Letas Teke Riso Tei Mae Pol Ka Khiloau Rom 12:12 - Buka Blahi Ka Cheke Holo

¹² Gleale'a fabrahu ka unha teke nhaꞌa chekeni God ka ghotilo na. Kate au papara na, au kmu. Tarai koba.

Letas Teke Riso Tei Mae Pol Ka Khiloau Rom 12:12 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 15:13

God mae ihei ngala te thofno togho ghita te mala hata unha mana teke nhaꞌa cheke ranghi ghita. Iara toreni God mala gleale'a biꞌo ghotilo nei tusu ranghi ghami pharikeli kate fatutuani ni mana na. Eghuteuna nogna nolaghi Tharunga te Blahi na ginauna faheta ghami mala rouronuni God fabrahu ghotilo te mala eni unha mana teke nhaꞌa chekeni.

Hibru 10:36

Kegra famaku mala tangomana ghotilo te eni unha te magnahagheni God na. Eghuteuna kate eni ghotilo unha te magnahagheni mana na, ghotilo ginauna na hata unha teke nhaꞌa chekeni mana na.

Nodi Khoje Hatimare Mae Jiu 62:8

Kheraguro, God na noda vido keli mala poru tahati. Eghume te keli na ghotilo fatutuani ni fabrahu mana, ghotilo cheke fajifladi puhi te biꞌo te au teu ka nagnafamire.

Ululahu Pita 4:13

Nu ghotilo gleale'a nomi kolho kate au papara ka puhi igne, naugna mae Kraes na jaola neke au papara. Eghuteuna ghotilo ginauna jaola na gleale'a fara kate filoni mae Kraes te thakle mei balu nolaghi nei nafnakno.

Jemes 5:7

Kheraguro, thosei babaꞌo, ghotilo au kmu ofou ke ghilei pulo mei noda Lord. Ghathoni si ghotilo mae te loku ka nagare ia. Kate joꞌu te gnafa nagare na, mana na ofoni meigna nakhete na mala kotu ganore.

Hibru 6:15

Mae Ebraham ne theome babaꞌo ne ofo neu ne ghilei hatini unha teke nhaꞌa cheke ranghini God na.

Hibru 6:12

Ghehati theome magnahaghei ghami ghotilo te thodo, nu ghehati magnahaghei ghami ghotilo mala jateula iheire teke fatutuani ni God nei ofo balu rouronu. Mare ginauna na athini unha God teke nhaꞌa cheke ranghidi.

Filipae 4:4

Gleale'a koba balugna noda Lord. Uve, iara nake fapea chekei ngala ka ghotilo, gleale'a!

Hibru 12:1

Eghume kmana naikno te fatutuani ni God re au faligoho ghita. Naugna igne tahati mala lisei fadelei nakhibo te tangomana te fanogra ghita mala chari heta fabrahu ka fangenghele te au ke uluda na.

Kolose 4:2

Sasaꞌa mala tarai fabrahu nei ghaoghatho fakeli. Kate tarai na, ghotilo cheke fakelini God fabrahu.

Fapea Tesalonika 3:5

Ghehati toreni noda Lord mala batudi nagnafami are mala laseni ghotilo God te namha ghami. Ghehati jaola tarai mala au heta ghotilo jateula mae Kraes te au heta.

Ululahu Tesalonika 5:8

Nu tahati nogna narane. Eghume tahati reireghi fakeli ghita theda. Noda fatutuani nei noda namha ranghini God jateula noda greoreo, nei noda grouronu te mala hatini tahati u karha fei tifa na jateula noda khepi eghu.

Mae Khuru 1:14

Mare te gnafa na ne kaisei salo fodu ne tarai fabrahu baludi goro gaꞌase, nei Meri idogna mae Jisas, nei hatimare mae thabusigna mae Jisas re.

Nodi Khoje Hatimare Mae Jiu 37:7

Iagho megei gnokrou rhegna Lord. Au kmu ofoniu mana mala togho nigho. Thosei diꞌanagnafamu kate atha nodi kmana glepo te keli ka puhi te edi mae re. Tutuani fara, iagho thosei ngana nou ka mae te ghathodi thua nafnata puhi te diꞌa igre te edi haghe puhi tuare.

