Letas Teke Riso Tei Mae Pol Ka Khiloau Rom 12:14 - Buka Blahi Ka Cheke Holo

¹⁴ Ghotilo toreni God mala fablahidi iheire te nenei ghami. Tutuani, thosei toreni God mala paradi.

Letas Teke Riso Tei Mae Pol Ka Khiloau Rom 12:14 ပူးပေါင်းရင်းမြစ်များ

Ululahu Pita 3:9

Jame kaisei mae ei puhi diꞌa ka ghotilo, thosei foli fapulo puhi te diꞌa tuana ka mana. Eghuteuna jame kaisei mae cheke diꞌa ka ghotilo, thosei cheke diꞌa fapulo ka mana. Blahi fara. Nu te keli na, ghotilo tarai ka God mala fablahini mana. Naugna tifa na God neke kilo ghami ghotilo, mana neke nhaꞌa cheke mala fablahi ghami ghotilo.

Matiu 5:44

Nu te chekeni iara ka ghotilo na, ghotilo mala kafe namhadi nomi mae naokare, nu taraidi naikno te para ghami re eghu.

Ululahu Tesalonika 5:15

Fiofilo fakeli, thosei snakreni kaisei naikno me foli fapulo glepo te diꞌa ka ihei tughuni glepo te diꞌa. Nu fariuriu eni unha te keli koba fari themi, ba ranghidi naikno te gnafa.

Letas Teke Riso Tei Mae Pol Ka Khiloau Rom 12:21

Thosei snakreni puhi te diꞌa na mala tapla fapari ghami, nu tapla faparini unha te diꞌa na kate eni unha te keli na.

Luku 6:28

Eghuteuna ghotilo fablahidi iheire te cheke fadiꞌa ghami are, nei taraidi naikno te lalama ghami are eghu.

Jemes 3:10

Tore! Cheke te keli nei tibri teu gre kafe jifla mei ngala ka kaisei foflo kolho. Kheraguro, igne thono jafra fara.

Luku 23:34

Mae Jisas ne cheke eghu, “Mama! Hata fadelei nakhibodi naikno igre, naugna mare theome laseni unha te eni na.” Eghuteuna mae soldiare ne lalahu khale mala laseni mae ihei nate hata nogna pohe mae Jisas re.

Mae Khuru 7:60

Mana ne tuturupuku soru ne eha eghu fabiꞌo, “Lord, thosei ke tughu fapulo ranghidi u nakhibo igne!” Ke leghugna te chekeni igne, mae Stivin na ne lehe.