Letas Teke Riso Tei Mae Pol Ka Khiloau Rom 11:36 - Buka Blahi Ka Cheke Holo

³⁶ Uve, God neke vuavuhadi gobigna lepore, eghuteuna gobigna lepore neke kegra ka nogna nolaghi mana, eghuteuna gobigna lepore nogna ngala mana. Tahati kilo fnaknoni God tifa tifa! Amen.

Letas Teke Riso Tei Mae Pol Ka Khiloau Rom 11:36 ပူးပေါင်းရင်းမြစ်များ

Ululahu Korin 8:6

te fatutuani ni tahati na jare na kaisei God tutuani ngala te au na. Mana Kmada tahati naikno khiloau, eghuteuna mana neke vuavuhadi gobigna lepore, nakarhada tahati na nogna mana. Kaisei Lord ngala nanghagna na Jisas Kraes. God neke vuavuha gobigna lepore ka mana, nei tahati jaola karha kolho ka mana.

Hibru 2:10

God, mae ihei teke vuavuhadi gobigna lepo igre, neke cheke fakelini mana. Mana nabagna te snakreni mae Thugna Jisas Kraes mala au papara. Naugna kate au papara mana igne, God neke fagnafani nogna gloku thegna na ka mae Jisas Kraes, mae ihei tahati te kiloni “Mae mala baubatu ghita kau thofno karha.” God tusu ranghini mae Jisas gloku igne mala tangomana te hata fapulo goro thugna mala au balugna kligna.

Ululahu Timoti 1:17

Nafnakno nei siasigla ranghini mae King te funei fabrahu tifa tifa! Mana theome tangomana te lehe eghuteuna tahati theome tangomana te filoni mana, eghuteuna kaisei mana ngala God na. Tahati ginauna na ghatho tahuni nei cheke fakelini nanghagna mana na tifa tifa. Amen.

Letas Teke Riso Tei Mae Pol Ka Khiloau Rom 16:27

Ka nanghagna mae Jisas Kraes, tahati cheke fakelini tifa tifa kaisei God mae ihei ngala te lalase fara. Amen.

Letas Teke Rioriso Mae Jud 1:25

Mana kaisei God ngala. Mana kaisei ngala te fakarhi ghita ka nogna gloku mae noda Lord Jisas Kraes. Ka mana ngala siasigla na, nafnakno na, nolaghi na, nei mana funu tifa te mei, nei gognaro, nei tifa tifa! Amen. Me gnafa. Iara, mae Jud.

Mae Khuru 17:28

Jateula kaisei mae neke cheke eghu tifa, ‘Tahati karha nei tahati nonolo balugna God naugna tahati kaisei balugna mana ka nauthoglu igne.’ Eghuteuna kaisei mae glalase ka ghotilo neke rioriso eghu, ‘Naugna tahati te gnafa na goro thugna mana.’

Thakle 21:6

Mana ne cheke eghu ka iara, “Uve, gognaro na iara funei frunidi gobigna lepore naugna iara ne tapla sorudi nogu naoka re. Iara kulu au neke vuavuha nga gobigna lepo igre nei iara na au fabrahu kate ari te gnafadi gobigna lepore. Jame ihei te magnahaghei karha te tifa na, iara ginauna snakreni mana mala koꞌu kolho ka glokha khoꞌu te tusu mei karha na.

Nodi Khoje Hatimare Mae Jiu 115:1

Lord God, kaisei iagho ngala te mala ghatho tahu nigho ghehati na, naugna kaisei iagho ngala te namha ghami ghehati na, nei iagho taji fakelidi u nhaꞌa cheke teke edi iagho ka ghehati ra.

Fapea Pita 3:18

Nu ghotilo mala au fabrahu ka nogna khokofakasai nei glalase noda Lord Jisas Kraes. Tahati kilo fnaknoni tifa tifa nanghagna noda Lord mae ihei teke fakarhi ghita. Amen. Me gnafa. Iara, mae Pita.

Fapea Timoti 4:18

Lord Jisas Kraes ginauna hata fajifla ghau iara ka glepo te diꞌa fateote'o, eghuteuna hata tei ghau ka namono kligna aheva mana te King. Tahati kilo fnaknoni mana tifa tifa! Amen.

Proveb 16:4

Lord edi gobigna lepore leghuni gaoghatho gna na. Eghuteuna Lord na jaola parani mae te diꞌa na.

Nodi Khoje Hatimare Mae Jiu 33:6

Gobigna lepo ka maloa na are neke vuavuha ka chekegna Lord kolho. Naprai nei glaba nei nathunu teu are neke jifla mei ka chekegna mana.

