei mala kaisei au ngala kau pharikeli. Ka puhi igne God mae ihei te tusu ranghi ghita u namha nei pharikeli teu igne ginauna au balumi ghotilo.

Galesia 5:22

Nu kate snakreni tahati nakarhada na te mala baubatu mae Tharunga te Blahi na, mana ginauna tusu ranghi ghita namha, gleale'a, pharikeli, au kmu, lolokeli, au keli, u gaoghatho nheta te mala eni unha te chekeni,

Nonomho Te Keli Teke Risoi Mae Mak 9:50

“Tahi na kaisei glepo keli fara. Naiknore tofa lao tahi ka ghedi ganore mala theome diꞌa ginauna. Nu te khoko grahagna na, na theo hila kaisei nafugna. Eghume ghotilo mala jateula tahi eghu mala keli fabrahu nakarhamire, eghuteuna au ka pharikeli farihoteimi themi.”

Proveb 12:20

Chaichaghi na au ka thiꞌagna mae te eni gaoghatho te diꞌa na. Nu gleale'a na au ka thiꞌagna mae te toghodi naiknore mala au ka pharikeli.

Ululahu Pita 3:11

Mana figri lao tagrugna na ka nakhibo nei mala eni unha te keli. Mana fariuriu mala au ka pharikeli baludi keha naiknore.

Fapea Timoti 2:22

Au fadelei ka glepo te diꞌa te magnahaghedi naikno majaghani are. Hati nhetamu na mala au doglo nei mala heta nou fatutuani na ka Lord, namhadi naiknore, eghuteuna au fakeli baludi thofno naikno khiloau te gnafare.

Letas Teke Riso Tei Mae Pol Ka Khiloau Rom 14:17

God na theome funei fruni ghita naugna te ima tahati keha nafnata gano ba koꞌu. Theo. Nu God na funei fruni ghita tahati kate eni unha te doglo na ke ulugna mana, nei au ka pharikeli, nei au gleale'a ka Tharunga te Blahi.

Nodi Khoje Hatimare Mae Jiu 34:14

Mana lilisei puhi te diꞌare nei leghudi kolho puhi te kelire eghu. Nei mana fariuriu au kolho ka pharikeli baludi keha naiknore eghu.

Ululahu Tesalonika 5:13

Thofno ghatho tahudi fara nei namhadi eghu eigna nodi gloku te edi ranghi ghami ghotilo ra. Au fodu ka pharikeli.

Efesus 4:3

Tharunga te Blahi na salo fodu ghami ka puhi pharikeli. Hati nhetami na mala au ka puhi tuana ke lamnami.

Matiu 5:5

Keli tadi iheire te au faparidi thedi, mare ginauna nake gleꞌau. Naugna mare na au nodi glepo te keli teke kulu nhaꞌa cheke ranghidi.

Ululahu Korin 7:15

Jame kaisei naikno theome fatutuani ni Kraes, eghuteuna magnahaghei koko khetogna te fatutuani ni Kraes na teuna, keli kolho te snakre teini na. Jame te eghu na, thabusida ba greghada ka Kraes tuana na snagla ka puhi tholaghi na. Nu te tangomana na, repa au fodu naugna God neke kilo ghita mala au ka pharikeli.

Fapea Samuel 20:19

Nomi namono ghehati igne kaisei namono ulu fara ka kantri Israel. Ghehati naikno gna namono igne, ghehati magnahaghei te au ka pharikeli, eghuteuna ghehati ghatho tahuni fabrahu noda Lord. Nu gognarona iagho magnahaghei te mei roꞌeni namono igne. Naugna unha sagho te magnahaghei goigonidi nogna glepo Lord igrea?”

Proveb 3:30

Iagho thosei fapholai balugna ihei te theome eni kaisei glepo te diꞌa ranghi nigho iagho na.

Matiu 5:24

thosei kulu mei pogho soru ka God. Iagho tei fadoglini najafra teke fathoro nigho mae kheramu fofodu na, ame ke pulo nga iagho mala pogho soru ka God eghu.

Letas Teke Riso Tei Mae Pol Ka Khiloau Rom 1:15

Eghume ka gaoghatho igne te magnahaghei fara iara te ari posa ka ghotilo te mala toutonuni u Nonomho te Keli igne.

Jenesis 21:24

Mae Ebraham ne cheke eghu, “Uve, te chekeni iara ke ulugna God na, iara ginauna na lolokeli nigho iagho.”

Jajis 11:14

Kate nomhini Jefta cheke igne, mana neke kuru teidi mare mala tei filoni funei igne.