Letas Teke Riso Tei Mae Pol Ka Khiloau Rom 11:27 - Buka Blahi Ka Cheke Holo

²⁷ Kate hata fadelei iara nakhibodire, iara na eni kaisei nhaꞌa cheke baludi mare.”

Letas Teke Riso Tei Mae Pol Ka Khiloau Rom 11:27 ပူးပေါင်းရင်းမြစ်များ

Profet Isaia 27:9

Jame te magnahagheni God te hata fadeleidi nakhiboda re na, tahati vikegna mae Jekop gre, tahati ginauna paꞌe soru nodi olta keha god igre mala bruja ghilei vuhai nakrofu kolho. Eghuteuna ginauna na theo kaisei mumuju god gaꞌase Asera ba kaisei olta mala gahu insens te au ka vido igne.

Profet Isaia 59:21

“Igne nogu nhaꞌa cheke iara na: Iara lisei soru Tharungagu na ka ghotilo, eghuteuna iara neke tusu arihi ka ghotilo nogu farirhiu ra. Eghuteuna phei glepo igre, Tharunga ghe Farirhiu ginauna au fabrahu balumi ghotilo. Phei glepo igre ginauna na au fabrahu baludi thumi ghotilore, eghuteuna jaola au baludi iheire nate karha mei ke leghumi ghotilore tifa tifa.” Igne chekegna Lord.

Profet Isaia 43:25

“Nu tutuani fara, iara Lord nomi God ghotilo. Eghuteuna iara hata koko nakhibomi ghotilo tuare leghuni puhigu iara na. Eghume iara ginauna nake theome ghathodi nakhibomi ghotilo re.

Hibru 10:16

“Iara ginauna na eni nhaꞌa cheke igne ranghidi mae Israel. Iara ginauna na lilisei nogu vetula na kau nagnafadire, nei iara ginauna rioriso kau gaoghathodire.”

Jone 1:29

Ka keha narane na mae Jone ne filoni mae Jisas ne mei ke ulugna mana. Mae Jone ne cheke eghu, “Filo laoni mae te mei ana. Mana ngala nogna sipu God te mala fafara na. Mana ginauna hata fadelei nakhibodi naiknore ka nauthoglu igne.

Profet Jeremaea 50:20

Ka narane tuare, iara ginauna na theome filoni kaisei nakhibo ka iheire te au nga teu, naugna iara na atha fadelei nakhibodi naikno gre.” Igne cheke gna Lord.

Profet Hosia 14:2

Ghotilo mala ke pulo mei ka Lord, eghuteuna ghotilo tangomana te tarai eghu ka mana, “God, iagho tangomana te hata kokodi nakhibomi ghehati gre, eghuteuna jateula nomi fafarai teu ghehati na, ghehati ginauna na cheke fakeli nigho.

Profet Isaia 55:3

Ghotilo mei ka iara! Ghotilo fanomho mei! Jame te mei ghotilo na, iara ginauna eni kaisei nhaꞌa cheke balumi ghotilo, eghuteuna nhaꞌa cheke igne ginauna au fabrahu tifa tifa. Iara ginauna ghatho tahu ghami ghotilo fabrahu jateula teke ghatho tahuni iara King Devet tifa ia eghu.