Letas Teke Riso Tei Mae Pol Ka Khiloau Rom 11:33 - Buka Blahi Ka Cheke Holo

³³ Tutuani fara, God na keli fara ka naikno te gnafare! Nogna glalase mana na biꞌo fara nei gaoghathogna mana na krepa fara! Tahati theome tangomana te filo glanini gaoghathogna God na, tahati theome tangomana te ghatho thokedi puhigna mana re!

Letas Teke Riso Tei Mae Pol Ka Khiloau Rom 11:33 ပူးပေါင်းရင်းမြစ်များ

Thoutonu Eigna Mae Job 5:9

God edi glepo te biꞌo te theome tangomana kaisei naikno te lasedi re. Kofubobhoi te edi mana re, theo kaisei naikno te tangomana te kahadi re.

Nodi Khoje Hatimare Mae Jiu 92:5

Lord God, nou gloku iagho re thofno biꞌo fara, nei gaoghathomu iagho re jaola theome tangomana ghehati te lasedire.

Letas Teke Riso Tei Mae Pol Ka Khiloau Rom 2:4

Jau ghotilo ghatho faꞌikoini kolho puhigna God na, eigna mana au kmu fara nei theome faghose diꞌatagna, nu mana ofou kolho. Ba, ghotilo theome filo glanini kolho God te au kmu fara na, naugna mana magnahaghei ghami ghotilo te mala tughu nagnafa na eghu sia?

Thoutonu Eigna Mae Job 37:23

Nogna nolaghi God mae ihei te au nolaghi fateote'o igne, biꞌo fara, tahati theome tangomana te lao namo tagna na. Naugna puhigna mana na thofno doglo fara, mana theome tangomana te goigoni ghita na.

Efesus 3:10

Nu gognaro na God ne babana u khiloau gne mala falalase nogna glalase te keli te gnafa God ka hatimare mae engel nei keha nafnata nolaghi langau ka maloa gne.

Eklesiasti 3:11

Uve, God neke famane lilisei fakeli gobigna lepore ka thofno narane gna na. Eghuteuna Mana jaola farirhiu ghita mala lasedi tahati glepo teke edi mana tifare, nei unha nate edi ginaure. Nu tahati theome thofno lasedi glepo igre.

Nodi Khoje Hatimare Mae Jiu 36:6

Puhimu iagho te doglo na ke tulaogna tuanai, thono haghe fara jateula thogele are eghu, puhimu iagho te mala fateni naikno ne soru pari fara jateula nhorora te mamhara eghu. Lord, naikno nei hose nei buluka, nei bosu mhata, nei saba, nei nanghaji teu igre au ka khamemu iagho.

Efesus 1:7

Kraes neke foli fajifla ghita ka dadara glehegna ke kligna gaju fafatha jateula kaisei fafara teu te mala hata fadelei nakhiboda ka nogna khokofakasai God te bruara igne.

Kolose 1:27

God magnahaghei falalase ka nogna naiknore u famane cheke poru igne mala toghodi fara naikno te gnafa ka nauthoglu igne. U cheke poru igne gaoghathogna na mae Kraes na auhi ke lamnami ghotilo, eghuteuna mana ginauna hata ghami tei mala au balugna God.

Letas Teke Riso Tei Mae Pol Ka Khiloau Rom 9:23

Eghuteuna mana jaola magnahaghei te falalaseni nafnakno gna te biꞌo tulao na ka naikno te kokhoni nognadi mana re. Eghuteuna mana vahidi hi naikno igre mala hata u nafnakno te biꞌo tulao tuana ka mana.

Nodi Khoje Hatimare Mae Jiu 97:2

Khoveo nei gromno teura au faligohoni mana. Mana funei frunidi nei fatedi eghu naiknore ka puhi te thofno doglo fara.

Nodi Khoje Hatimare Mae Jiu 77:19

Iagho neke nonolo ke kligna galo, eghuteuna iagho neke kasa farihotei nhorora, nu theo kolho kaisei naikno teke filo nigho na eghu.

Thoutonu Eigna Mae Job 26:14

Nu, glepo igre God jateula te cheke faꞌikoi ra eghu kolho. Uve, glepo igre thofno vido ikoi kolho ka glepo teke edi mana re. Eghume jame fakakhana God nogna nolaghi na meuna, ginauna na jateula fila biꞌo eghu, eghuteuna tahati ginauna theome tangomana te laseni nolaghi tuana.”

Efesus 2:7

Eghume, gaoghatho teke eni mana igne tangomana te falase ghita tifa tifa nogna khokofakasai biꞌo nei nogna thotogho ka tahati naugna mae Jisas Kraes.

Profet Daniel 4:35

Naikno te gnafa ka nauthoglu igne theome glepo ulu ka tathagna mana na. Tothoghei engel te gnafa te au kligna nei naikno te gnafa te au ka nauthoglu pari igne au kolho ke parigna nogna nolaghi mana. Theo kaisei naikno ka nauthoglu igne te kegra fothini mana na, jaola theo kaisei naikno tangomana te ghusna eghu ka mana na, ‘Unha gne te eni iagho na?’

