Letas Teke Riso Tei Mae Pol Ka Khiloau Rom 12:10 - Buka Blahi Ka Cheke Holo

¹⁰ Fari namhai jateula thabusigna eghu ka Kraes. Ghatho tahudi keha thabusigna ka khiloau gne ke tulaomi themi.

Letas Teke Riso Tei Mae Pol Ka Khiloau Rom 12:10 ပူးပေါင်းရင်းမြစ်များ

Filipae 2:3

Eghuteuna ghotilo thosei ghatho ghami themi ba fahaehaghe eidi unha glepo keli te edi ghotilo re. Nu nhaꞌa fapari ghami themi, eghuteuna ghatho tahudi keha naiknore.

Hibru 13:1

Namhadi fabrahu kherami naikno khiloau are.

Ululahu Jone 4:11

Uve kheraguro, eigna God namha ghita jateula igne teuna, tahati jaola nabada te fari namhai.

Ululahu Pita 1:22

Gognaro ghotilo fagae ghamihi themi naugna ghotilo leghuni cheke te tutuani na. Eghuteuna gognaro ghotilo jaola tangomana te namhadi kherami fofodure ka khiloau gne. Eghume te keli na ghotilo kafe namhadi naikno khiloau te gnafare ka thofno nagnafami fateo.

Ululahu Pita 2:17

Ghatho tahudi naikno te gnafa nei namhadi kherada te gnafa ka khiloau gne. Thofno ghatho tahuni God ke uludi naikno te gnafare nei jaola ghatho tahuni mae king biꞌo gna Rom.

Ululahu Tesalonika 4:9

Ghehati theome naba te riso ari ka ghotilo eigna te mala namhani kherada fofodu ka khiloau. Naugna God thegna farirhiu ghamihi ghotilo te mala fari namhai na.

Galesia 5:13

Uve kheraguro, God neke kilo ghami ghotilo mala au snagla! Theome snagla mala eni ghotilo kaisei najafra, nu snagla mala namha nei fari totoghoi eghu.

Galesia 5:22

Nu kate snakreni tahati nakarhada na te mala baubatu mae Tharunga te Blahi na, mana ginauna tusu ranghi ghita namha, gleale'a, pharikeli, au kmu, lolokeli, au keli, u gaoghatho nheta te mala eni unha te chekeni,

Nodi Khoje Hatimare Mae Jiu 133:1

Kheraguro! Thofno keli fara te au fodu tahati nogna naikno God ra te kaisei gaoghatho ngala jateula kaisei thabusigna teuna.

Ululahu Jone 4:20

Jame kaisei naikno cheke eghu, “Iara namhani God,” nu tirognani kheragna fofodu na teuna, mana kaisei mae chaichaghi. Eigna mana theome tangomana te namhani God, mae ihei mana te theome filoni, jame te theome namhani mana mae kheragna fofodu na, mae ihei mana te filoni.

Fapea Pita 1:7

Ghotilo mala namhadi naikno khiloau are nei namhadi naikno te gnafa.

Ululahu Pita 5:5

Jateula tuana eghu ghotilo mae majaghani ra, nhaꞌa soru ghami themi ke paridi goro mae biꞌo are. Uve, ghotilo huju fapulo ghami themi ka puhi au faleghu mala fari totoghoi. Naugna grioriso te blahi na cheke eghu, “God theome magnahagheni mae ihei te fahaehaghe na, nu tusu lao khokofakasai ranghini ihei te au faleghu.”

Jone 15:17

Eghume igne nogu vetula biꞌo iara te tusu ari ka ghotilo na: Fari namhai!”

Letas Teke Riso Tei Mae Pol Ka Khiloau Rom 13:7

Ghotilo mala foli sopai nafnata takis leghuni unha te chekeni vetula na. Eghuteuna ghotilo mala ghatho tahudi mae biꞌo re eghuteuna fafnaknodi nabadi mare hui.

Mae Khuru 4:32

Naikno te fatutuani ni mae Jisas re ne kaisei nagnafa ngala nei kaisei gaoghatho ngala. Theo kaisei naikno te chekeni ne khotogna thegna ngala kaisei glepo teuna. Nu mare tufa gobigna lepore.

Luku 14:10

Eghume kate tore nigho ka gaghamu na, tei gnokro ka sape leghu lahu. Eghuteuna mae teke eni gna gaghamu igne ginauna mei cheke eghu ka iagho, ‘Ghema, kheraguo, tugha haghe ka sape ululahu ana.’ Aonu mae teke mei ka gaghamure ginauna na kafe ghatho tahu nigho iagho.

Matiu 20:26

Nu ghotilo thosei jateula tuana eghu fari hoteimi themi. Mae ihei te magnahaghei mae biꞌo ka ghotilo na, mana mala jateula mae gloku eghu ka ghotilo.

Fapea Tesalonika 1:3

Ghehati cheke fakelini God leghu rane eimi ghotilo kheraguro. Nabami ghehati te eni igne, naugna nomi fatutuani ghotilo na bruara fara. Eghuteuna namha te sopa au ka ghotilo te gnafa na jaola bruara.

Kolose 1:4

Ghehati cheke fakelini God naugna nomhini nomi fatutuani biꞌo ka mae Jisas Kraes nei namhadi nogna naikno God te gnafare.

Galesia 5:6

Naugna kate salo fodu tahati te kaisei balugna mae Jisas Kraes na, tahati theome mala nangani jame te mala vahe ba theo. Naugna glepo tuare theo nafudi. Nu glepo te ulu na u fatutuani ngala, u nafnata fatutuani te thakle mei kau puhi namha kolho.

Jone 17:21

Mama, iara kafe taraidi naikno te fatutuani ghau iara gre mala kaisei ngala mare, jateula iagho te au balugu iara nei iara au balumu iagho. Iara tore nigho iagho mala kaisei ngala mare baluda tapa, eghuteuna naiknogna nauthoglu igne ginauna fatutuani nigho iagho mae teke kuru mei ghau iara gne.

Thoutonu Eigna Mae Job 1:4

Leuleghu fata na thugna mana igre tarabana gaghamu koba ka sugadi thedi re. Ulu lahu na kaisei mae nate kulu eni na, aonu ke leghu keha mae na, eghu ghilei gnafa fitu mae thabusigna igre kate ei gaghamu na. Eghuteuna mare jaola toredi thilo greghadi igre mala mei au ka gaghamu.

Jenesis 13:9

Tapa na sopa thei. Filo sagho ka nohi biꞌo ke ulumu ana. Jame te magnahaghei iagho fei mairi na, iara na tei fei nheta. Jame te magnahaghei tei iagho fei nheta na, iara na tei fei mairi.”

Profet Jeremaea 38:12

Mae Ebed-Melek cheke ka mae Jeremaea mala lilisei pohe igre ke pari baegna mala theome fnera mana ka phukri igne. Aonu mae Jeremaea ne leghuni igne,