Ululahu Korin 11:12

Igne tutuani fara, naugna gaꞌase na neke mei funu ka nalhaꞌu tifa na, nu nalhaꞌu na jaola karha mei ka gaꞌase. Eghuteuna gobigna lepore neke mei funu ka God.

Ululahu Pita 5:11

Tahati kilo fnaknoni mana eigna nogna nolaghi biꞌo te au fabrahu tifa te tifa. Amen.

Filipae 4:20

Tahati cheke fakelini koba nanghagna God Kmada tifa te tifa. Amen.

Efesus 3:21

Tahati nogna khiloau mana eigna tahati kaisei balugna mae Jisas Kraes, tahati ginauna kilo fnaknoni God fabrahu tifa tifa. Amen.

Galesia 1:5

Tahati kilo fnaknoni God tifa tifa. Amen.

Thakle 19:1

Ke leghudi glepo igre, iara ne nomhidi kmana naikno te au klignare ne eha eghu fabiꞌo, “Tahati cheke fakelini God! Noda God mae ihei teke fakarhi ghita, nanghagna na fnakno fara, nei mana au nolaghi biꞌo!

Thakle 7:10

Aonu mare ne eha eghu fabiꞌo, “Noda God te gnokro teu ka nogna sape nafnakno mae King na balugna Lam, phiamare mala fakarha ghita.”

Ululahu Pita 4:11

Ihei ka ghotilo te toutonuni chekegna God na, mana mala toutonuni cheke teke tusu mei God ka mana kolho. Eghuteuna ihei ka ghotilo te toghodi naiknore, mana eni igne ka nanheta teke tusu ranghini God na. Ka nafnata gloku te keli igre, naiknore ginauna kilo fnaknoni God ka nanghagna mae Jisas Kraes. Nafnakno nei nolaghi biꞌo te au balugna God tifa tifa. Amen.

Hibru 13:21

Iara toreni God mala tusu ari glepo keli te gnafa ka ghotilo, mala tangomana ghotilo te edi unha te magnahaghedi mana re. Eghuteuna iara jaola toreni God ka nogna nolaghi mae Jisas Kraes, mana na edi unha te keli tagnadi thegna ke lamnami ghehati. Eghuteuna tahati ginauna na kilo fnaknoni mae Jisas Kraes tifa tifa. Amen.

Luku 19:38

Hatimare ne cheke eghu: “God, fablahini mae funei igne! Mana te mei ka nanghagna Lord God!” “Pharikeli nei siasiglagna nogna nolaghi biꞌo God te au ka maloa kligna!”

Profet Daniel 4:34

Aonu King Nebukadnesa ne cheke eghu eidi narane igre, “Kate gnafa fitu finogha igre, iara mae Nebukadnesa filo haghe ka maloa kligna, eghuteuna gaoghathogu na iara neke snagla fapulo. “Aonu iara ne cheke fakelini God mae ihei te fnakno kligna lahu. Uve, iara ghatho tahuni nei pala hagheni eghu nanghagna mana te karha fabrahu tifa te tifa. Tutuani, God igne ginauna funei frunidi fabrahu naikno te gnafa ka nauthoglu gne.

Profet Isaia 42:12

Ghotilo te au ka gratha ra ba ka kantri te khaba ra, ghotilo mala kilo fnaknoni Lord, nei pala hagheni Nanghagna mana na.

Ululahu Timoti 6:16

Mana thegna ngala te theome tangomana te lehe na. Mana au ke lamnagna naphae biꞌo te theome tangomana naiknore te tei rhegnai. Theo kaisei naikno te filoni God, ba tangomana te filoni mana. Ranghini nafnakno nei nolaghi tifa tifa. Amen.

Luku 2:14

“Kilo fnaknoni God ka maloa kligna nei pharikeli na au agne ka nauthoglu gne baludi naikno te keli tagnadi God gre.”

Matiu 6:13

Thosei snakreni kaisei glepo mala mei fariuriu ghami, nu fakarhi ghami kau nogna nolaghi Satan.’

Profet Daniel 4:3

“Fagaglana te fakakhana God ka tahati igre thono biꞌo fara! Kofubobhoi te edi mana igre thono nheta fara! God ginauna king fabrahu, eghuteuna mana ginauna funei fruni tifa tifa.”

Thakle 7:12

ne cheke eghu, “Uve, tutuani! Nomi God, ghehati cheke fakeli nigho nei pala hagheni nanghamu na nei fafnakno nigho. Ghehati cheke fakeli nigho eidi nou gaoghatho te keli nei nou nolaghi te biꞌo nei nou nanheta te au fabrahu tifa tifa. Amen!”