Letas Teke Riso Tei Mae Pol Ka Khiloau Rom 11:8 - Buka Blahi Ka Cheke Holo

⁸ Igne jateula te kulu cheke kau grioriso te blahi ia, “God ne faromno gaoghathodire mala theome ghaoghatho fakeli mare. Mei thoke gognaro gne, tathadire theome tangomana te fifilo fakeli, eghuteuna khulidire theome tangomana te fanomho na.”

Letas Teke Riso Tei Mae Pol Ka Khiloau Rom 11:8 ပူးပေါင်းရင်းမြစ်များ

Diutronomi 29:4

Nu mei te posa gognarogne, Lord theome tothora gaoghathomi ghotilo re mala lasedi ghotilo glepo teke edi mana re. Mana neke theome tothora tathami ghotilo re mala filo glanidi ghotilo glepo igre, eghuteuna mana jaola neke theome tothora khulimi ghotilo re mala nomhi glanidi ghotilo glepo tuare.

Profet Isaia 29:10

Lord neke edi tathami ghotilo re mala kukape, eghuteuna au jateula mae te thuru iho fara ra eghu. Eghuteuna Lord jaola fadodofu tathadi mae profet igre mala theome tangomana mare te filoni kaisei glepo te keli nei theome togho ghami ghotilo te mala tei ka nabrou te doglo na.

Profet Esikiel 12:2

“Maegna ka nauthoglu. Iagho au farihoteidi naikno te theome magnahaghei ghau iara gre. Mare au tatha, nu tirodi kolho te fifilo na. Mare au khuli, nu mare tirodi fanomho, naugna mare theome magnahaghei ghau iara.

Luku 8:10

Mae Jisas ne cheke eghu ka mare, “God neke tusu ari ka ghotilo kolho glalase te mala lase fakelidi thofno glepo te au poru ka nakarha God te funei frunini. Nu iara cheke ranghidi keha naiknore ka cheke naba kolho. Kate eni iara igne ne horoghoto fara ka unha teke chekeni mae profet Isaia tifa ia, “ ‘Neubane hiro mare, mare na theome tangomana te filo glanini. Eghuteuna neubane fanomho mare, mare ginauna na theome tangomana te nomhi fakelini.’ ”

Profet Jeremaea 5:21

Ghotilo fanomho fakeli ka nogu cheke iara igne! Ghotilo iheire te fameomekro nei theome laseni kaisei glepo teura. Ghotilo iheire te filo, nu theome filo glani kaisei glepo teura. Ghotilo iheire te fanomho, nu theome nomhi fakelini kaisei glepo teura.

Mae Khuru 28:26

“ ‘Tei ka naikno igre mala cheke eghu: “Neubane fanomho ne fanomho ghotilo, ghotilo ginauna na theome raꞌe nomhi fakelini kolho kaisei glepo. Eghuteuna neubane filo ne filo ghotilo, ghotilo ginauna na theome raꞌe filo fakelini kolho kaisei glepo.”

Profet Isaia 6:9

Mana ne cheke eghu ka iara, “Iagho tei ka nogu naikno iara ra mala cheke eghu ka mare: “ ‘Ghotilo ginauna nomhini chekegu iara na, nu ghotilo ginauna theome lasedi kolho gaoghathodi glepo igre. Ghotilo ginauna filodi unha te edi iara igre, nu ghotilo ginauna theome filo glani kolho kaisei glepo!’

Fapea Kings 17:41

Eghume naikno igre tarai ka Lord, nu mare jaola tarai ka mumuju eghu fabrahu ghilei mei posa ka narane gognarogne, eghuteuna iheire te karha mei ke leghudi mare re, mare theome gnafa te edi glepo igre.

Fapea Kings 17:34

Mare edi fabrahu ngala nodi kastom tiatifa igre ghilei mei posa ka narane gognarogne. Mare theome tarai ka Lord nei theome leghudi nogna vetula, nogna cheke eghu Lord teke tusu lao ka vikegna mae Jekop, mae ihei te kiloni Israel.

Profet Esikiel 20:26

Iara lisa laodi mala fathonadi thedi ka tathagu iara na, naugna mare ne fafara thudi teke kulu karhare ka mumuju god. Iara eni igne, mala rhana nodi nei laseni eghu mare iara te Lord na.’