Nodi Khoje Hatimare Mae Jiu 40:5

Nogu Lord God, iagho neke edi kmana glepo fara malami ghehati neku, jare na theo kaisei God te jateula iagho teuna! Iagho neke edi famane gaoghatho te keli te mala leghudi ghehati teku re. Iara theome tangomana te kahadi unha teke edi iagho mala togho ghami ghehati teku re.

Thoutonu Eigna Mae Job 9:10

Tahati theome raꞌe lase fakelidi glepo te biꞌo teke edi mana re. Eghuteuna kofubobhoi teke edi mana re, thono kmana fara.

Efesus 3:16

Iara toreni God ka nogna nafnakno biꞌo kligna mala snakre meini nogna Tharunga te Blahi na ka ghotilo, mala tangomana ghotilo te heta ka nagnafamire.

Proveb 25:3

Tahati theome tangomana te laseni gaoghathogna king na, eghume tahati jaola theome tangomana te laseni unha glepo te au kligna na, nei unha glepo te au ka khotogna nhorora na.

Thoutonu Eigna Mae Job 37:19

“Iagho farirhiu ghami ghehati unha nate chekeni ghehati eimu iagho ka God na. Ghehati theome laseni nou puhi iagho na naugna ghehati thono romno fara phaꞌumi re.

Thoutonu Eigna Mae Job 33:13

Ba, iagho cheke faparini God, naugna mana ne theome cheke tughuni nou khuru cheke na?

Thoutonu Eigna Mae Job 15:8

Ba, iagho neke fanomho ka nogna gaoghatho God teke faidu mare kligna re? Eghuteuna iagho gaoghathomu na iagho kolho te lalase na?

Nodi Khoje Hatimare Mae Jiu 139:6

Iagho thofno lase fakeli ghau fara ngala iara, nu iara theome lase thokeni eigna igne.

Nodi Khoje Hatimare Mae Jiu 145:3

Lord na thofno fnakno fara, eghuteuna naikno te gnafa gre mala fafnaknoni mana. Theo kaisei naikno te nabagna te mala laseni nogna nolaghi mana na.

Proveb 25:2

Iagho ghatho tahuni God, naugna mana pophoru kmana glepo. Nu iagho ghatho tahunila mae lida na, naugna mana ne hiro dedi glepo igre.

Eklesiasti 7:24

Gaoghatho te keli na khaba fara nei jaola mamhara fara. Ninhigrana fara ranghi ghita te mala laseni na.

Eklesiasti 8:17

Eghuteuna iara ne filodi gobigna lepo teke edi God igre, nu theo kaisei naikno te thofno lasedi u gaoghathodi unha te edi God ka nauthoglu igne. Neuba tahati ne fariuriu hiohiro eidi glepo igre, nu tahati theome tangomana te thofno lasedi gaoghathodi gloku te edi God igre. Eghuteuna neuba kaisei mae glalase ne chekeni ne lasedi unha te edi God ka nauthoglu igne neu, nogna cheke mana igre theome tutuani, naugna theo kaisei naikno te laseni gaoghathogna God na.

Profet Isaia 28:29

Lord mae ihei te au nolaghi fateote'o igne mana thono lalase fara, nei mana laseni fara te tusu mei gaoghatho te keli ka tahati na. Eghuteuna gaoghatho te keli igne mei funu ka Lord.

Profet Isaia 40:28

Ba? Ghotilo theome laseniu kolho? Ghotilo theome nomhini kolho? Lord na God mae ihei te au fabrahu funu tifa, eghuteuna mana neke vuavuha gobigna lepo ka nauthoglu igne. Theo kaisei naikno tangomana te thokeni gaoghathogna Lord na. Mana theome tangomana te babaꞌo ba te nigra na.

Ululahu Korin 2:10

Nu God neke vahini Tharunga na mala falalase ka tahati unha teke poru na. Neubane poru fara ka gaoghathogna God na glepo igre, Tharunga te Blahi na la kulu lasedihi nei fatakledihi.

Nogna Buka Esta 2:22

Kate nomhini mae Modikae nodi cheke phia mae igre, mana tei ne cheke ka Kuin Esta. Aonu Esta tei ne cheke ka king cheke teke nomhini mae Modikae ka phia mare igne.

Thoutonu Eigna Mae Job 10:13

“Nu gognarona iara filo glani te pophoru fabrahu iagho gaoghathomu na. Eghuteuna iara laseni te pophoru iagho nou gaoghatho te mala goigoni ghau iara na.

Thoutonu Eigna Mae Job 23:14

Eghume mana ginauna eni unha teke ghathoni mana mala eni ka iara teku na. Eghuteuna kmana gaoghatho eigu iara na la kulu auhi ka gaoghathogna mana na.