Letas Teke Riso Tei Mae Pol Ka Khiloau Rom 11:20 - Buka Blahi Ka Cheke Holo20 Tuana tutuani fara. Nu God neke kato koko grege tuare naugna mare ne theome fatutuani ni mae Jisas. Eghuteuna ghotilo mala kaisei vidogna thofno gaju oliv igne fabrahu, naugna ghotilo ne fatutuani. Ghotilo mala thosei fahaehaghe ghami eigna igne, nu fiofilo ghami eghu. အခန်းကိုကြည့်ပါ။ |
Letas Teke Riso Tei Mae Pol Ka Khiloau Rom 11:20
43 ပူးပေါင်းရင်းမြစ်များ
Kheraguro, kate au tekeu iara balumi ghotilo jare ia, ghotilo neke leghudi koba nogu farirhiu iara re. Neubane au fadelei iara, iara magnahaghei ghami ghotilo fara te leghu ghau iara gognaro gne. Loku heta balu mhaghu nei fifilo fakeli mala gnafa fakeli nogna gloku God te mala athi ghotilo karha na.
Ghotilo parani naꞌa nanaba ka puhigna naꞌa te fafnaknoni kolho thegna nei gleale'a kate snori nogna ka gobigna lepo te magnahaghedi naꞌa re. Uve, iagho tangomana te mala fakabruni naꞌa, naugna naꞌa ne cheke eghu koba, ‘Iara gne au jateula nakrupe biꞌo eghu. Iara theome jateula thau glehe kokoi eghu mala au diꞌanagnafa nei tanhi eghu.’
Uve, ghotilo ne cheke eghu, ‘Ghehati dedei fara, eghuteuna la auhi gobigna lepo te magnahaghedi ghehati re.’ Nu ghotilo theome lasedi kolho eghu! Tutuani, ghotilo nabami te au diꞌanagnafa na, naugna ghotilo ne kmo'e ka nogna thofno gobigna lepo God re. Ghotilo kuma fara ke ulugna God, naugna puhimi ghotilo re thono diꞌa fara. Ghotilo soesole, naugna ghotilo ne theome fatutuani ni God. Tathamire jaola ne dofu, naugna ghotilo ne theome raꞌe laseni mana.
Mae Silas togho ghau iara neke rioriso letas kmoꞌei igne ranghi ghami ghotilo. Iara laseni mana kaisei mae kheragu keli iara ka khiloau gne nei iara thofno ronuni fara mana. Letas igne iara magnahaghei te fahetadi nomi fatutuani ghotilo re, nei jaola mala cheke ka ghotilo eigna u nabrou God teke falalase ka tahati ka nogna khokofakasai. Igne thofno nabrou te tutuani na, eghuteuna ghotilo mala kegra maku tagna.
Mana ginauna cheke fadiꞌadi gobigna lepo te tufru sorudi naiknore balu nodi thua nafnata god. Eghuteuna ginauna mana na ghatho tahuni thegna jateula kaisei mae te uludi gobigna lepo te tufru sorudi naikno igre eghu, eghuteuna mana ginauna tei gnokro lamna nogna Sugablahi God eghuteuna mana na chekeni te mana ngala God na.
Nu mae Jiure ne tirodi fatutuani di nogna farirhiu mae Pol. Eghuteuna mae Pol ne buebue ka nogna phoko na kaisei fagaglana God theome magnahaghedi naikno tuare, ne cheke eghu, “Te fate falehe ghami ghotilo God ginauna, tuana nomi puhi ghotilo themi, theome nogu najafra iara! Funu gognaro na iara ginauna na tei toutonuni u Nonomho te Keli igne ranghidi naikno te theome Jiu.”
Mae Jisas ne cheke eghu ka mare, “Te chekeni iara ka ghotilo na. Mae te diꞌa igne kate ke pulo ka suga na, mana ne thono doglo fara ke ulugna God, eghuteuna mae Farasi gne ne theo kolho. Eghume mae ihei te fahaehagheni thegna na, God ginauna nake nhaꞌa faparini mana, nu mae ihei te nhaꞌa faparini thegna na God ginauna nake nhaꞌa fahagheni mana.”
Ka narane tuana, ghotilo ginauna na theome mamajadi puhi te diꞌa teke edi ghotilo tifa ra. Naugna igne iara ginauna brue fajifladi naikno te fahaehaghe nei huhughu teu igre. Eghuteuna ghotilo ginauna au ka nogu Thogele blahi iara igne Jerusalem, eghuteuna ghotilo ginauna theome figri tagru ghau iara.
Hamerane boibongi ka keha narane na, hatimare mae soldia ne tarabana mala tei ka namono nagou rhegna namono Tekoa. Eghuteuna kate tei mare na, King Jehosafat ne cheke eghu ka mare, “Ghotilo maemi Juda nei Jerusalem, fanomho fakeli ghotilo ia! Fatutuani ka Lord, noda God, eghuteuna mana ginauna farheta ghami ghotilo. Ghotilo fatutuanidi nodi cheke nogna mae profet manara, eghuteuna ghotilo ginauna tangomana te uludi mae naoka re.”
ကြော်ငြာတွေ