Letas Teke Riso Tei Mae Pol Ka Khiloau Rom 12:13 - Buka Blahi Ka Cheke Holo

¹³ Tufa nodi naikno khiloau te theo nodi. Eghuteuna tajidi iheire te posa mei ka sugamire.

Letas Teke Riso Tei Mae Pol Ka Khiloau Rom 12:13 ပူးပေါင်းရင်းမြစ်များ

Hibru 13:16

Nu thosei ghatho ihoni te mala edi gloku te keli tangomana te mala toghodi keha naiknore, naugna fafara jateula tuana eghu te keli tagnani God na.

Fapea Korin 9:12

Gloku te keli te edi ghotilo igre ginauna thofno toghodi fara nogna naikno God te au ka namono Jerusalem. Eghuteuna naiknore ginauna jaola thono tegio tahu ka God.

Ululahu Jone 3:17

Jame kaisei naikno khiloau dedei eghuteuna filoni mae kheragna fofodu ka khiloau te kmoꞌei ka glepo na, eghuteuna theome kokhonini mae kheragna na teuna, nogna namha God na theo kolho ka nagnafagna naikno khiloau te dedei tuana.

Hibru 6:10

God theome lolodiadi nei theome ghatho ihodi nomi gloku te keli nei nomi namha eghu ghotilo ranghini mana ka teke toghodi ghotilo nogna naiknore. Eghuteuna mana ginauna ghathoniu ngala te toghodi fabrahu ghotilo re na taba ghami ghotilo.

Ululahu Pita 4:9

Snakredi sugamire ka kherami te fatutuani ni Kraes are balu gleale'a.

Galesia 6:10

Eghume kate loku nga teu tahati na, tahati tangomana te toghodi naikno te gnafare. Tulao mala eni igne ka iheire te au lamnagna nogna tharakna God.

Hibru 13:2

Thosei ghatho ihoni mala toghodi naikno te posa mei ka sugamire. Keha naiknore tifa na neke theome filo glanidi kolho, nu mare neke toghodi engel ka sugadire.

Ululahu Timoti 3:2

Eghume mae ihei te mala baubatu ka khiloau na mana mala kaisei mae doglo fara, eghuteuna theo kaisei naikno te filoni kaisei najafra ka mana na. Mana mala tolaghi ka kaisei gaꞌase ngala eghuteuna tangomana te mala reireghi fakelini thegna. Mana theome mala ghosei diꞌatagna, nu mana kaisei mae mala au doglo fabrahu. Eghuteuna mana tangomana te mala reireghi fakelidi naikno te posa mei ka sugagna na, eghuteuna mala laseni puhi farirhiu na.

Ululahu Timoti 5:10

Eghuteuna naiknore filo glani naꞌa tangomana te edi gloku te kelire. Nafnata gloku jateula igre eghu te mala reireghi fakeli thugna, nei farumadi naikno phosa ka sugagna na, nei fafnaknodi naikno khiloaure kate titihi ghahedire, nei mala toghodi naikno te au puhi biꞌo ka nakarhadire. Uve, nafnata thau te fariuriu edi fabrahu thua nafnata gloku te keli.

Matiu 25:35

Naugna kate rofo iara na, ghotilo faghamu ghau iara. Kate roi koꞌu iara na, ghotilo fakoꞌu ghau iara. Kate jifla kokoni iara sugagu na te tei delei na, ghotilo taji ghau iara ka sugamire.

Filimon 1:7

Ghema thabusigna, nogna naikno God igre mare keli tadi fara eigna puhi te namhadi iagho. Eghuteuna glepo te edi iagho tuare iara keli tagu fara nei farhetani nagnafagu na.

Taetus 1:8

Nu mana kaisei mae mala namhadi nei reireghidi eghu keha naikno te mei ka sugagna mana re. Mana kaisei mae mala magnahaghe te edi koba glepo te kelire. Nu mana kaisei mae mala reireghini thegna. Nogna gaoghatho mana re mala doglo koba nu puhigna mana re mala keli fara ke ulugna God nei edi koba unha glepo te magnahaghedi God re. Mana theome mala u nafnata naikno te snakreni u thinigna thegna na te mala funei frunini u nakarhagna na.

Fapea Korin 9:1

Iara theome naba te riso ari ka ghotilo eigna sileni te mala toghodi nogna naikno God te au ka namono Jerusalem.

Mae Khuru 10:4

Mae Konilias ne mhaghu fara ne filo tutu ka engel ne cheke eghu, “Unha sia Lord?” Engel ne cheke eghu ka mana, “God la nomhidihi nou tharai iagho ra, nei jaola filodihi unha te edi iagho te mala toghodi naikno te kuma ra.

Ululahu Korin 16:15

Ghotilo lasenihi tharaknagna mae Stefanas ia. Mare ngala teke kulu fatutuani ni Kraes na ka Provins Akaia, eghuteuna mare loku fabrahu mala toghodi nogna naikno God re. Kheraguro, iara tore ghami mala leghudi naikno te baubatu ghami igre, baludila iheire te loku ka gloku blahi igne.

Letas Teke Riso Tei Mae Pol Ka Khiloau Rom 12:8

Jame te hata tahati u khokofakasai te mala fakeli nagnafadi naiknore, tahati mala eni tuana. Eghuteuna jame te hata tahati u khokofakasai te mala toghodi naiknore ka thua nafnata glepo na, tahati mala eni tuana ka puhi te keli. Jame te hata tahati u khokofakasai te mala batudi naiknore, tahati mala loku brana ranghidi. Eghuteuna jame te hata tahati u khokofakasai te mala kokhonidi nei keli ranghidi teu naiknore, tahati mala eni tuana balu gleale'a.

Nodi Khoje Hatimare Mae Jiu 41:1

Ihei te ghathoni nei toghoni teu naikno te kuma na, naikno igne thofno keli tagna fara. Lord ginau toghoni mana kate nhotei mana kau hoholo na.

Fapea Kings 4:10

Unha te ghathoni iara na, tapa na eni kaisei chogho mala thuru mana. Eghuteuna lilisei sape nei tevo nei chea nei juta eghu tagna. Eghuteuna kate mei mana te sigho ghita na, mana ginauna mei au ka chogho tuana.”

Proveb 31:20

Naꞌa keli ranghidi iheire te kuma, nei toghodi naikno te au kokhonidi.

Taetus 3:14

Uve ghema Taetus, glepo leghu lahu na igne, famane farirhiudi naikno khiloau te au Krit are mala thosei thodo ka unha gloku te kelire, nei thosei fiti au kolho eghu. Nu mare mala loku nei toghodi langau eghu naikno te kumare.

Fatilo Jone 1:5

Uve thabusigna, thofno keli fara te toghodi iagho mae gloku ka khiloau te posa mei ka sugamu na neubane theome lasedi iagho kehare.