Ululahu Timoti 6:11

Nu iagho kaisei mae nogna God. Eghume iagho nabamu na au fadelei ka glepo te diꞌa tuare. Iagho fariuriu koba mala edi unha te doglo ke ulugna God. Eghuteuna au fakeli nakarhamu na ka khiloau gne, nei loku famaku ka nou fatutuani na. Au heta ka vido te ninhigrana, biꞌo nou namha na ranghini ihei nei lolokelidi keha naiknore.

Proveb 10:28

Naikno te doglo na ofoniu Lord mala tusu ranghini narane te keli na, mana ginauna filoni nei na gleale'a fara. Nu naikno te diꞌa na ginau fiti ofo kolho na theome filoni narane te keli na.

Hibru 10:32

Ghotilo ke ghathoni unha teke eni tifa ia, ka narane teke kulu fatutuani ni ghotilo mae Kraes na. Kau narane tuare neuba neke para ghami fara, ghotilo heta ghemi neke theome mhaghu.

Kolose 4:12

Kaisei mae kherami keli ghotilo, mae Epafra nogna mae gloku Jisas Kraes, mana jaola kubae ghami ghotilo. Leuleghu fata na, mana tarai heta koba eimi ghotilo. Mana toreni God mala togho ghami ghotilo mala kegra heta ka nomi fatutuani na, nei mala thofno lasedi gobigna lepo God te magnahaghei edi ghotilo re.

Kolose 1:11

God te au nolaghi biꞌo fateote'o, eghuteuna ghehati tarai ka mana mala tusu ranghi ghami nolaghi igne mala tangomana ghotilo te kegra heta ka unha puhi biꞌo te mei ke uluda.

Nodi Khoje Hatimare Mae Jiu 109:4

Neuba iara ne namhadi nei tarai neu koba baludi, mare magnahaghei te cheke fapari ghau iara koba ngala.

Hibru 5:7

Kate au nga tekeu mae Jisas ka nauthoglu gne mana neke tarai balu tanhi fabiꞌo ka God Kmagna mae ihei tangomana te mala toghoni mana te mala theome lehe na. God neke nomhini nogna tharai mana na, naugna mae Jisas neke loku leghuni nagnafagna God na nei ghatho tahuni eghu mana.

Nodi Khoje Hatimare Mae Jiu 40:1

Iara neke ofoni Lord mala mei togho ghau, aonu mana neke kokhoni ghau iara neke nomhidi nogu tharai iara re.

Thakle 13:10

Jame ihei teke snakreni God te mala tei ka suga sosolo na, tutuani mana ginauna mala au ka suga sosolo. Jame ihei teke snakreni God te mala lehe ka naflahi na, tutuani mana ginauna mala lehe ka naflahi. Eghume, te thoke mei puhi igre ka ghotilo na, ghotilo nogna naikno God ra mala kegra heta, nei mala fatutuani heta eghu ka God.”

Fapea Pita 1:6

Ghotilo reireghi fakelidi thinimi are, kegra heta neubane mei narane te ninhigrana, eghuteuna eni leghuni puhigna God te keli.

Hibru 3:6

Nu mae Kraes Thugna God na, mana pha'u mae te mala reireghini tharaknagna God na nei eni unha te magnahaghei God na. Jame loku famaku tahati noda fatutuani na nei jame jaola gleale'a fabrahu eidi gobigna lepo God nate edi ranghi ghita na, tahati gne thofno tharaknagna God.

Fapea Tesalonika 1:4

Eghume ka keha khiloau gre, ghehati fahaehaghe ghami ghotilo naugna ghotilo kegra maku nei fatutuani fabrahu kate fakokhoana ghami ba para ghami ka kmana puhi biꞌo.

Ululahu Korin 13:13

Eghume thilo glepo te ulu igre au fabrahu tifa tifa: fatutuani, grouronu nei namha. Nu namha na ngala te ulu ka thiloi gre.

Letas Teke Riso Tei Mae Pol Ka Khiloau Rom 15:4

Gobigna lepo teke rioriso soru mare ka buka blahi na tifa igre, mare neke rioriso mala farirhiu ghita tahati. Eghuteuna kate iu'ijudi grioriso igre, tahati thofno laseni God na eni ranghi ghita unha teke nhaꞌa cheke ranghi ghita na. Eghume gaoghathoda na heta fara nei tahati tangomana te ofoni God te mala togho ghita.

Luku 21:19

Ghotilo ginauna hatini thofno nakarha na kate kegra maku fabrahu ghotilo ka nomi fatutuani na.”

Luku 8:15

Nu sisi te soru kau glose te keli igre eidi iheire te fanomho ka cheke na, eghuteuna loku famaku ka nagnafadi te klino nei tutuani teure. Eghuteuna mare leghuni chekegna God na ne heta ghedi ne ghilei au sisi te keli.”

Proveb 14:32

Mae te diꞌa puhigna na ginauna au papara kate thoke mei puhi biꞌo na. Nu neubane lehe mae te doglo na, mana au nogna vido mala poru ka God.

Ululahu Pita 4:7

Nu tahati la mei namohi ka narane gobigna lepo ka nauthoglu igne ginauna hui. Eghume te keli na ghotilo ghaoghatho fakeli, nei filo fakeli eghu mala tangomana ghotilo te tarai na.

Kolose 1:27

God magnahaghei falalase ka nogna naiknore u famane cheke poru igne mala toghodi fara naikno te gnafa ka nauthoglu igne. U cheke poru igne gaoghathogna na mae Kraes na auhi ke lamnami ghotilo, eghuteuna mana ginauna hata ghami tei mala au balugna God.

Letas Teke Riso Tei Mae Pol Ka Khiloau Rom 8:25

Nu neuba tahati ne theome filoni glepo te rouronu teu tahati na, gognaro na tahati blaknoi ofo leghu fata.

Taetus 3:7

Mana neke eni igne mala tangomana tahati te hatini u karha majaghani te theo ka huigna teke rouronuni teku tahati na. Tahati tangomana te hatini u karha igne naugna God na thofno namha ghita ne fadoglo ghita ke ulugna thegna.

Fapea Timoti 3:10

Nu iagho filo glani ghau iara, iara gne theome nafnata naikno tuana ka nogu farirhiure, ka nogu nakarha nei ka glepo te magnahaghei edi thegure. Iagho filo glaninihi puhigu iara te fatutuani ni mae Kraes na, nogu nagnafa au kmu ba nogu namha biꞌo ranghidi naikno te gnafare, ba nogu naꞌau ka vido te ninhigrana.

Ululahu Tesalonika 1:3

Ghehati cheke fakelini God Kmada eidi gloku te keli teke edi ghotilo naugna nomi fatutuani nei namha. Ghehati jaola cheke fakelini God eigna ghotilo te kegra maku fabrahu ka nomi grouronu ka noda Lord Jisas Kraes.

Filipae 3:1

Uve kheraguro, igre nogu farirhiu leghu lahu iara ka ghotilo re. Iara magnahaghei ghami ghotilo te mala au gleale'a balugna Lord. Eghume neuba neke riso arihi iara ka ghotilo cheke igre tifeiro, iara keli tagu ngala na teke riso ari ngala cheke igre ka ghotilo. Naugna nogu cheke iara igre ginauna togho ghami fara ghotilo, mala theome tangomana kaisei naikno te roꞌeni nomi fatutuani ghotilo na.

Fapea Korin 12:8

Iara neke thilo fata toreni Lord mala hata fadelei ka iara puhi biꞌo igne.

Letas Teke Riso Tei Mae Pol Ka Khiloau Rom 2:7

Iheire ngala te edi koba gloku te keli, nei iheire te magnahagheni God te fafnaknoni nanghadi, nei ghatho tahudi, nei toghodi mala theome lehe tifa te tifa. Igre ngala God nate tusu ranghidi u thofno karha tutuani te theo ka huigna.

Mae Khuru 12:5

Aonu mare ne famane reireghini mae Pita ka suga sosolo na. Nu ka narane tuare, mae khiloaure ne tarai fabrahu ka God mala toghoni mae Pita.

Mae Khuru 6:4

Eghuteuna mala tangomana tahati te tarai nei farirhiuni teu koba chekegna God na.”

Mae Khuru 2:42

Eghuteuna naikno igre ne keli tadi fara ne fanomho fabrahu ka nodi farirhiu hatimare mae khuru, nei mala toghodi mare ka nodi tothoghei thedi na, nei ghamu fodu, nei tarai fodu.

Luku 10:20

Nu ghotilo thosei gleale'a, naugna te leghu ghami naiture, nu ghotilo gleale'a naugna God na la riorisohi nanghami ghotilo re kligna.”

Matiu 5:12

Neuba, ghotilo gleꞌa nei keli tami eghu, naugna ginauna Kmada na taba fabiꞌo ghami ghotilo kligna. Naiknore ginauna para ghami ghotilo jateula teke edi hatimare mae Jiu ka nogna mae profet God tifa ra eghu.”